我唔太覺得個女貪慕虛榮，始終佢自己都有條件向上，亦有努力
佢最大問題係迫樓主，唔珍惜佢，唔係視老公係自己人生一部分，但係成全佢人生嘅工具，好多呢啲女人
淨係呢樣我已經知道佢家人係點樣，以我為例，我結婚時父母從來無要求禮金，淨係叫我哋留番錢自己用
5個讚
呢樣又係難睇，個女自己砌夠10萬做禮金 （雙方都處理得唔太好）
一開始就錯，太多磨擦，太多傷口
1個讚
而家好多都係雙方私下打聽好, 然後先"officially"開價, 唔會令到女婿要講價咁難睇,
但另一角度, 我亦見過D女仔好識做, 私下補貼禮金比老公, 再由老公比成份禮金阿媽, 唔駛老公同阿媽難睇,
不過樓主老婆似係公開咁講話會貼夠數? 咁就搞到雙方都無面
2個讚
咁你可以照樣apply PR, 應該都係上網apply, 唔需要你等到明年先返香港, 定係加拿大要你未出結果前唔可以出境?
咁多錢咁辛苦讀書, 無理由臨門一腳走人
你又真係抵鬧…
佢話你唔做家務, 你就spin去佢買野, 暗示佢大使, 佢一句呢D都係自己錢已經KO左你, 到時你咪仲嬲
1個讚
係你GET到咁, 唔係公開,
老婆問佢媽想要幾多禮金, 過幾日就話阿媽想要10萬,
我就話可唔可以傾下68888, 佢就話會自己貼夠等我過數
1個讚
sor有D亂, 果陣係嘈緊我冇貢獻, 係出錢同家務上
hktvmall訂到既野, 外賣, 出街食飯, 出街買野主要都我係出晒
又係自己屋企拎飯餸番黎,
冇野拎就有時就會打比老婆問有冇野要超市買(主要係蛋/生果)
係我角度係分工…唔係大家要計到我mark低一個月洗幾錢黎代表自己有貢獻掛
我好鐘意老婆唔點出街
每次我番屋企都覺得有人等緊我,
買野番黎/拎野番黎佢都會開心咁話番黎拿
未出發移民前根本都唔知有不滿
1個讚
我都係，都無擺酒啦，仲要咩禮金，賣女咩。人地養大個仔都係有血有汗架嘛（sor 代入埋而家做左人老母個心態）
其實就算有擺酒，個女同女婿都要洗好多錢，之後買樓又係錢，生B又係錢，唔明點解中國人思維父母仲好意思問攞禮金，好彩我父母唔係咁樣咋
1個讚
上面有師兄係講得好岩,
老婆果陣真係好識做, 可能都係想阿媽對我印象好D
但事後拎黎嘈話好委屈我真係唔知可以點…已經過左
到今年嘈交佢同番外母講自己有份貼
成單野收晒皮, 反效果, 仲衰過真係同外母傾
禮金我覺得係要比, 但可以雙方傾一下
唔係外母話幾多就幾多, 比唔夠數就係個女人cheap, 個女嫁得差
個女人係咪cheap唔應該用禮金定架下
2個讚
救命, 你老婆想攬炒 
8月你返香港都係唔好抱太大希望,
最緊要唔好生BB同唔好比你個名做擔保
2個讚
終於睇完啲留言
樓主我想講，根據你講嘅野，你老婆心目中應該係冇你嘅存在。如果有得話個排名應該會係好低好低，正如樓上其他人嘅留言，你只係一個工具人。
如果你唔想分開，想搵解決方法，你應該要令到你老婆知道，你所有嘅不滿，如果你咁樣積壓落去，遲早有日都係會頂唔順。
其實兩個人係埋一齊冇得好似你老婆咁計較咁多，啲舊事都過咗去咁耐，都仲可以重提然後鞭屍，咁要去到幾時先肯放過大家？
樓主，真心建議，你搵日清清楚楚，心平氣和咁同你老婆表達清楚：你唔希望佢再舊事重提，果啲咩佢買樓你俾租果啲，當初傾好咗就冇錯，唔可以再提係佢蝕底，你食軟飯之類咁難聽嘅說話。
其實兩公婆都要互相尊重，而唔係咁一咪單一方就曬另一方。
——————
最後真心覺得：
1）樓主你兩個唔離婚都好，千奇唔好生小朋友
2）pr 唔好放棄，隨時比你老婆心中嘅樓更值錢
3）你當我功利啲講，你老婆應該擔心失去你多過你失去佢。你仲年輕兼有pr在手，你嘅本錢比你老婆大得多，而你老婆年紀開始大，可能除咗錢就乜都冇，但佢又未去到有錢人嘅地步，分分鐘會變成連登仔最怕嘅女上司。
14個讚
應該唔係喇…我覺得都幾肯定係自己需要佢多D
至少宜家痛緊果個係我唔係佢
以我所知佢身邊有兩個40幾歲既女同事離婚尋找真愛
佢咁聽其他人講, 我既野就聽唔入耳
可能都會覺得其實離婚就係Solution…
2個讚
乜咁大鑊, 近朱者赤, 唔係話離婚唔應該再搵第二春, 但似乎呢兩個女同事對你老婆有唔好影響, 再加上佢自己計較性格, 將自己黑暗面release晒
不如你講下你需要佢啲咩？
我估你應該係情感上需要佢，又咁岩依家咁好機會你地分隔兩地，不如你又俾個機會你自己，試下冷靜落黎，唔去搵佢，俾啲時間你啲情感抖抖，搵下啲野做，去下旅行之類。
兩個人相處係需要互相磨合，就好似太極咁
，而你同老婆嘅狀態係你單方面俾你老婆磨，磨到最尾你變粉架啦，自問你係咪可以永遠咁失去自己？
又或者咁講，當有另一個可以情感上滿足到你嘅人出現，而佢又唔會同你計較咁多，你會唔會都仲可以忠於你老婆？
似乎你堅持移民，好似等同你出左軌，失去信任，所以要將條線拉到好緊，用盡方法去令你認錯，又將錢放到無限大，零安全感
我比較傾向相信太太背後有一隊食緊花生的幕後軍師，佢哋已乘虛而入，唔容易解決
4個讚
作為旁觀者, 我都覺得樓主牌面係靚過老婆, 老婆除左錢, 仲有乜…
3個讚
其實…好多專業人士公司保險都包去私家生仔…叫你老婆check清楚公司保險先啦，再唔係轉下一份工…唔洗嘈
1個讚
就係無，先要不停改造樓主
有嘅一早走左啦
1個讚