我奶奶同媽咪五十幾歲，佢哋都係鐘意搵野做既人。我媽就算未上陪月堂個陣都會自學下日文做下part time。我諗佢哋除咗幫手湊，佢哋都係鐘意小朋友既人既。同未生之前我都成日同媽咪去旅行，都係啱啱生完個陣無得去旅行住。可能遲啲B大左又可以一齊去返。
我都會希望湊b大家盡量輕鬆啲，大家分工合作囉，我唔係要求高既人。
將自己責任推落人地到…
1個讚
呢個就係問題
可能因為大部份成年人同我自己成日都唔覺得人哋應承幫我就要老奉
所以我永遠都會留條後路俾自己，冇後路嘅話，我寧願唔做嗰個決定。我好明白呢啲決定係我自己嘅 benefit，其他人係冇責任。
例如係結婚有姊妹放飛機 (冇辦法佢啱啱過外國生活，返工嗰度真係請唔到假，嗰陣佢經濟狀況唔太好)，再之前提過嘅湊仔我爸媽放飛機，結婚買樓我奶奶話俾幾百萬我哋嗰啲。
基本上我都好冷靜自己解決自己嘅問題，冇話怨邊個同懷恨在心覺得人哋無口齒。賺到嘅係我生活同心靈愉快同個人會越嚟越成熟。
6個讚
呢d就係expectation managment. 管理得好自己既期望就可以唔怕lose control了。
5個讚
樓主好好安胎，你已經好過好多人，可以就睇開d（我知係難，執著都令自己唔開心架，為咗男家唔開心，唔抵架）, 我男家父母都係呢類人，我老公叫佢哋過嚟我哋呢邊當聚會一齊食下野（平時我老公帶女返男家多），佢哋都唔會架，我女由出世到而家4歲姐姐湊大，初時我都有介懷點解男家咁，但諗深一層，每人家庭背景相處方式都唔一樣，無得強求男家同自己家庭一樣，之後再諗其實咁樣仲好，佢點對我同我女，我咪用返同一方法係對返佢哋，仲可以多d心思同時間好好孝順自己父母。我知道自己唔係好新抱甚至衰添，但我係好老婆，好媽咪同我阿媽阿爸既寶貝女咪得囉
1個讚
B B已出世了，恭喜恭喜！
我都經歷過this type亞媽, 太horrible
你同老公相愛先建立家庭，我覺得完全同你老爺奶奶無關， 又唔係你老爺奶奶係合約形式下將個仔交俾你。 況且，你好幸福有好錫你嘅父母又幫到手姐，事實上你父母都可以唔幫唔湊乜都冇。 你已經係成年人，成年人自己建立嘅家，同老爺奶奶大伯阿爸阿媽有乜關係？
你大伯話你，你可以自己保護自己，為自己辯護。 點解要奶奶道歉？ 點解要老公處理？ 關你奶奶乜事呢？
貧賤夫妻百事哀，真理黎
點解仲要生第二個呢
我的觀察，有錢夫妻真係好似恩愛好多（因為錢已解決99%煩惱）
冇睇哂留言，但大概覺得樓主係嫁錯人，我諗個point唔淨止係唔湊孫呢件事，而係經濟上文化上男家同你原生家庭有太大對比，以致你心理不平衡，湊孫只係導火線，諗下當初點解結婚先？如果生活比單身差，結來做乜？而家當然後悔都太遲，唔中意男家嘅，直頭飯都唔好叫佢地來食啦，貪眼冤咩，無咩特別唔好見，直情忘記左呢家人，只記住父母對你嘅好就足夠
1個讚
不能同意更多，錢係解決左世上99.99%問題，唔係話市檜，教仔女第時搵另一半要搵返個文化經濟背景都相當嘅，否則最後都係痛苦
1個讚
該主題在最後一個回覆創建後180天后自動關閉。不再允許新的回覆。