同老婆結左婚岩岩過左兩年, 但事無大小每樣野都嘈, 已經唔知點收科, 請問有冇過來人提點下?
我(28歲) 老婆(34歲)
- 移民
- 我想移佢唔想移, 最後我迫佢移, 嘈得好勁, 老婆應承左等我settle down後就會過黎搵工,
我上年5月尾飛左溫哥華開學讀書, 佢等我飛左一開學就話其實唔會唔過黎,
一路讀書一路嘈, 嘈到都就快畢業, 嘈嘈下就會大家一齊翻舊帳,
最後我認衰覺得自己迫人都唔岩, 今年8月就會番香港
- 錢銀
- 未過黎之前老婆話我有PR先黎穩陣D, 如果OK就每月比8000當support, 我飛左後都係唔認數
- 問起佢D support去左邊, 佢話佢冇講過, 同咁樣係食軟飯, 就算佢有講都係講下就算, 點解我夠膽開口問女人拎錢
- 老婆問點解果陣我阿媽話比10萬我讀書就唔要, 但佢既錢就要
- 老婆要求唔好再幫自己屋企比水電煤, 應該由我阿妹負責, 因為我無份住
- 買樓
- 上年3月老婆將層樓賣左比家姐準備移民, 當時銀行估價7.5M, 就當7.5M買, 但因為想慳稅冇轉名,
佢家姐比左舊首期我老婆, 家姐供, 比我老婆租到移民為止
- 因為我遲D會番香港, 老婆最近睇樓睇中左層10.5M, 但自己份糧過唔到壓測, 想我夾首期,
我已經讀左成年書冇做野, 唔想咁大負擔, 只係肯拎600k出黎
- 家姐因為老婆冇移民, 想取消單deal, 但層樓估價得番6.6M
*我之前問老婆拎錢大家又嘈左2個星期, 實際上冇袋過一分錢, 然後佢迫我問拎阿媽舊錢, 話遲D益晒我阿妹, 提我仲比我覺得枉作小人, 我肯拎之後就冇再嘈。但自己個家姐話要取消, 就即刻蝕左900k…同佢傾話可唔可以再deal下, 老婆就話未見過家姐咁開心, 同埋遲D買樓可以問家姐借錢,
宜家終於明我點解唔拎阿媽錢, 跟住就喊…再過2日就話好擔心我番黎都係買唔到心水, 已經唔敢出聲, 廢事又嘈, 心裡面諗即係比錢娘家就OK, 男人仲要同屋企R錢先合理, 好無奈。
- 我想買二手居屋三房套(30年樓), 老婆鐘意新樓 / 20年樓內, 每次講起依樣野大家就會嘈,
我問佢係咪住係會所同外牆, 佢就話爛溶溶連朋友都唔敢叫上黎坐。最近佢成屋出動去
睇樓, 佢勁鐘意既半新樓比外母同家姐踩到一文不值, 話會所廢, 細, 無用, 佢又聽得入耳…
我講老婆就會話價值觀好唔同, 好辛苦。老婆好似反駁我一切我講既野, 但其他人同佢講又會肯聽下人地意見, 家人, 同事, 朋友每個人講既野都有作用過我。
- 生仔
- 初初拍拖我講左話要生2個, 到19年之後我講已經唔多唔想生, 如果你好想生先生, 我生唔生都得
- 老婆最近先話佢GET到我既意思係生左你就自己湊, 我唔會幫手, 我真心唔明, 我話我生唔生都得同我會唔會湊有咩關係, 咁我就話生左我會好努力同你一齊湊, 咁你其實係咪想生? 佢就話其實佢係想生仔, 咁我話好啦, 番到香港就生啦
- 傾完生仔過左兩個禮拜, 佢家姐真係買左另一層樓, 即係果900K冇左, 老婆話買唔到岩心水既樓不如都係唔好生
*老婆見到身邊D人send BB相比佢, 就會有一排想生, 再過一陣, 又會講一堆唔生既理由出黎, 到外母問點解仲未生, 有時就會拎我黎出氣
- 年齡問題
- 岩岩識已經知大家年齡
- 老婆人工高10K, 宜家讀書我冇收入
- 老婆成日掛係口邊唔同步, 話姊弟戀搞到買唔到想要既樓
- 話我唔成熟
- 我係溫哥華既時候, 老婆新年上左去我香港屋企食飯, 堂哥同佢條女都係度, 老豆唔知做乜等D人走開晒同老婆講左2次堂哥條女好似細過你, 老婆好介意, 幾晚訓唔到教, 覺得我冇幫手/保護佢, 我事後通頂左4晚開解佢, 打去問老母點解老豆咁講, 老母話聽唔到, 唔知, 我問老母老豆係咪要抱孫或者嫌我老婆, 老母話完全冇聽老豆呻過, 亦唔知咩事. 老婆覺得我老豆係惡意攻擊佢, 或者係話佢冇仔生, 都係好唔開心
*老婆介意我細過佢既程度已經乜都入晒年齡數, 買唔到(靚)樓/冇仔女/價值觀
宜家關係已經惡化到, 我同佢討論下佢既同事感情生活邊個岩邊個錯, 只要一唔岩聽佢就會冷戰。
有冇人有D差唔多既經歷最後拆得掂? 婚姻輔導有冇用? 唔想離婚…
2個讚
睇晒你成篇文, 除左深表同情, 唔知可以講咩好, 無咩實際建議俾你sorry
如果要去婚姻輔導, 都要佢本人認同段婚姻有問題佢自己先肯去。
呢下真心離地, 點解當初有樓又要賣俾家姐, 但宜家又話要買另一層樓先可以生仔? 定佢自己都搵好多架?
