我以前有個上司都唔好名牌，但都要買兩三個名牌袋同飾物旁身，佢話有時代表公司去event, 甚至有機會上台攞奬，即使著到全身黑色睇唔出平定貴，但點都要有D「牌頭」，費事影衰公司，某程度我都同意，因為真係見過係event 有其他公司高層真係由頭到腳scan 我上司，見到上司著得樸素D即刻咀妙妙
我前上司都係, 平時佢係office著瑪莎牌ballerina,
但如果要見客、去event、公司annual dinner/christmas party, 最基本一定換返對名牌heel
學生飲杯星巴巴都大罪架
講緊幾年前
當年BK鬧D學生飲星巴巴(講緊19年之前), 話好貴,
人人家境唔同, 都唔知有乜好鬧
1個讚
佢地覺得嘅學生成日飲
又其實日日見到同一個學生咩？
佢地自己細個梅冇得飲，又要人地陪佢冇得飲
雖然我都覺得有啲貴，但人地父母比錢就唔好咁多事啦。
日日苦行僧又會話人孤寒
我又唔信佢地細個唔會儲錢飲波子汽水, 買yes card, 著dr marten,
望都望一代比一代好架啦,
個個爛衫爛褲先係好學生咩 
迷信窮人的孩子早當家，捱過就識諗果啲掛
呢啲先隨時幾百蚊就比人賣豬仔就真
1個讚
鍾意又負擔到咪買，無呢種興趣就無謂夾硬買
1個讚
買咩都係自己想/有需要而買，為d無謂人諗到咁辛苦，佢地就係太無聊先會搵野講啫，你為咩要滿足佢地！
3個讚
true, 即係著得好師奶買餸look咩住c 袋mini 款，或者拎住h袋去村幼湊仔，我都覺得唔拎好過拎。
咁嘅樣，名牌正貨都變成A貨。
反而我見到好多嘅言論係：「反正都買唔到樓，不如用喺自己身上啦，食好啲、著好啲、用好啲」
始終一般人賺嘅錢有限，點都要有取捨嘅，拎晒啲錢去吃喝玩樂就自然冇擁有咁多資產，要擁有一定資產，點都要有啲物質上犧牲
（有錢人另計）
引用一句電視劇嘅對白：「 一個名牌包，我努力可以負擔得起，但是名牌包背後的生活，我假裝不起。」
1個讚
名牌又好，免費嘅帆布袋又好，最緊要用得舒服自在。
女為悅己者容∼∼ 我自己，係女為悅己容
4個讚
就算假裝，咁起碼個女人願意花時間心機去扮，而且d配套都有留意先，例如名牌手袋搭住名校既仔，或者咩住個mini 配個工人。
所以回返樓主，咁累，又自命唔係呢類人，可以用呢d例子反擊人地。要花時間落呢d裝身野到，不如訓多d la.
唔需要理你都老公圈子嘅朋友講咩，除非佢哋有機會影響到你老公工作/生意啦。
如果要應酬，而你又唔好名牌，買個長青款一個走天涯就夠。
1個讚
我有個親戚搵果兩萬，老公又唔係有米，拎住個hermes quota bag, 真係真野都俾人當A貨。
乜要咁架咩
不過要有個神校細路應該難過買加H quota bag好多
1個讚
係架，有時d野有錢都買唔到，所以更加吸引d人去爭lor.
你問下d好熱衷追名校既港媽，寧願身上咩住h quota bag, 定係神幼書包lor。無得y not both, 要2揀一。
1個讚
曾經我都有類似經歷，當年我買咗個Burberry手挽袋。
用咗一段時間後，我覺得個袋好重、格數唔係我想要、自己唔鍾意手挽袋。
同事開始串我又係同一個袋，話個袋out咗啦要換款。
當年一個啱啱出嚟做嘢嘅我，個袋幾千蚊好好好貴，我完全唔捨得換新！
最後，我用返自己一直用開嘅cheap cheap袋，同事串我，我笑一笑就算，佢哋串多幾次後，就無再理我。
依家30尾了，對所謂名牌仍然無興趣。
無名牌，我一樣係office生存到。