就算係咁又點，條路都係仔女自己揀自己行，做父母嘅可以做啲咩，而家又唔可以盲婚啞嫁，夾硬推個女上花橋送去嫁人咩
父母可以做嘅係比啲空間仔女自己發展，唔好比壓力佢哋就最好
2個讚
順其自然啦
有咪有, 無咪無囉
有緣起上黎,
可能求其搭程車/食飯搭枱都識到另一半返黎
1個讚
我一開始都係咁講，只係唔同意林志玲呢個case
遇到衰人咪仲麻煩 寧願佢單身好過 人唔一定要結婚生仔 一個人都好精彩
分享少少自身經歷先：
我中學都係女校讀書，而且本身性格都內向細膽同保守。
由初中嘅聯校活動到高中去聖堂，再到大學識到唔同嘅男仔，我都係一望住人對眼就面紅又口窒咁講唔到嘢，個腦一片空白。
我到到返工都仲係會咁…講工事都唔可以成日望住男同事對眼…
講真我當時都冇諗過父母點先幫到我出pool，因為父母圈子非常窄。細個曾經都有問過父母如果我唔係讀女校就未必會咁（但都只係講吓，因為我升中都係諗住揀呢間女校）。
到大學畢業幾年後，我直頭係諗身邊咁多人有拍拖經歷，不如點都試拍一次啦，唔好後悔嘛。所以就開始上網識人。當年有2個出過1-2次街，對方都係正常人，其中一個我冇興趣，而且佢對我朋友有興趣多啲；另一個細過我，煲咗一排電話粥（講電話我又冇咁驚），同佢相處有種神秘感係你會好想知多啲認識佢多啲，但佢啱啱散，又好掛住個ex，同時佢都好君子（又或者我唔係佢杯茶），冇下文。
再之後識到一個男仔，煲咗一個月電話粥後，覺得把聲好聽、三觀夾、學歷又相近、咩都傾得埋咁，就出嚟見面，然後第一次見面我已經覺得唔係我理想型，因為我都有少少外協（但我本人都唔係咩靚女lol)，但之後諗諗下又覺得其實客觀條件算係一個夾嘅對象，點解唔放手一試呢，試吓做朋友先唔好咁快落閘啦。然後就開始咗人生第一次拍拖，然後真係好夾就結埋婚了。
好似講到好遠，哈哈。
呀女如果心急，可以試下上網識人（呀女自己都要小心），用app/義工/興趣班都得；如果身邊有人approach自己但自己係外協就要放低少少，做朋友唔洗睇樣嘅，做住朋友先囉；如果好怕醜唔可以望實就試下講電話開始。
如果呀女唔急嘅，就等佢自由自在啦～
2個讚
我都希望我女可以好似你咁，搵到個適合嘅人陪伴 
佢唔怕醜，就係莫名其妙啱傾嘅都係年紀大佢一大截嘅師奶或者阿叔，呢啲人都唔係正常後生女應有嘅圈子，人地都有家室有自己仔女，最多當我女係妹妹仔
頭先阿女話去書展，我問佢係咪約朋友一齊去，佢話朋友返工所以會自己一個去，我聽到都覺得孤單 
林志玲有本錢，都要四十幾歲先嫁得出，何況樓主仲要講佢個女樣貌身材都唔太出眾
我咁講只係想話比樓主聽，年齡條件都唔係搵唔搵到老公嘅原因，大把人冇學歷冇靚樣冇身材一樣都可以結婚，關鍵係遇唔遇到Mr right
1個讚
我get 到林志玲都要40歲…普通人咪…
其實都係果句, 佢自己想就會有辦法, 唔知樓主當年點識佢老公
我明樓主點解咁擔心，過下過下容乜易就過咗揾對象最好嘅年紀。唔係話單身一定唔好，但做阿媽始終想個女有人錫。
不過講真樓主又真係冇嘢做到，都係睇阿女會唔會主動出擊，join下d行山做運動meet up係咪應該都可以識下人？
2個讚
其實感情ge野順其自然la, 勉強冇幸福
正所謂緣份來了便xxxx
同埋當時人唔急你急都冇用
