出去旅個行或去老蘭飲杯嘢囉。
最實際都係speed dating /上網識人，趁未過年紀就去試下囉，不過媽媽都係講2句就好，講太多一定反效果。
1個讚
我比較老土，總覺得呢啲好易識到壞人或怪人
點都好，識男仔最緊要識埋佢班朋友，咁先知佢個人設係真定假
1個讚
我覺得係一個方法，以前冇上網識人都一樣有騙子
點解一定要追求人哋愛自己
自愛先係最重要
仲要現代女性已經唔洗靠人養
單身開心好過一堆人有感情問題啦
8個讚
同意，同埋呢個年代個個都上網。如果要好似以前咁屋企人/朋友介紹/相睇仲老尷。其實當識多啲人，如果年紀唔係好大，唔係一定要好心急，越急反而就大壓力易俾人呃。
同埋雖然外表唔係最重要，但呢代啲人都外協，適度女性化啲既打扮同化妝都有需要。同性格outgoing d有著數。唔好一黎覺得同異性出街食嘢就一定係拍拖，可以慢慢由朋友了解再睇啱唔啱發展。簡單啲講係唔洗太目標為本識人就係為男朋友。第一步擴闊下圈子(唔止女性朋友)，對佢自己都好。
不過都係個句，睇你女係咪真係想拍拖，宜家呢個年代無話人人都要行拍拖結婚生仔呢條路先係幸福。
3個讚
好多大男人鍾意咁樣嘅女仔
我覺得鬼佬鐘意
有時識多啲人，唔駛太close
其實又唔會咁易比人呃
係呀，同埋佢無同異性相處經驗，所以第一步又唔洗話即刻就係搵男朋友，就試吓同異性相處，又可以了解下自己係鐘意咩類型，或者邊種男仔易相處啲。
我就係驚佢畀人呃，或者急到嫁錯郎，應該趁依家後生廿幾歲擴闊圈子乜都試下嘛！
可惜次次佢識親唔係我年紀嘅媽媽，就係都係單身嘅女仔，完全無同異性相處
擇偶條件佢有同我講，話正當職業，無不良嗜好，高過佢，唔娘唔基唔花心就得，我都嫌佢要求太低，呢啲九成男人都符合資格 
可能真係好少同異性相處，實際自己鍾意乜類型都唔清楚
可能人地介紹個仔比佢呢
咪係，拍拖係講chemistry, 唔係話個人正正常常佢就ok嫁。呢啲真係要佢試過先知。
2個讚
係啦，牌面ok, 但冇feel就冇feel
1個讚
其實呢個都唔一定係壞事，好多時相處落先知自己想同咩類型嘅人共渡餘生
其實佢得廿幾歲，有乜好心急
好似林志玲咁，又靚又有身材又有學歷，都要到4十幾先結婚生仔
你個女仲有大把時間
又老實講，眼見廿幾歲都未拍拖，到40歲仲係一個人嘅人都唔少
鍾意嗰類唔等如會遇到，我都好想搵個高大靚仔運動型，但現實係遇唔到，反而我老公並唔係呢類，但相處到又夾到所以就一齊
真係啊，林志玲可以咁但係咪人人都係林志玲先。
我同意唔係一定要急拍拖，但其實都應該諗下自己係想點。
1個讚