我都係咁諗，湊小朋友果種疲倦唔係個個明掛！當年我媽同我老豆54歲耐唔耐照顧吓我個女都話辛苦，年紀大體力又差啲
1個讚
一幫手就會衍生好多問題
我有朋友、話要公平分擔長老職責
大仔俾婆婆湊，細女比奶奶揍（其實奶奶唔想）
之後話奶奶偏心，話奶奶錫個女多過仔
我忍唔住話梗係啦，個孫女係自己親手湊大，咁就梗係會錫啲
真係幫唔幫都死
……如果係我、反而會心痛個老公冇support, 會對佢好啲
當年我同老公拍拖冇幾耐、佢知道我家庭背景、會同我講：以後點都會有我錫住你
1個讚
如果老人家好錫啲孫, 幫得手黎又好合你心意, 咁當然最理想. 但我地任何人都無能力控制其他人點諗或者點做, 就算係最親嘅人… 成日諗住, 強求, 只有自困, 自己唔高興…
另外, 每日來回3個鐘車, 最近仲要咁熱咁焗, 比我都燥啦, 仲要咁大個肚… 你應該都就黎放產假就無計, 捱埋佢… 但之後會唔會考慮搵份近啲. 有啲野事在人為, 唔想suffer 有時做人就要諗下辦法改變現狀… 唔係想落井下石, 但自怨自艾都無用…
2個讚
我老公阿爸阿媽原本話湊，因為住得好近，結果到我大肚八個月之後反口話唔湊，我哋話其實會請工人，佢哋只係幫手睇住個工人湊b 都話唔肯，話要去玩，結果我娘家父母幫手湊，我爸媽年紀仲要大十年，我仲記得我仔bb 時我父母零晨四點起身幫手餵退燒藥。我再無叫過夫家嗰兩個人做「老爺奶奶」，過時過節中秋做冬我同仔仔都無理過佢哋，一年只係新年會揀一日有全部親戚方便我仔逗下利是，我覺得你付出幾多就應該得到幾多，時間有限，不如多花時間去孝順幫助自己嘅人，那些如水一樣嘅路人甲就忘記佢哋吧，有比較都係好事，你會更珍惜對自己好嘅父母
1個讚
你討厭的人做什麼都會討厭的，包括在眼前出現都會討厭
樓主仲頂住八個月肚，不如叫夫家唔好來你屋企啦
睇咗咁多回覆，樓主同夫家的問題在於隊友無好好發揮作用，真係冰封三尺，呢堆積壓下來的問題，都不急於一時之間去解決
孕期不易過，仲要胎盤低，唔好諗咁多先，首先要母子平安再坐好個月！
樓主加油，抱抱
最簡單
你可以控制自己身邊最親嘅人
奶奶果邊仲點可以控制埋？
幫你係人情
唔幫亦都係正常
果個又唔係你呀媽
無謂咁執著啦
1個讚
係，後生時會覺得愛情要純粹，先係愛。
理想同現實，幾時都大分別。
當日你老爺奶奶求你為佢個仔頭家付出咩？頭家係你 仔又係你生 點解上一代要負起個責任？
5個讚
我唔信佛 但對d道理好有興趣 請問你呢d 彿班係邊到上架
掉返轉頭諗
兩老行得走得，你地唔洗照顧佢地已經好好
2個讚
我又覺得奶奶可能覺得已經無乜付出，仲坐bb隔離？
BB隔離真係應該係媽媽坐
佢可能覺得無理由霸住坐bb隔離
可能溝通既誤會
講真
年紀咁大，唔駛人照顧返轉頭就好好啦
咪當佢應承時真係高估自己既能力
2個讚
我後尾先明白，佢哋老人家嗰種疲倦，唔係真係身體嗰種疲倦
係嗰種無形嘅壓力，短短嗰幾個鐘嘅每1秒，佢哋都要好小心好謹慎，有啲咩意外還唔返個仔女俾人，又驚有啲咩做錯俾人鬧。去到咁大年紀唔係好頂得順呢啲壓力。
所以真係做人仔女唔好再講應承咗，父母就要負責任。其實佢哋湊大我哋已經完成咗任務㗎喇。
我自己都係比我爸媽放飛機嘅受害者，但其實係返佢哋角度諗，真係會明。
再加上呢啲真係自己責任，根本就冇得推落自己父母度，我成日都覺得咁大個人成家立室，仲要靠個父母，話個父母唔幫手，真係好樣衰好似大BB咁。
8個讚
就係呢度
1個讚
Exactly 我都唔明點解平時d 人、明朋自己想生仔 但生完又賴為老公個邊生。大佬 咩年代呀？仲有、生完話老爺奶奶唔幫手 咁自己父母咁好 唔24 小時上去幫手？
7個讚
我好明
以前未生小朋友
同朋友+佢個兩歲仔搭MTR
我拖住個小朋友、個小朋友唔小心click咗一下
連跌低都冇，但我朋友已經「jap」左聲話小心啲、即刻搶番個仔唔比我拖
之後個朋友黑面黑足成程車
搞到我之後有陰影、唔係最close嘅家人朋友、都唔會接觸佢啲細路
直至自己生咗仔先好啲
4個讚
我係覺得佢老人家無口齒，其實唔一定要餵飯，佢表現得錫孫/出錢都可以。
同如果老人家一開頭講明唔湊我係ok。我係睇唔過眼啲老人家信口雌黃。姐係好似你諗住買樓，有人話借錢俾你，但到你買左樓就借錢無左回事。當然又可以講話吹佢唔脹，唔應該信佢。買樓自己責任。但我真係覺得咁唔ok 
做唔到/唔想做唔好輕易講。
1個讚
但我都真係見好多係四大長老一齊幫手。
老爺奶奶出錢，媽咪上陪月課程出力湊。同都有請工人。我覺得咁係幸福既，但當然都可以話靠人啦，但我無主動要過佢哋幫。佢哋都係錫我錫我既B。父母話如果奶奶唔得閒，佢就會出現。
同我細個嫲嫲都24小時湊我。佢好錫我。
不過言歸正傳，咁樓主奶奶唔想做都迫佢唔到，唯有知最錫自己係娘家，考順佢多啲。
Sorry 但我真係覺得呢d想法好幼稚。咁大個人仲lur 地咁，都係嗰句跟本生仔湊仔買樓責任喺自己到，無可能咁要求父母要再點點點。大個喇…
But 一樣米養百樣人… let’s agree to disagree…
4個讚