樓主，講家庭背景我同你好似——我父母無限support我，出錢出樓出愛，老公父母乜都冇，仲成日問我老公拎錢。老公個細佬又大花筒，總之男家一塌糊塗。
我為左心理平衡D，直頭半ignore老公父母，9成家庭聚會缺席，真係要見面就推個老公係中間，我賣下笑又一餐飯。我唔會叫老爺奶奶，費事佢地覺得我需要服侍佢地，跟老公叫呀爸呀媽，笑笑口就算。（老公係准許，佢冇hard feeling）
我愛我老公，唔代表要愛埋男家。
第一胎出世前，已經講好四大長老唔需要幫手湊，一黎我唔想我父母繼續辛苦落去，二黎我抗拒男家掂我個仔。請左個工人幫手，而家陀緊二胎，一直都係我同老公加個工人打理頭家。
我諗你調整下思維，唔一定要四大長老幫手，一樣可以生活得好好，而且可以免卻好多煩惱。
一段婚姻，最緊要係自己同老公既關係。其他我都當外人，一牽涉太多瑣碎事，反而會影響同老公嘅關係，形成惡性循環。
咁我唔會忍，真係唔洗一齊食飯。你老公既取態係佢有同你結咗婚係一個新家庭既覺悟，定好幫原生家庭？如果佢屋企咁樣再加係後者，我接受唔到。
如果佢有你哋喺新家庭既覺悟，咁就見小啲老爺奶奶。
你d comments 好中肯，我明，但我接受唔到所以我睇唔開
呢個都係我感覺，樓主不停咁比較左家底好多次
感覺係覺得佢哋已經無錢，就要付出勞力湊孫或者要對樓主恭敬d，大伯態度差老爺奶奶應該say sorry
如果有”下嫁”心態，呢段婚姻點都唔會開心
樓主老公已經好成熟，已經叫樓主要放低呢d諗法
希望樓主生完，自己可以諗通
同埋老人家真係無責任湊孫…呢個要求其實好過份…
我就係唔識好似你咁念，睇得咁開，我就成日都執著，我覺得你最後個句好好，我一定要好好嘗試
但我覺得如果佢有應承過咁我覺得有責任喎，如果話佢由一開始就講左唔要孫就無責仼。我覺得講左既就要有錢出錢，有力出力。當然我都聽過好多講完就算。但我覺得應承過就係。做唔到唔好應承。
可能我同你 background 有d 似，所以我地想法都有d相似。會覺得自己爸媽好好 而其實老公都好無耐 因為原生家庭佢都無得揀，唔通為左我鬧呀媽咩，所以加埋就變成一萬個無耐。
又無簽合約，佢係唔幫都吹佢唔漲既。
同埋，生小朋友係自己生左個仔丫嘛，唔係"幫"佢生"孫"，概念上都幾唔同。
我睇法啫，總之生仔唔好受任何人影響，有自己諗法先得。
同埋任何人勸生又話會幫既都當係廢話，有定心理準備所有野都係自己負責，有人幫係bonus
加多句->有錢出錢唔該由我未懷孕就過定數先，用返恆生廣告個價400萬就ok，備孕都要資金，真係自然唔到仲要ivf，400萬收少左嫁喇。
你令我諗起曾經喺結婚初期，我因為男家嘅一塌糊塗同老公嘈交，我老公當時情緒面臨崩潰，喊住講咗句：我都想有得揀屋企，我有得揀咩？
自此之後，我就再冇喺佢屋企嘅事情上兜圈，寧願眼不見為淨。
之後所有嘢都決定兩個人去行，兩個人就夠。
（當然我無限感激父母既支持同愛）
係，但關係好唔好就係睇呢啲。
我又覺得真係錫你既屋企人又唔使一定要一次性幾百萬現金，好似樓主屋企人俾樓佢住都叫有錢出錢。除非真係徐子淇level，好小可以幾百萬咁俾，但個啲坐月俾錢，生仔俾錢都會。
haha
代入你既諗法係幫6299生孫，幫男家生孫梗係收錢先開工啦