仲有一個人唔代表孤單
而家大把人一個人食飯；睇戲；旅行好平常的事
推介你聽下林家謙一人之境
如果強求為有人陪而委屈or勉強自己仲陰功
同埋而家社會冇話幾時要拍拖結婚生仔
香港社會香港人已經壓力好大ga la
你增加自己同ar女壓力何必呢？
放鬆d la香港人
利申：over 35歲未結婚而家冇拖拍咪又係生勾勾
5個讚
我三字中多些年紀，身邊同輩都有很多無拍拖無結婚，
有讀女校，有讀男女校，背後好多原因好難講
我雖然有結婚生仔，但人生不只一條路，
唔但只另一半，仲有另一半既家人，
而且人生咁多意外好難講，
一個人自由自在也很好
就係林志玲咁嘅條件更難搵男朋友，因為唔會肯將就！
2個讚
其實個女想拍拖，自然會搵方法識人，唔駛逼佢，逼佢反而令佢覺得單身自卑，自卑就更難有自信魅力吸引男仔
有自信就有吸引力，未必關外表事
鍾意同年紀大一截既人相處又如何？我當年都係怪，鍾意呀叔類型，最後搵左個性格超成熟既同齡男仔一齊，一樣得。年紀大一截既朋友，隨時之後會有介紹添！
2個讚
我初頭以為係咩膠post
Btw 樓主你唔好介意，希望你覺得阿女「好孤單」、「好普通」等既睇法唔好影響你個女。我有個親戚個女好似你咁，一直無拖拍，阿媽係咁催催催，點知最後佢識左個中三都無畢業，係人哋喪禮做法事既男仔，激到阿媽死，又要捧打鴛鴦。。。
我覺得做媽媽係可以：
陪下阿女shopping，資助下阿女買下靚啲護膚品化妝品，打扮再靚啲，增加自信
鼓勵阿女讀進修下，唔好成日覺得得女仔先讀，識多個朋友，就有機會識埋朋友既朋友
同唔好咁煩（我媽就係超煩，我哥以前識咩人都每事問，煩我哥既朋友都同我講叫我勸下我媽，否則識唔到女朋友。。。結果我哥真係無結到婚）
同埋，我自己都係教書，我同我老公就係學校識。呢兩年間間學校請左好多新老師，應該有機會識新朋友
4個讚
呢 d 咁順水推舟嘢我都經歷過
有次同一大班中學同學(有男有女)去唱 K，叫咗我個女同事一齊去，然後個同事帶咗個女仔出嚟，結果呢個女仔嫁咗俾我中學同學
其實單身自由自在咪幾好囉
如果時間有得倒流我唔會結婚
依位母親，你諗野都幾單方面，世上有好多野唔係只有你諗果方面係岩既。
你想可以繼續控制個女既話就幫佢相睇，搵個都係同你一樣咁強控制慾既奶奶就搵到岩心水既女婿嫁喇，反正都係兩位家長擺布兩個公仔。
有拍拖又唔一定開心，有老公又唔一定錫佢，佢搵到佢既人生樂趣咪得囉。
4個讚
呢啲真係無得點幫, 只可以提意睇下會唔會星期六/日,
報名學下嘢識下人, 唔一定係男仔, 識到多啲唔同既人
啱傾既可以 join 人地一齊去跟下人玩下, 話唔定有啱既
男人朋友可以認識下.
我細個都係讀女校, 之後出嚟工作, 都有d機會識到男性朋友
我有一個同校同學, F.6轉左去讀男女校, 又讀埋大學, 出嚟做嘢之後一直冇人追佢 .
佢返嘅工都有男同事, 早10年前佢有參加網上搞果d男女網友聚會 (行山, 唱K, 攝影), 到而家4X歲都係A0.
或者樓主可以問吓個女心意, 睇吓佢係偏向單身自由, 定係佢本身都有對象, 只係收得密?
人一出世就註定孤獨，就算有老公又保證老公可以陪到個女過身？
幻想個女有老公就係有人陪有人照顧，其實可能到頭來係個女照顧人
2個讚