其實佢都 34 啦, 得罪講句, 就算佢宜家有左都已經係高齡產婦, 但佢自己都唔緊張生理問題, 咁我估佢根本唔係好想生仔。
13個讚
就咁睇真係唔同步。可能你只係出黎做幾年野，事業之初轉下工，甚至讀書移民都無所謂。但佢心態已經settle down. 想穩定。想安定長住，所以想買新樓。
心態唔同。
我都睇晒成篇嘢了
Ummmm 諗起我屋企。雖然完全唔同事件。
但想問吓，你爸爸真係有咁話個老婆嗎？意思話堂哥女朋友細過佢嘅事。
有D女人真係會好介意。而且每個人接受程度都唔同。
不過，我個人感覺睇得出你老婆好計較。咁若果你同佢調番轉，意思係你搵到多人工過佢，而之前係佢去讀書，你唔support佢。佢都會爆你。
建議真係俾唔到，亦唔太覺老婆有真正為你哋2個自己組織嘅家庭去諗。
當然一開頭係你逼佢移民，但而家你都妥協8月會返嚟。你要做嘅都盡量去做。
5個讚
我想講，我有個阿哥已結婚十幾年。未結婚時我哋當然一家人住，當時佢嘅女朋友 (即而家老婆) 都已過嚟半同居狀態。
結婚後佢哋話會搬走，直至有埋BB，都唔搬，但屋企真係無位，最後我同家姐搬走，想屋企人都住得舒服D…
即使我哋搬走，十幾年嚟我家姐都每個月俾家用 ，屋企有D咩突發開支，我家姐都會俾錢Support
但因為我人工少，就唯有行動上成日幫娘家嗰邊。但我都會私底下俾錢父母飲茶，買吓嘢係佢哋。
到最近呢2年，我阿嫂喺錢銀上計較得更嚴重 (但我阿哥係搵得好多錢)，但一家三口喺度住俾好少家用嗰隻。
但始終父母仲喺度，我哋大家當供養父母都會俾錢。佢哋住公屋，而我哋淨係租屋開支都過萬。
而且呢幾年我阿嫂揸屋企錢，連我阿媽同工人去食一個Lunch，只係幾十元，我阿嫂都WhatsApp 我投訴。我另一屋企人買Pack辛辣面返去食，細嫂都要話屋企無位，要我屋企人拎番入房擺。
我心諗，間屋係我媽咪，我唔明點解我阿嫂可以做到咁。
連我媽咪買屋企嘢睇醫生，原來都要求老人家俾單先俾番錢。就算我哋自己屋企人拜山買咗嘅嘢，都話要俾單先可以Claim錢。成件事癲到咁。
若果一個女人咁計較，小心好似我屋企咁引伸咁多問題。
所以，你經濟上Support自己屋企，係唔會錯。唔係要情緒勒索你，只係點解佢幫自己屋企又可以？但你唔得？
9個讚
claim 咩錢?
宜家一家人呀, 工人問公司claim 番支出咩?
真係好唔尊重呀
我都有同感樓主老婆一方面好計較, 另一方面又雙重標準。自己娘家乜都岩, 響老公屋企身上就想攞盡著數
另外生仔方面, 生完邊個湊先? 佢似乎都唔鍾意老爺, 到時應該唔肯俾老爺奶奶湊啦?
