感覺你老婆都係思想唔成熟同比較自私 冇咩喺你角度出發….
又唔代表佢唔愛你 但佢愛自己同家人多啲
要繼續婚姻 除非你改變到老婆 如果唔係你都係繼續忍
1個讚
一講事業起步就會觸發姊弟戀有問題
不過見到面傾係真係唔同D
只聽你單方面講，唔敢講話你老婆錯，但好明顯睇到大家差異太大，咁樣嘅狀況真係會磨合得到嗎？仲要郁啲就嘈，連其他人嘅八卦都有得嘈，聽到都覺得攰啊。
而根據你講嘅，我諗起有人嘅外母會咁樣教女：男人信唔過㗎，為左保障自己，男人甚至男家嘅錢可以榨得幾多就幾多，亦唔洗同男人「同甘共苦」，否則最後自己蝕底。呢種過度自我保護演變成貪婪自私，將婚姻變成只有利益關係咁。
Anyway,我覺得你未知想點行落去之前，堅持拎埋PR先，反正時間唔差太遠，留條退路畀自己呀～～～
我都有諗如果係女主角上來開post, 呢度會係咩反應
佢好努力去搵唔同既積木
然後不斷砌靚自己既城堡
要靚過曬身邊其他城堡
以前個城堡簡單D
積木容易搵D
而家城堡愈來愈大
好多時搵唔到心目中嘅積木
要強行改變現有既
已經唔關買樓/移民事
你只係佢人生其中一塊積木
問題係你甘唔甘心俾佢成世搓圓㩒扁
成為佢城堡中嘅其中一塊積木?
1個讚
樓主唔離婚無所謂，千祈千祈唔好咇一個出嚟。
1個讚
最大問題係你阿哥
去咗加拿大都唔好生（住）啦，人有我有害咗個bb，除非佢老婆改下d 格先
2個讚
我都無諗過私家生BB就係貪慕虛榮, 咁樓主老婆對貪慕虛榮要求都好低 
1個讚
我代表唔到佢，但我盡量試下客觀D打出黎, 一定有偏差 , 但估計佢最不滿係(排名分先後)
1。(第1層, 未結婚時)
買樓我冇一人一半出首期, 佢覺得係因為佢年紀大, 搵錢多, 所以我要佢貼埋樓比我住。
2。拍拖頭2個月我講左至少拍兩年拖先考慮結婚，最後4年左右先結, 浪費左時間。
3。迫佢移民, 未移時日嘈夜嘈。
4。結婚2個人傾左話怕麻煩唔會搞, 得我老豆有偏言話點解飯都唔請親人食, 但其他長老冇意見
外母開10萬禮金, 我問可唔可以68888, 老婆主動話佢會貼夠數, 唔洗傾。
最近翻舊帳話自己已經乜都唔要求, 點解我唔比夠數, 差3萬蚊都拒絕。
明明我有能力都冇洗錢係佢身上, 佢話唔搞係知我想唔搞, 同想我開心, 唔係真心想乜都唔搞。
佢喊住話自己好cheap, 話點解要佢貼錢嫁
5。我脾氣好差 (未移民前一嘈走唔走我好易燥底), 冇聽過佢意見同為佢諗過會冇左收入
6。佢覺得佢照顧晒我, 家務都係佢做多D, 我付出唔夠
7。覺得佢為頭家出既錢多過我
我宜家係咁理解. 佢要避免任何一個機會受人地既目光
佢想我主動講我想生仔, 想有完整家庭, 到時出問題就係我錯
佢想我主動講私院好阿, 咁就都同自己完全冇關, 係"我"想去, 唔係佢
佢有提過外母同岳父少少野都會鬧人,
小至D野冇擺番好, 廁所沖涼整濕左撻地都會鬧一大餐,
佢要防止比人捉到錯處
只要我把口講既咁一定唔係佢問題…
我之前做過一份工個上司開會就係咁對我, 乜都係借我把口, 等我比人小
2個讚
終於追哂，
第1，唔好生仔
第2，拎左pr先
你都嘗試同老婆各自生活多幾個月，唔好聯絡，諗清楚仲愛唔愛對方。愛嘅先再溝通，唔愛，傾咩都無謂。
5個讚
我覺得唔係避免目光, 而係蠢蠢欲動、不能抗拒 、不負責, 性格好似舊公司嘅老海鮮
1個讚
其實如果各自生活到幾個月唔聯絡, 仲需唔需要段關係.
唔係好明
老實咁講, 你呢段野如果係女人寫出來, 唔理係babycondom定係呢邊, 應該大把人鬧緊個你, 老婆好辛苦、咩起頭家、貼大床嫁人、男人一意孤行、浪費青春、千祈唔好同個男人生etc,
呢D事講3日都講唔完, 只能是但一方讓步, 一就佢改 (明顯佢覺得咩起頭家, 唔會改), 一就你繼續忍, that’s it.
你8月返來後有咩打算?
如果萬一兩公婆傾唔掂, 你地之後會點?
加拿大呢邊準備退學?
其實隨便小/鬧…如果係我問題就算離唔離都要知
果堆野係佢鬧我既, 我想回應下
-
我係首期都冇比過, 但我有交租, 層樓最後升左, 儲左既本又同我無關
用舊租出去出面我一樣有樓住…點解係貼樓比我住
*淨係依度已經唔知嘈過幾多次
如果係話層樓賺左結婚我有份既…
我冇比首期果筆錢同D 朋友搞左壇野2年都賺到唔少 -
係我錯
-
都係我錯
-
移民要預左60萬比自己, 仲要預老婆冇工番, 同佢講左黎到未有工之前我會搞掂晒
, 都係想慳D洗… -
係我唔好
6,7 直接貼鬧交真野
W: 你覺得住度, 係你照顧我, 定我照顧你
H: 你有照顧我, 但唔代表我乜都冇做
W: 咁係你照顧我多啲，定我付出多啲?
H: 你付出多D
W: 啲家務我唔做, 你唔做, 就要請鐘點, 唔使錢阿?
H: 你係做多D家務, 但每星期2餐外賣, HKTVmall, 係Donki買野既錢, 超市買野, 其實都已經比到鐘點錢啦, 拖地洗廁所依D又唔係日日要, 洗碗浪衫依D我又有做, 其實想點阿你?
8月已畢業, 唔諗PR就可以頭也不回離開
冇諗過傾唔掂數點算…淨係想試下救
救唔到先再諗
我都有諗過如果個女嘅角度會點，可能真係話個男嘅唔可靠
但肯定係兩人不同步，但唔係你哋邊個嘅錯，唔好執著呢個point
記住，PR先，千祈唔好生B，萬劫不復㗎
2個讚
差幾個月就拎埋pr先，機會遲d未必再有
1個讚
從女方角度，佢好似想生又唔想生，根本好矛盾，
佢太在意其他人的目光，好似為他人而活，
佢有冇呢份自覺呢？如果無真係唔適合再生小朋友，
可能所有既選擇佢都要活在其他人之下。
究竟佢自己點諗？
不如問下佢對人生有咩諗法？
對生小朋友有咩諗法？
唔駛話即刻有咩答案，但係對於了解自己同對方會更有效。
我贊成樓上講攞PR 先，另一方面將一d你對人生
、對世界的睇法同佢分享，睇佢點講。女方的人生方向
搖搖擺擺，迷迷茫茫，如果佢真拜金，佢應一早有目標有目的去搵金龜，但佢唔係，佢應有自己諗法，但好易俾身邊人影響
而產生負面想法。
3個讚