我現時三十頭，一直都係比較樸素同唔太跟潮流，但近2年發生一啲事情令我對名牌有疑惑。
以前廿幾歲都唔覺得要追潮流，但呢幾年唔知係咪到咗一個年紀，身邊唔太熟嘅女仕（都係老公圈子嘅人）都不約而同對我評頭品足，覺得我唔用名牌手袋就等同窮，會高高在上睇我，令我覺得難受。後來我從老公得知，其實嗰批人生活一啲都唔如意，亦唔係佢哋自己講得咁好生活。
幾萬蚊對我嚟講可以買到而唔影響生活，但我一向慳慣，唔覺得要花呢幾萬蚊，同時又覺得唔想自己因為咁而令人覺得可以主動攻擊我，其實我係咪都要買一個嚟傍身呢？
我知道咁嘅歲數先諗呢個問題好白痴，但都想了解其他人想法
有多餘錢又想要咪買一個囉，唔使諗得太深入嘅。反而諗吓平時去嘅場合有冇機會用得著，買咗得個擺字就唔好啦
買咗第一個袋，你自然就會清楚自己到底係唔係一個需要名牌嘅人，當堂冇晒疑惑
以前d阿媽既飲袋，去飲先用，次次拎出黎都係抹左d毛先用得，又要吹走d櫃味 
回應樓主，
唔太熟洗乜理佢，我鐘意點咪點囉。
如果你老公覺得要有咁上下既行頭先見得佢d freind既話就叫佢買，仲要定時定侯換季。
講多句，我阿媽就係你老公朋友果d人，成日都話我唔拎名牌袋(拎我同阿嫂比)，又話我唔戴手飾，直頭話我唔戴手飾好寒酸。
但佢真係我咁講，買埋手飾俾我提我幾時幾時要戴，我仲問佢戴完洗唔洗還俾佢。
老公的親戚/朋友/同事? 做法不同.
頭兩項, 你打扮衣著整潔就得, 唔使理d無謂是非人. 這種人, 即使你用名牌, 都會嫌你用平價款或冇新款.
同事的話可能要顧下形象. 你老公行業或者要裝身先入流.
係老公朋友啲老婆同姑奶姑仔
大家搵錢能力都差不多，都係一般打工仔，但因為我慳慣，所以比佢哋環境好少少（有自住樓有車），可能因為咁佢哋覺得要攻擊我
老公叫我唔使理班女人，我哋係捨棄物質生活先可以擁有依家生活，但如果我真係想買，佢都會支持
隨著年齡愈來愈大，一般人都好似對其他人有一個固有印象，好似唔跟就有問題，令我有啲迷失。如果買咗個貴手袋，全身打扮、飾物又要襯返個手袋，感覺沒完沒了咁⋯
直接無視閒人la.
佢地源於自卑, 要靠名牌來加持自己, 所以特別著眼別人有冇呢啲嘢.
我都好少買名牌. 經濟能力遠超身上物. 冇咩興趣, 買黎做咩?
自己打扮整潔得體, 我唔會在意別人看法.
絕對唔白痴呀
我最近見到一句說話我覺得好啱聽
Confidence isn’t walking into a room and thinking you’re better than everyone. It’s walking in and not having to compare yourself to anyone at all.
我自己30尾, 係一間大公司上年升左head of 一個部門. 同其他同 level / 部門head 阿姐比, 佢地大部分身光頸靚, Hermes 呀, Chanel, 靚表… 我係好樸素, plain. 加上無身高, 無台型, 難免有少少覺得比下去
但我同自己講, 買左個袋 / 表, 唔一定代表我即時upgrade… 我自問知道自己係咩人, 價值係邊度, 我覺得唔需要品牌去助我 “升level”
我個人真係唔好袋. 首飾還好, 都會有幾件. 但我更享受體驗 / 經驗, 例如食呀, 去旅行咁
另, 我覺得投資自己身上, 有啲人覺得係袋, 表, 有啲人覺得係旅行, 保健品, 有啲人覺得係學野…
In the end, 你自己覺得舒服最重要
X2
如果平時要跟老公去下公司或生意partner 嘅event/gathering, 咪買個傍身，
老婆形象都會影響到老公工作。
其他人可以唔駛理
我到而家最貴嘅袋都係四千文…未試過買幾萬袋
有錢我想留黎買多幾間屋/小朋友野/旅行多啲
當然一定有人話why not both? 就係知自己afford唔到all, 所以名牌袋我排到好後
外人評價？我無理過
唔應該買
你嘅自信係來自自己，唔係來自他人。如果你對自己有足夠信心，唔會覺得要改變自己嘅做事方式來取得佢哋認同
我曾經講過類似, 講真又唔駛去乜聚會
企理，自己方便就好
20幾歲時追求過名牌一段時間，到30幾歲生左小朋友，我有請姐姐，但都覺得名牌袋又重又唔實用，一係太細一係大但冇拉鍊，上一上車好易跌野，仲要錫住用，好煩！幾百一千既袋仲好用！
我已經跳出左名牌框框，經濟能力亦比身上穿戴既多，唔care其他人點睇嚕！如人飲水冷暖自知！
X2
如果平時要跟老公去下公司或生意partner 嘅event/gathering, 咪買個傍身，
老婆形象都會影響到老公工作。
其他人可以唔駛理
[/quote]
X3
工作需要的話，又真係要個好啲既袋，衣著打扮光鮮少少。
鍾意就買，唔鍾意咪唔買囉
得鬼閒理其他人
不過我認同有時如果有合適場合，可以拎個有牌子既袋，係尊重既表現姐
著靚、扮靚係為自己，令自己開心，唔洗為人地（有時可能為下老公）
你老公都叫你吾使理，你洗乜疑惑呢？反正咁多年都過慣樸素生活，都係開心愉快，冇必要為冇謂人改變。
係喎，只係曾經閃過
但從來要死慳去買袋一定唔係我
我個人好hea
都幾十歲人, 啲人仲認為用名牌=有錢有面, 想法好”青春”.
老公叫你唔理, 而你家境又唔係負擔唔到, 但你又有hesitation, 即你心底都係想買啦, 咁就買啦, 買名牌唔係光榮事, 但亦唔係醜事, 而家D人好似對於名牌搞到非黑即白咁
搵兩萬用一個十萬蚊手袋好笑d
定搵十萬用一個$200手袋好笑d
你話你比人評頭品足，而且唔止一個人，咁會唔會係除咗你冇買名牌之外，係打扮上出咗問題？
因為除非你身邊個個都係上流社會人士，日日行Chanel當行超市咁，就話會笑身體啲人冇用名牌啫，如果普通打工階層，大把人唔用名牌啦，點解淨係笑你一個？
唔鍾意打扮嘅人，同著衫著得好寒酸係完全兩回事
唔買名牌、唔鍾意打扮、全身著Uniqlo都好，識得配襯嘅話，著衫都可以大方得體
但相反，就算有錢買名牌，但打扮奇怪老套，一樣都會比人笑（某國大媽其實太多例子）
如果只係一個半個人講就話人哋白鴿眼啫，但當好多人都講嘅時候，就要檢討下自己係咪都好似人哋講咁樣呢
當然如果你一啲都唔在乎人哋講咩嘅話，人哋鍾意講咪講飽佢囉，但你開得呢個po問，即係你都會介意人哋嘅目光，咁你就要諗下係咪要改變自己去符合人哋嘅目光了