3個讚
佢家姐好好人. 果陣一來係驚賣樓搞得耐, 老婆會遲黎, 二來係家姐都幾鐘意層樓, 所以家姐主動提出買
但家姐為左慳稅, 又肯唔轉名, 有得業主個名係你老婆, 然後幫你地供樓咁?
唔係唔肯, 係兩姊妹覺得冇問題, 唔轉名仲慳到稅添, "當"層樓家姐已經接手左,
家姐連首期都過埋數比老婆, 宜家唔要老婆就還番夠首期
但如果老婆想用自己名再買新樓
佢都一定要甩左個名先有得用首置條件再買樓嘛?
即使家姐無取消單deal, 咁樣長遠都係有問題
(sorry 我離左題)
唔好介意
睇完我覺得你哋大部分嘅問題都係源自同錢有關
會唔會因為移民/讀書呢件事令佢錢銀上好擔心？
樓、生仔對佢嚟講都似乎同錢有關
可能要認真計劃下家庭嘅錢銀先可以settle
老豆果度真係唔知, 因為老婆話老豆襯D人行開左先講, 阿媽係廚房洗緊碗, 我都係聽番黎。
唔在場唔知咩事, 我問老婆會唔會係老豆唔知同你有咩話題9UP講錯野, 更加比人小得勁
話我幫住屋企人唔識體諒佢
人工果度…又係唔知點拆 老豆單野搞到佢同我家人唔得, 之前冷戰同嘈外母都肯幫下手
最近嘈搵外母幫手都唔理, 因為老婆同外母講我撻大手板想洗女人錢
你老婆好似覺得, 老公既錢 (包括奶奶俾老公讀書既錢) 都係我既錢, 我有權決定要唔要, 但我既錢就係我自己既錢, 一分錢都唔想使番響老公身上? 否則就係食軟飯
6個讚
長遠係有問題, 本身佢想用家姐名買佢想要既野
點知家姐睇睇下樓自己有心水
你中晒, 佢覺得冇靚樓唔好生仔, 靚樓 > 生仔
但見到人地住新樓生左仔又會葡萄, 琴日嘈交先話自己乜都冇, 冇仔女冇靚樓
過一排又會說服自己生仔好麻煩, 無限LOOP
但其實佢生仔既朋友都唔係好多住得好好…
都係慢慢換樓換上去, 但佢就想一部到位
移民都係驚冇工做
2個讚
LoveB
16
係，一家人都要咁對待。最大問題我呢個阿哥唔覺得係問題先頂癮。
如果D錢一直係佢一家人出，屋企人要用佢哋錢，大家睇佢哋面色無嘢好講。
但問題家用錢其他家姐哥哥都有份俾，而且我家姐唔喺度住都俾大舊錢。
仲要佢哋住公屋，因為佢兩公婆人工高同埋資產勁，咁當然要交貴租啦。
然後因為咁要求其他同屋企人要俾返多啲家用
佢哋唔諗吓咁樣因為佢哋一手造成
所以若果人自私，就會有好多呢啲問題
其實就咁睇你老婆性格都幾差，既然大家都唔岩，離婚罷啦，點對一世
9個讚
LoveB
19
既然你老婆係咁樣，真係勸你唔好盡信佢講嘅嘢
咁當然有時有啲嘢你聽完就算，真係唔好步我屋企後塵
意思我都希望你都可以中立去對待所有嘅事。咁當然有時老婆都係要撐嘅，但唔好麻目。要識得去判斷。
正如最近我因為屋企嘅事都同哥哥嘈交，其實佢老婆之前喺WhatsApp仲同我講，佢喺呢個屋企只係一個義工，我哋係Boss們。佢真係咁樣形容。
我諗我哥哥都冇諗過佢老婆，因為個媽咪只係食咗幾十蚊嘅lunch幫我WhatsApp個細妹投訴。咁當然佢老婆喺WhatsApp仲講咗好多唔好嘅嘢。我係有cap晒俾其他家姐哥哥睇。大家都好失望。
所以嗰次我都鬧我哥哥，你要幫老婆唔係問題，我哋會好理解，但係呢10幾年我哋都冇出過聲，係因為唔想你難做，但你有冇留意個老婆呢兩年點樣對屋企人？
我都叫我哥哥唔好聽晒佢老婆講嘅嘢，叫佢得閒睇吓個老婆WhatsApp同我講咗啲乜嘢
好多男人永遠只係聽過老婆話，其實唔係一個大問題，但若果因為咁影響八本身你自己同屋企人嘅關係就真係要留意。