有d 係見個新抱有顧慮唔知生唔生好，就會拍哂心口講到自己會點幫點幫，到個新抱真係生左就另一回事了，所以奉勸女人有顧慮時要諗清楚，人地講好聽說話唔好當真
係呀，我都聽好多，但我覺得真係要識睇人，一個人會唔會幫手其實生之前就已經睇得出。例如結婚既時候兩邊長老點諗做左咩。
同點都要諗最壞情況，真係幫唔到唔咁點囉。有娘家幫已經好好。
Sorry, off topic請教一下.
咁有機會又有條件, 但選擇唔要(唔係生bb), 咁係什麼?
我都認同老人家係冇責任湊孫，不過樓主請左工人我覺得算ok喇，間唔中餵2啖飯仔其實都係小事，2邊都好似有d 計較咁。
我最煩既個種係唔湊之外仲成日打擾，例如每星期都要d仔s同孫s陪佢食飯，但其實好多時小朋友星期6日已經塞滿興趣班同要準備小測默書，再加上有時都想自己一家幾口家庭樂唔想一大棚人。
我其實覺得老人家冇責任湊，但新抱亦冇責任應酬，所有嘢都係源於俾面同人情。
3個讚
其實我都覺得自己可能上下學佛班 個人會好d，我成日都會轉牛角尖，睇唔開得到同失去，最近我地中左一單 project, 我好努力同老公一齊做 一路返工，大肚，湊仔，再幫手做個 project, 希望可以賺多d錢。簽晒約 收晒訂 準備開工 個project 因為某d reason 要停。我而家8個月胎盤又有問題，除時大出血。我好努力 好努力 去做好每一件事，安排我既家庭，兒子，我自己事業，我老公生意，我都好比心機，但最後 我得到既同我預期的不一樣，要學懂得到和失去 係好難。我看唔開 就原地轉。 正因為我每事都好努力，所以有時我覺得奶奶 我行左十步，你可否幫輕兩步，我明白唔可以要求人地同自己一樣努力，但這是人的本能想求救，但現再就係要自己接受呢兩步都要自己行埋。我明白和理解，但學唔明當中要放下執念的方法。
1個讚
我agree樓下講嘅，跟本生仔係兩個成年人嘅責任，兩個大人嚟架，唔係BB ar，就算父母應承幫，到最後選擇唔幫，都唔係責怪佢地嘅理由，始終責任喺自己到。
我爸媽夠喺我生之前氹我快d生，叫我唔好請工人，話喺我屋企附近租樓幫我手湊，最尾佢地咪又係想二人世界。
我奶奶夠同我老公講結婚送唔知幾多百萬比佢做首期，最後我哋都無再問
但呢d係佢哋嘅選擇，我地做人仔女應該識專重父母年紀大左會有唔同嘅諗法/選擇，唔係一句以前應承過就大晒，要明白呢d唔係好似返工/ 傾生意咁有 mutual benefit。呢d所謂承諾跟本係迫父母單向犧牲。
我地成家立室已經長大左，跟本就唔應該再要求佢哋做額外嘅無條件付出。 (佢地好想湊就另計。)
2個讚
我覺得好耐以前應承然後變咁都可以話係想法改變，但好多時都唔係咁，似係呃呃tum tum（我睇某啲case)
我自己係覺得應承左人既野要做，唔止講湊仔。但當然佢最終唔做都無佢辦法，但我心目中會認清佢係咩人。不過呢個都只係我個人係咁。同我唔會主動要求人哋要點做，正常都係佢offer講過會咁就會咁。
我屋企人同老公屋企人都係咩都會幫手既，佢哋主動幫無要求，咁做女同老公都一樣會係佢哋有需要既時候幫忙。我覺得付出都係雙向。
不過我都同意湊小朋友既時候，有工人都好重要。始終真係多野做。
湊自己個仔同人哋個仔唔同
自己嗰個無壓力
好多老人家都驚強勢新抱，話晒個孫個阿媽睇實，一陣餵得快話哽親，餵唔晒話寵，做得唔好又受氣又驚搞到個仔比老婆鬧。
所以請左工人就唔好怨長輩唔餵飯。
4個讚
咁呢個都有機會，呢個世界有惡奶奶時都有惡新抱。唔夾的話唯有見少d, 保持下距離。
1個讚
