真係驚呢樣，我老公老細個女做律師一直冇拖拍，到四十幾歲嗰陣被個大陸農夫搞大個肚結婚，個男人就唔做工等老婆養 
可能真係阿女不修邊幅，佢唔shopping唔化妝，走去買書買遊戲機，護膚都係依家壓力大出酒米先肯用下面膜，防曬都唔用，教書就更加唔洗化，我都要諗諗計點樣令佢對扮靚有興趣
呢兩年學校希望係零，走得好少又請曬女人，唯有再等下年
我覺得個女有玩過交友app，證明佢都係想拍拖既。除非100%肯定自己適合單身，否則試吓拍拖再考慮自己係拍拖適合定單身啱佢。
不過做媽咪引導下就夠，成日講就變咗煩。認同樓上講帶女去shopping 買下衫扮靚，進修，學下新野，為咗自己唔係為男朋友。我覺得做呢啲野我自己會開心。正所謂花若盛開，蝴蝶自來。
不過平心而論，我幾鍾意拍拖既，哈哈。我都係女校外國讀書，但都易識到異性同我鐘意同男玩多啲。
1個讚
係，啊女本身已經好少朋友，壓力大或者受委屈都唔出聲無人傾訴，屈埋間房自己喊，我都想佢有人錫有人關心
可惜身體問題，唔玩得運動，唯有寄望佢參加嘅興趣班都可以識到人
律師同農民都搭得上
1個讚
老公老細內地有樓有地，村委省委飯局認識
咁荒誕嘅事都發生到，咪話我唔驚，心血少
可能個農民好靚仔各取所需…
如果個農民顧家，又肯湊仔，做家庭煮夫都ok
只係同傳統男女角色調轉咗
如果農民食軟飯就…
無乜朋友，無伴侶，照計會搵屋企人傾，但都無搵你地傾情願自己O係房喊，係咪你要諗下辦法等佢同你講心底話先呢?
首先，有拍拖會係煩惱既開始，唔一定係有人錫唔一定係有人關心。邊有話一定搵到個咁既伴侶，咁多姊妹都結左婚之後都覺得唔嫁最開心。
3個讚
我自己有類似背景，勁怕呀媽問，勁怕呀媽介紹，一來呀媽「條件好」嘅定義好唔同
，二來俾兩邊家長以期待眼光𥄫住段關係好鬼尷尬。
我自己鍾意用app，識咩人都唔洗顧身邊人眼光，識到嘅人可以背景好唔同，壞人一定有，但其實好多都feel得到唔對路的
3個讚
性格缺陷，阿女唔想見到人地唔開心或者覺得佢煩，所以唔肯講咁多
好多時候都係教書壓力大，多嘢批改，我都幫唔到手，唔知點樣開解佢，所以希望佢搵一個人可以傾訴同埋減壓
但我又唔覺得呢個係缺陷，除非佢收埋自己行唔返出嚟。我有煩惱個陣，我都唔一定搵其他人傾，講真有好多煩惱如果人哋無經歷過，根本唔會明。就好似老師多野批，你同其他唔係同行或者無咁辛苦既老師呻even搵老公，人哋一樣同你講，呢個人工預咗或者求其叫你抖下，呻黎無意義。我覺得好多時自己消化下反而係最好。同埋另一半都唔係情緒垃圾桶。
我覺得有另一半同結婚我係開心既，但你所講既搵人傾訴同減壓未必係搵另一半既原因。
1個讚
咪係囉，你想個女搵到個情緒垃圾桶，人地都想個仔搵到情緒垃圾桶，家務助理
2個讚
既然你眼中，你個女咁多缺點，又性格缺陷，又無身材，又無樣，又唔外向然後你仲想係咁搵個水魚𠼰左佢咁。
退一步啦媽媽，細個你安排得個女既路行到今時今日，依家佢下半世你仲想繼續安排?
佢點樣識人，你要管提議去教會，去興趣班，去進修，放過佢啦。如果本身唔係外向既人你係咁叫佢去識人咪又係壓力，返工有壓力無人幫，返到屋企又要面對個阿媽完全唔識欣賞自己，唉，我鄧你個女慘，應該都要用一生去治癒童年。
你諗下啦，個女識唔到另一半又點? 佢係咪你個女?
8個讚
科技進步識唔到，遺傳父母
紥鐵裝修多男人
台灣拜月老廟，認真
咪掃興，作野作到大大段多回應熱鬧
唔講以為我阿媽上左嚟。
俾啲空間大家啦。
阿女想搵個伴，自己都會焦急；
唔想搵嘅，就會覺得阿媽煩。
教書已經夠忙，又何必添加煩惱呢？
細細粒教師係有market嘅，
唔少人有覺得教師有愛心同耐性、
細細粒有人會覺得可愛，
加上職業正當，大部分人都冇不良嗜好，係有佢嘅market。
（唔係講到教書人上人超受歡迎，但未至於樓主講到咁大鑊）
老土講句，緣份到，擋都擋唔住。
樓主女兒性格應該都唔錯，
起碼有事自己食咗佢而非搵人發洩，性格溫馴，一定有人識欣賞。
到佢的起心肝想搵另一半，就會撥啲時間去識人。
最後，自爆下，我都係細細粒、唔打扮、女校出身、圈子窄同教書。
廿歲時專心事業，工作上有滿足感，唔覺得要，亦唔急搵另一半。家人、朋友、學生、家長急過我。
到廿尾，朋友聚會中識到另一半，之後結埋婚。
1個讚
係，媽媽點睇自己個女係直接影響個女點定義自我價值
個女聽埋聽埋就覺得自己唔值得一個好嘅男人，求其揾個肯要自己嘅算
End up 有拖拍都唔知係咪好事，遇到渣男分分鐘都會逆來順受，因為阿媽成日話我差，我 deserve，有男人過世已經好好
6個讚
希望我女可以同你一樣，好快搵到識得欣賞佢嘅人 
要由呀媽識欣賞佢開始先
得閒讚佢多d
母女都可以咩事都傾
同享分享多些趣事
為佢減壓
1個讚
睇睇下都係膠味濃，仍然自說自話中，選擇性回應。
總之都係快D搵條水魚做佢個女既貼心情人同情緒垃圾桶。
3個讚