同理，幫父母生孫，所以佢地提供住所 
老老實實，男家唔係屋企人 
樓上有網友話唔叫6299淨係叫阿爸阿媽，what?! 咁唔係仲close左咩 
我角度，真係錫我既屋企人應該係尊重我生定唔生，尊重個人生係我既。
唔係幫男家/女家生孫。即係係等於父母幫仔女買樓，俾首期，佢唔一定要咁做，但錫自己既父母有能力就會咁做。唔通又係幫父母買樓？樓同小朋友都係自己既。
不過我都唔會叫爸爸媽媽，我爸爸媽媽得一個 
我唔係講緊要被迫生。只係我覺得應𠄘過既野要做，eg 應承左一齊食飯，就一齊食飯，唔知會唔會1999
梗係唔係啦！佢地有種古舊嘅諗法，覺得新抱一定要服侍老爺奶奶，叫阿爸阿媽就冇咗呢個感覺。同埋一年先見得果一次
（其實可以一次都唔見，如果我想嘅話）
不過個個家庭對阿爸阿媽呢個稱呼諗法都唔同，喺佢哋呢個家庭，叫阿爸阿媽好過叫老爺奶奶。佢地縱到個細仔痴線，個細仔係屋企乜都唔駛做，食個飯都唔駛郁，裝晒飯夾好餸，仲可以批評啲餸煮得唔好食。我都做佢個哎呀女嚕，乜都唔做
唔幫手唔緊要，冇辦法，的確係長輩既自由
不過唔好成日上黎食飯比野你同工人做
要食出街食！
大家少啲聯絡，各掃門前雪
你有左，大大個藉口「唔舒服」請便
好聰明
我同樓主你一樣有好嘅父母，
但你要明白，唔係個個父母都係咁，
你唔可以拎自己父母做標準，同男家父母做比較。
其實樓主因為自己屋企提供咗地方比佢哋住，又幫到老公開始盤生意，自己父母又𡃶孫，所以比較下覺得男家唔support, 依家好似女家貼晒咁，唔fair.
但係你兩個成人自己置頭家，一開始就唔應該期望屋企人會出錢出力幫你哋。幫到係bonus（即你父母）, 幫唔到係合理（即男家），你可以感激自己父母願意幫手，但幫手唔係應分，其實人人都有自己生活，你成日想呢個幫你果個幫你，心態都唔健康。
話老爺奶奶唔幫手湊孫，又話佢哋應承。老實講如果你因為咁所以生，就真係太天真。呢個世上冇人有義務幫你兩公婆湊仔。天真一次都算，明知佢哋唔幫仲天真第二次？所以生仔呢件事上冇得怪人。
唔好咁計較，唔好咁執著，最好focus返自己頭家度，諗下點可以唔靠任何人自己兩公婆搞掂頭家啦，咁就可以戒甩你依賴嘅心態、減少對其他人嘅期望同要求（成日想人幫，對對方都係壓力），自然唔會因為人哋幫少咗你而令自己唔開心。
剛剛上完學佛班，學咗個term叫「隨順因緣」，簡單啲講就係：機會嚟啦，條件又充足，咁樣嘅情況下得到嘅嘢就係隨順因緣；但相反，冇機會冇條件，但又想得到果樣嘢，咁就係執著
Apply落你身上，我會見到好多嘢都唔係隨順因緣
例如：
·你老爺奶奶年紀咁大，唔想湊孫，但你又想佢哋幫手
·老公收入唔穩定，男家冇家底，但你仲想買樓
·湊一個小朋友都已經唔容易，向咁嘅情況下你再生第二個
每一樣嘢唔係隨順因緣嘅話，都只會令你唔快樂
所以你問放下嘅方法，首先你問吓自己邊一樣野係隨順因緣嘅先，唔係隨順因緣嘅嘢就唔好要唔好攞，因為越想要就越唔開心，越唔開心又會諗點解得唔到果樣嘢，然後就惡性循環係咁loop，loop到你而家咁樣
最後講一句，唔好諗住點樣改變人哋而令自己開心啲，因為你永遠無辦法操控到人哋嘅身心，唯一有辦法嘅係你操控自己嘅身心，呢樣先係確實自己能夠主宰嘅嘢
係喎
我直接叫爺爺嫲嫲、覺得咁樣最順口