即係咁，結婚宣誓奶奶無份。婚姻本質無奶奶成份，內容同標題不符。
1個讚
我自己有個仔 有時見到d新抱埋怨我都驚左遲吓如果要做奶奶 要做咩角色先好 幫又要被嫌方法唔岩唔好 唔幫又被人話唔幫
2個讚
婚姻的本質就是陪伴 人生的後半場 靠的全是良心和責任
我完全唔認同, 只有責任而冇愛嘅婚姻, 長唔長久唔知, 但一定唔會開心
其次你唔開心嘅原因好大程度來自經濟問題, 你同你老公拍咗咁多年拖一定知佢父母性格, 唔會有咗第二胎先知. 只係你哋而家經濟有問題想搵人幫但佢地唔肯姐.
你哋住緊你父母物業, 睇怕都唔駛俾家用啦, 其實已經幫左好多…mean d 講人哋冇責任圍住你轉
1個讚
新抱當唔當你一家人就無人敢講，等於你會唔會當新抱係一家人都係未知之數。
不過，凡事都係溝通商量，奶奶又好新抱又好，成年人(唔用一家人)有D野拎出黎講就會少好多誤會少好多埋怨。
好多時D婆媳糾紛都係小小事處處埋埋先爆，中間不外乎雙方都唔尊重，當然，有機會真係有蠻不講理既人。
湊孫方面，成日都係話d長老縱容小朋友，物質上都係話買就買，淩駕左父母，久而久知小朋友知道由父母身上得唔到既玩具文具要求可以轉向長老入手。
我唔係有咩心得，我既做法係除左生日，聖誕之外，我每次想買野俾姪仔我都會問左阿嫂先，同時我都係咁樣叫我阿媽做，唔好縱壞個孫搞到佢唔聽父母話。阿嫂同意左姪仔達到某條件時就可以送，咁買唔買得成就睇姪仔自己既造化喇。
個個例子都唔一樣解釋
佛教講「緣起法」，所有野都係有因果關係，講「隨順因緣」係因為個「因」好先會有好嘅「果」
所以睇件事就算有晒機會條件，都要睇做咗會唔會有好嘅「果」先得
1個讚
你唔鍾意佢哋無付出、所以做咩都係錯、其實老爺80、奶奶70、顧掂自己唔煩你好好啦、佢哋湊你都唔放心啦。
間屋外父、個仔份工靠外父、新抱有工人又返工、去到仲爭坐孫隔離容咩易俾人話一個仙都冇出扮主人？
起碼你自己有父幹、兩邊都幫唔到手咪仲慘、自己睇開啲啦
1個讚
你呢個做法我奶奶都做緊 以前細個佢幫我手湊過一陣 佢想用返老古年代既揹帶都會問我可唔可以 所以我同奶奶關係都唔錯 但有時現實係 你既處理方法對住你黎講已經覺得算尊重對方 但有時對方唔係咁諗就已經玩完 因為有d人總係鍾意雞蛋裏挑骨頭 或者唔識感恩
如果你對佛學有興趣，介紹你睇「法性講堂」(youtube/fb)，主講法忍法師係比較後生嘅師傅，有博士學位，有學識講嘢又好笑，佢講嘅嘢好貼地，好易明，唔會好悶
同埋佛學當中有好多哲學向度，唔一定要拜佛先去聽，介紹你聽「師子學堂」、新城電台嘅「搵黎講」都係法忍法師講啲日常生活嘅嘢，好啱初初接觸佛教嘅人聽
4個讚
兩個人成家立室就係自己頭家、上一代幫到梗係好、但退一步諗唔係負累都算、而家先知竹門對竹門真係無錯架
我係門當戶對嘅信徒。
婚姻，真係唔止兩個人嘅事。
1個讚
多謝解答
我都有個仔，所以我先好驚訝，原來而家啲新抱係覺得湊孫係應份，唔想餵飯都會俾人聲討
做人做到咁大年紀竟然冇晒自由意志，真係好恐怖
我個人好憎俾人迫我要做啲咩，咁樣道德綁架我，我寧願當初冇生過呢個仔
又或者個仔如果唔係搵咗個睇低佢付出嘅女人，(我真係覺得個老公有付出，話晒男人嘅價值都唔係淨係喺家底，錫老婆又肯湊小朋友又肯辛苦啲工作比老婆請工人都算係好老公) ，家庭應該會和諧好多。
4個讚
我自從抱住 唔好太過放大自己既付出 而同時又放細老公既付出既觀念之後 夫妻感情真係愈黎愈好
2個讚
咁我諗樓主未必咁諗既？
可能佢覺得自己父母為自己仔女做好多，變咗有個強烈對比老公父母乜都唔幫，有啲唔平衡姐？
冇比較冇傷害
見佢同老公好執著呢點投訴過，叫老公同返老爺奶奶講
之後話兩老先應酬式幫手
所以係真係好介意，同埋已經覺得理所當然
再加上都唔係淨係講樓主咁諗，我係有啲驚訝唔止得樓主咁諗，我真係唔係好明兩老唔想餵，點解都有問題。
啱呀，雖然大家都係凡人，有時好難做到
但都係嗰句將心比己，如果老公咁對自己，咩嘢都睇我唔順眼，我都會好難過
保持距離、君子之交淡如水
有能力就出下錢、冇能力就顧掂自己
孫仔出世生日封大封啲利是
其實長老唔應該幫手湊
佢地生得出就要自己顧掂
佢地生性就話
唔生性嘅、諗住有人幫、生完自己吃喝玩樂放假先接返住一兩日
或者唔節制生三四五個、自己搞唔掂仲話你咁都唔理啲孫唔幫手、到時真係臨老唔過得世
5個讚
其實樓主已經有工人，點解仲想老爺奶奶照顧個孫？呢個世界真係唔係個個都鍾意湊小朋友架。
我奶奶以前幫我湊，不過真係有好多野唔岩心水，我寧願工人湊，有乜可以話佢。
我識既朋友好少想奶奶插手、金錢支持就好歡迎
4個讚
後生覺得講錢好庸俗、生左小朋友先知幾大影響、有啲原生家庭真係俾少個崩都唔掂、加上環境唔同價值觀都大分別
1個讚