做返自己啦. 理得其他人.
我係超級慳妹, 我啲下屬成日問我係咪破左產. 
我開心係望住自己銀行有幾錢.
3個讚
但其實唔係當面講，自己又未必知架
有啲好奇點解有呢個結論
佢係有啲心大心細
又介紹人地點睇 typo "介意“”
買左又可能有啲肉赤咁
1個讚
我自己2字頭初出序廬用LV,Chanel，
3字頭有樓有車，只用Goyard，
4字頭有租收，只用’求其環保袋’
3個讚
正解。愈大愈唔好名牌。有時見d人死充爛充以為人唔知先好笑
樓上好多正comments 我都好同意呀
撇取實際用途，如果自己唔想嘅唔係好必要買。如果係心思思，咪試吓搵吓有咩啱自己style 嘅入下手囉。
如果真係唔想唔鍾意買名牌袋，但又好在乎人哋目光，不如試吓喺其他打扮上入手：頭髮，化妝，護膚，衫褲鞋襪，指甲… 是但投資金錢同時間喺其中一兩樣，其他要返basic 其實都好ok。
1個讚
不如享受一下人地以為你寒酸，但其實你買得起有餘的感覺。
只要你認為無需要買，就唔使理佢哋目光
我買係因為我有鐘意的款，我唔會因為追潮流而買，我通常買耐用款。
但人愈大，就愈用愈hea。
1個讚
其實冇乜關係，睇個人之嘛
千祈唔好比人影響，話女人一定要有‘xx"’
真心係冇一定嘅
1個讚
負擔得到, 想買咪買囉, 都唔明點解要諗咁多
1個讚
係囉
但唔好因為人地話要買而買，拎到周身唔聚財就唔好了
俾你講中咗
大家嘅意見我收到啦，多謝哂
我會睇吓有咩心儀嘅款式，買一個就知道自己真正想要乜，可能買完會入坑或者覺得跟本唔值得
我純粹分享個人經驗，並非建議，每人根據自己情況、喜好而有不同選擇。
以前後生 十幾 廿歲嘅時候，面皮薄，
覺得 名牌手袋 + 打扮光鮮 先至俾到自信。
當人年紀愈大，經歷越多，試過兩次金融風暴 + 沙示，
再加上十幾年地產暴升，租金暴漲， 又嚟新冠肺炎。
徹底感受到，以前上一輩講嘅嘢：「頭上有片瓦遮頭，口含一啖飯飽肚，身上有件衣服保暖」人生活嘅基本，仲有咩好求。
名牌袋 及 衫 只係 虛榮，一切好快過眼雲煙，留返啲錢用係啲實際嘅嘢，除時可能變成（救命錢）。
3個讚
可能拖拖下就唔會買
都係，最緊要唔好為呢啲身外物咁大壓力
反而唔明點解香港女人咁鍾意買袋 好似冇其他興趣 剩係得使錢追名牌咁
我喺外國 真係冇人會用呢啲袋 除左asian…
2個讚
都係嘅，尤其是而家個環境轉變得太快，今日唔知聽日事，留返個錢傍身都好
1個讚
支持
諗清自己想點就go ahead 啦
唔係為咗人講而買已經係值得
我覺得唔一定要名牌，但如果要見人買啲質感好啲既衫比較重要，例如冬天cashmere大褸，平時啲衫燙直啲既，睇返場合著衫。手袋唔洗話名牌，但皮質會好睇過pvc。
如果身型正正常常，質料好既衫著上去唔洗名牌都唔會寒酸。
同都要睇佢哋真係針對你，定可能真係有改善空間，你可以睇下netflix mind your manners，有時著衫都係一種氣質既表現。唔係貴就好。
我都有一兩個,係家人有特別discount嘅時候買
但我都揀咗好耐,因為名牌唔代表靚
例如LV/Gucci monogram我就真係揀唔落
我都係鍾意簡約啲
其實買名牌除咗話虛榮,都可以話係買佢嘅靚料同設計,有啲款我真心覺得靚
當然個價太高就要考慮吓啦
另外即使係一啲本地handmade,但設計靚,我都會買
所以我覺得樓主可以留意吓自己真心鍾意咩款嘅手袋,忠於自己就得啦
我覺得打扮有格調嘅女人,比起成身名牌更有氣質