做女同老公對父母付出，係報答返父母養育之恩
但做女同老公 on top of 父母湊大自己，再blame 佢哋唔肯幫手湊孫 ，呢個就唔係雙向，因為父母湊大我哋已經完成責任。
5個讚
非常認同！
3個讚
我唔係話佢有責任一定要咁做，你可以睇返我上面講individualism or 當一個家族咁睇。不過無時間唔睇都無所謂。
如果佢無應𠄘過幫，我ok，同我都唔會口blame佢，只會係心目中知道我唔可以rely on呢個人。不過呢個只係我個人睇法。
如果係個人主義，結左婚真係分家大家都唔洗理大家。
1個讚
我睇姊妹個詞語google左點解
隨順因緣係講本身你心諗既事/物，發心出黎想達到既目的。
我愚見係，
唔係因為有機會有條件而作出既決定，而係你本身想要依樣野又因緣到就有機會有條件可以達成到你想要既野。
好似離左題，sor
不過我覺得，有機會有條件都唔等於一定要做果件事。
1個讚
但呢個唔係當事人意願，講到幾美好對小朋友家族好，但老人家唔想你迫佢做乜
所以我上面有講到話樓主同老爺奶奶理念唔同，無辦法。我無叫樓主迫佢。
1個讚
從來付出努力就唔一定有回報… 付出努力只係 “有機會” 有回報, 正所謂"成事在天", 有啲野你幾努力都係唔會得到。
如果, 你既生活係需要人地幫助 (例如男家資助買樓, 幫手餵飯, 睇住工人湊仔), 咁會唔會你其實係勉強緊去 achieve d 你能力以外既野? (例如買樓, 或其實你需要2個工人) 你唔可以要求人地同你一樣咁努力… 仲要係 “幫” 你生活上既細節, 每個人有自己取捨, 有啲人鍾意生活優閒啲…
我覺得樓主男家算唔錯, 至少唔洗啲後生幫手交租, 或天價家用… 係無家底啫, 但都無家累呀… 奶奶唔餵飯咪仲好, 好過你一路餵佢一路指指點點… 同男家唔啱傾咪少啲見… 生活仲清靜… 
6個讚
我有d 明你講咩，你意思係咪指如果一個家庭淨係講責任唔洗講人情既，咁其實新抱對奶奶都冇責任，好多嘢都可以唔幫，過時過節唔出席任何活動，只要老公肯帶孫去就得。
然後既然係湊b方面你淨係講責任，咁他朝都唔好怪新抱點解少少嘢都唔幫番你，因為大家都個人主義，係咪咁？
覆埋你呢次。
你嘅觀點已經陳述咗。咁你老公嘅觀點?你奶奶嘅觀點?你估唔估到?你有無努力了解過?
你淨係睇你自己就梗係原地轉喇!
我父母同你屋企一樣出心出力出錢，好感謝我屋企人，我老爺奶奶同你嘅一樣，但唔同嘅係佢地有錢嘅…當初買樓買係老爺奶奶附近，因為佢地話會幫手，結果兩位退休人士就話唔識就推卻，第一次bb 8 個月時抱bb 俾奶奶幫手睇下午三個鐘我外出工作，佢連餵奶都等我返黎，由bb 餓， 又話佢扭計，真係勁傷心。
所以最後要請姐姐，又俾老爺覺得大洗… 我地無問過佢拎錢，我老公都好無奈，唔明白佢父母會點解咁。
所以，唔好對老爺奶奶有期望，有自己屋企人錫就算，唔開心就少見啲佢地，既然佢哋對屋企人係咁嘅態度，咁自己維持返同樣態度對佢啦，當一般街坊就算 最緊要自己家庭幸福。（最後我都搬離開夫家，近娘家開心返哂）你加油啊
4個讚
大概係咁意思。我覺得結咗婚就大個，唔洗長老幫，分出新家庭，係比較新一代/外國行既方式，我覺得係ok既。
但好多時，香港中西合璧，結左婚得黎無得話好似外國咁住好遠，大家唔洗理大家。睇樓主咁，佢奶奶又要一家人連埋老公呀哥呀嫂去食，比較傳統個種，又覺得但去到湊孫又咁新潮，覺得唔洗幫。講左幫手但連有工人都唔表現小小錫孫咁。的確同娘家無得比。樓主可以唔同佢老人家計較但係呢個老人家係點，要心中有數囉。