咁又唔一定，有時耳仔軟俾人lur下做錯決定都唔奇。我妹其實本身一直話唔生，因為生左冇人湊，佢奶奶又係拍哂心口話會幫湊生一個都好，我妹夫係獨子。
我妹係有動搖，不過我極力勸佢一定係假，生完就算請左工人都會想有人幫手望住，除非肯做ftm，人地事前應承到天花龍鳳都冇用。暫時我妹都係偏向唔生，人地奶奶嬲左，不過我真心覺得冇資格嬲囉。
1個讚
真係好多呢d家長…
我完全明你嗰種陰影
我咪就係覺得呢啲奶奶彈出彈入。想人地生個陣就介入兩公婆，唔俾人自己決定生育，情緒勒索。但講到湊孫就個人主義話唔關佢哋，你哋兩公婆責任。
係呀所以你頭先講既我明，有d 奶奶特別係生獨子好容易道德綁架。有時2x歲30頭新婚，未經歷過唔知湊bb係幾忙幾困身，俾人講2句耳仔軟生左就係硬食。
我地見慣好多長老下巴輕輕放飛機就知唔可信姐，有d 傻妹真係會信，我妹本身都話佢奶奶獨子獨孫點會唔幫，真係好天真，隔離有個post 都係講類似嘢，我真係要send 俾佢睇
唔係真心自己好鐘意小朋友既真係唔好生，唔好俾人講2句就覺得自責搞到人地斷後絕孫，咩年代呀。
3個讚
我就係有依款阿媽湊大，細個時佢d朋友帶埋細路黎屋企，朋友行開行埋無跟住眼佢都好緊張，我點爬高爬低執地下野食都得，朋友個仔乜都唔得。
鄰居個bb，出出入入見到佢都係同個阿媽打招呼，唔會點同個bb玩。
依家我朋友個bb，佢都係遠遠望下，唔會話抱呀同佢玩呀，唔會。
放飛機既case我屋企都係，不過都迫不得已既情況下唔湊。
本來阿嫂同佢娘家住好近(北區)隔兩條街咁，我地住油尖旺，其實點計都係佢外家湊方便。
不過可能阿嫂既諗法就係幫左男家生孫所以好堅持要我阿媽湊。
點知預產期早幾日阿爸入左院，仲confirm埋肝can無得醫，就係咁所以放左阿嫂飛機。
最後姪仔未百日阿爸就過左身，但姪仔都係外母湊。
如果要咬住佢應承過而無做然後成世都嬲9佢地，你係無錯既。
但點解一定要錫孫或者要出錢呢?
你麻麻湊你所以全世界既麻麻都要湊孫?
個個家庭唔一樣，唔可以一概而論既。
3個讚
人生路係自己行，家庭路係同老公行，任何事情
無"應份"
無"理所當然"
無"一定係"
無"點解唔做"
想控制其他人行為之前諗下自己接唔接後到控制不能既後果，
你想有人幫你湊，就算你出錢請工人幫手湊，工人都有權揀工唔黎你依家人。
長老湊仲要諗下你欠落個人情有幾大，唔係錢就打發到。
長老要求返你陪覆診你都無say no既權利，再年幾大d去到要幫沖涼失禁要把屎把尿，依d時候你咪要還人情囉。
到時我真係恭喜你喇。
可能又可以幻想得好d既，長老幫你湊到小朋友唔洗貼身湊既時候兩腳一伸咪無人情要還囉。
5個讚
其實我都覺得唔好要老人家出錢，如果已經生左，佢地唔幫咁都要接受喇，請左工人係頭2年辛苦d，番學又輕鬆好多。係覺得未生既要諗清楚姐，當係得自己同工人，講真有d 人連自己老公都唔幫，更何況長老。
4個讚
其實照顧頭家係自己責任
唔知點解樓主講到呢啲基本責任要其他人一齊負咁
4個讚
我老公就係覺得奶奶要幫手餵飯嘅人，一家人食飯，佢永遠安排個仔坐嫲嫲隔離，等我可以同老公傾偈 
我好想坐個仔隔離啊 
我覺得同借錢買樓係2回事。錢已係度，問題係拎唔拎出黎借比人，借既咁個制就得，好容易。
湊B唔同，新抱生完先知原來bb咁細粒咁散咁煩，呢家d用具又消毒又要跟晒程序，點記？手震震又比人話慢，又黑面，當然淆底。
係呀當初吹大左，咁點jie, 係人都會吹到天下無敵ga la, 問題係有人信，又唔留條後路比自己。
同埋，調轉諗，如果樓主家境充裕，老人家唔湊有咩所謂？請幾個育兒專家上黎湊都仲得。所以個root cause 係老公收入唔穩定（文中重覆幾次），導致其他地方出問題，佢放大左個問題兼攻擊發洩。
5個讚
老公應承過嘅野都可以反口啦，更何況長老 
老人家touchwood健康如果突然變差或者有其他情況
工人都可以突然跳工（我就試過 
）
最可靠嘅人只有自己
3個讚
但吹水者都唔係講到無錯既，我覺得樓主既後路就係娘家。
可能佢只係舉左一個餵飯例子。同我哋都focus左長老湊個度，佢既問題係兩邊屋企經濟情況，價值觀唔同。而又未有錢到carry另一邊都無問題。都真係唯有自己諗通。
係嫁，所以如果老公反口我都會諗辦法俾佢知味道。
同老公反口都會嬲啦，唔通又話鬼叫你信自己老公blame the victim。
1個讚
UNDER VOW都會離婚，何況NINE UP
4個讚
樓主可能日日3hrs chur 到太累了，轉晒牛角尖。放鬆下，唔去諗，比自己個人休息下。
反正再轉落去都無結果，抖一抖再諗點拆吧。
所以o係嬲依個point度係無問題，
只係嬲係情緒，唔係解決到事情既辦法。
3個讚
樓主就係父母果邊太好、有比較好傷害……
1個讚
可能你同樓主娘家都係環境好又後生果隻、我自己同有啲朋友既屋企、都係覺得子女出身可以退休唔駛做、而家多娛樂湊b又多要求、仲點會想日湊夜湊、我自己生都覺得係好大承諾
1個讚
呢頭家係兩個選擇一齊生活嘅成年人組成，就好似我唔會話為我老公頭家仆心仆命，而係為自己頭家盡心盡力。樓主要改變下思維，頭家係你同老公兩個人建立，只有你兩個對呢頭家有責任，唔關其他人包括四大長老事架。
4個讚
不能同意更多。
成年人，大到可結婚生仔，仲要求父母對自己頭家、個孫負責… 只可以講幫到人情幫唔到道理。
3個讚