試過有staff discount 買牌子野之後, 真係無咁大動力自己正價去買
我之前係outlet價再半價買
咁當然係唔係新款啦
但一般人都唔會研究呢啲啦,我自己就覺得係抵嘅
唔係年幾越大越CONFIRM自己想要既野既咩
anyway, 老公都叫你唔洗理,你自己又做緊自己,仲有咩好諗?
人地批完你就真係走去買,結果都係有說話聽,點樣既生活方式係源於自身需要。
歐美人用名牌都唔少。睇下你係邊個城市。
我廿幾歲無因為咁而苦惱過,反而宜家三十幾歲人先嚟動搖,諗起都覺得自己好傻
名牌袋唔係必需。
我反而傾向整體嘅打扮。精緻,低調,品質好嘅外套同鞋,更能顯示一個人嘅品味。
P.S. 鍾意用名牌,不止手袋,係生活用品我都傾向用名牌(如果負擔到)。
你講起生活用品,我會捨得買貴啲嘅廚具/廚房用品及食材,我個人對食要求高過衣物飾品
我都同你一樣唔會幾萬蚊買個袋。亦唔鍾意戴首飾。
一個入門款袋兩萬蚊,冇人會俾唔起,而係用呢兩萬蚊同時可以用嚟:
交租加食飯
去旅行,見吓外地朋友
買靚電器、相機
坐多啲的士
學嘢
相對地就會覺得用嚟買個袋好唔抵,講到尾是價值觀問題,就是生活本身過得好重要? 定係人地覺得你生活過得好更重要。
同意呀,品質好嘅食物及煮食用具真係好緊要。
服裝/首飾都要有幾件品質/款式經典好嘅就OK,有啲場合真係避免唔到要打扮吓。
其實買手袋,從你想做其他事情,例如坐的士,
唔係Mutually exclusive
如果次次都係對同一班人,到時又會被發現次次都係果幾個袋/幾套衫/幾件首飾。
同樣既事都係會LOOP
我都係,其實好多時買貴野我都係貴買平用,好過不停買啲平既潮流款。
第一個hermes lindy我用左十年宜家仲用到,都有拎過返去spa,我覺得仲抵過用其他袋,同VCA jewellery 過幾多年都可以咁襯。
因為樓主話,覺得佢唔用名牌手袋就等同窮,但聽佢講果啲人都唔係咩有錢人,既然都係普通打工階層,唔用名牌係好普通嘅事,大把人都唔用,點解淨係會批評樓主一個人
而且唔係一個人批評,而係佢老公朋友啲老婆(朋友)同姑奶姑仔(親人)都批評
所以我先諗會唔會唔係買名牌嘅問題,而係全身打扮嘅問題(手袋只係打扮嘅其中一項)
有錢用名牌都可以著得好寒酸,相反唔用名牌都可以著得好好睇,關鍵係識唔識配襯,如果樓主由配襯開始著手,根本唔需要花錢買名牌去提升自己形象
佢哋唔係只攻擊我一個,而係大範圍攻擊,基本上佢哋會互寸認叻,只係我唔鐘意玩呢啲遊戲
我認我唔係亮麗嘅女人(至少我係乾淨企理),但亦都唔覺得需要俾人咁對待,可能問題唔再係名牌與否,而係我要花時間見一啲價值觀類似嘅人,唔好花時間落唔啱key嘅人身上
知道自己係咩人,知道對方係咩人,
物以類聚人以群分,你知點做就好了。
有啲人,好中意批評人,就算著得幾靚,佢哋都有嘢講,真係唔洗太上心。
我大肚時(20幾年前),買咗 Cartier飾物,依家都仲有戴,仲俾人讚潮,以為我係近年買
係呀,同可以俾仔囡用。我之前都有借我媽啲錶黎帶。所以係睇你點用名牌。
咁比你全身名牌, 佢地都係會有說話講架啦, 遠離佢地
唔知幾時開始見唔少呢D言論, 我買得起名牌架, 但我寧願將D錢拎去旅行、買樓etc,
但好多人買得起名牌之餘, 一樣去到旅行買到樓,
唔知幾時開始買名牌變左原罪