我意思你地現時持有一物業，呢個現有物業跌價
仲夠錢換樓？
第一層樓依家賺定蝕？你又無收入，利息又升
樓主，冇細路嘅關係唔需要死守，你係好男人，但人生係你自己嘅，你好清楚當初點解要移民，唔好中途放棄，你一定會後悔（都係假設你黃，藍的話都係大灣區先尋找到幸福）
你得嗰三年，我結婚十幾年，只要人生唔同步，我都會考慮離婚。移民我唔會迫我老公，但佢都唔可以迫我移/唔移，移民絕對係人生大事，個人決定
就當你而家喺香港買樓，冇問題，你問你自己：係為佢買定係你真係自己個vision都係買樓？你個心一定有答案
1個讚
根本佢既行為就係貪慕虛榮啦 
一時又想你同佢未結婚已經動用你屋企人既錢幫佢上會
一時又可以為左買唔到層樓想分手
我覺得咩都要猜猜度度真心辛苦
不如你真係辛苦自己一次, 一直死忍唔好搵你老婆先啦
你對佢既愛佢太take it for granted
又唔識珍惜, 咁樣好難一世
4個讚
即係發夢想自己滿身銅臭, 但又要做不食人間煙火嘅聖母?
我都明有D女人唔鍾意直接講野(性格冇得改), 但對住自己伴侶都仲要人地玩猜迷遊戲, 平時小事就當係情趣, 但大事(即生仔)都仲係咁, 點頂呀
1個讚
當年黃霑問過張國榮點解入行, 佢話, 因為我貪慕虛榮囉 
黃霑即刻讚佢, 唔貪慕虛榮就唔好入行, 呢行唔貪慕虛榮就唔會紅
樓主老婆貪慕虛榮無問題, 呢樣可以係動力, 佢未至於無能力貪慕虛榮(起碼人工都高), 但就太想一步登天
2個讚
樓主老婆可以一步一步同老公實現夢想，本身係美事，亦係婚姻真諦，但佢用錯方式：埋怨、同其他人比較，好惡頂
1個讚
如果你預視之內的事業唔可以令佢過一啲虛榮的生活，要放手。
成件事，佢同你都無錯，錯在大家唔喺同一時間點同目標上。
佢目標唔係有得住就得，佢要住啲可以炫耀的新樓，買完幾百的新樓，之後要換千呎新樓，再下一步就想住house，慾望無盡。
但你就唔係咁諗，你會覺得喺香港地有得住已經好好，環境再靚都不及單位內實呎，你寧願住舊樓3房，好過新樓兩房。
我buy你移民決定，覺得你唔應該返嚟，要攞埋pr先，對自己多條後路。尤其去到外國，住大屋無香港咁高難度(但加拿大樓都貴。)
至於你老婆，佢睇錢太緊，你自己顧返自己生活，唔好要佢support 。如果唔想離婚，就學識語言藝術，好似高官咁，答得模棱兩可，答完等於無答，佢又無得嬲，你又過到骨。
唯有係咁
7個讚
唔好話留比自己, PR係留埋比佢老婆、將來仔女(如果想生),
佢老婆而家34/35, 呢個年齡層佢班朋友應該都有人開始移民,
相信佢慢慢見到D朋友係fb/tg曬相, 佢老婆咁想係朋友之間證明自己, 到時就會又改變主意想走
1個讚
我都有朋友係咁、永遠唔滿足、隔離飯香
1個讚
但其實我覺得樓主老婆係自己judge自己，大把人私家醫院開刀，點解咁就貪慕虛榮。洗得起無問題。
1個讚
同入行做地產一樣、點解入行,要答’因為想搵錢’, 千其米答’因為我想為地界上每個家庭找到安樂窩’
3個讚
19年之前聽過一個某行業"interviewer"分享, 問applicant點解想入行, 你要答因為薪高糧準, 如果答服務市民, 佢一律foul, 因為有呢個心入行的話, 會好快做唔落去
1個讚
一見到放手個心就好痛，
只要佢肯求其放棄一樣 eg. 住細d / 住舊d / 癖少少
家姐果90萬，
大家做多2年都唔知儲唔儲到，
肯去傾下拎番少少都speed up到買樓
樓又好，自己家人又好
我先係被放棄果樣
我又唔係唔肯做，係想要d時間姐
宜家離婚係唔會快d買到樓
唔甘心一定有，但除左呻已經唔知可以點
家姐個90萬，其實唔存在的
當無件事
2個讚
個90萬唔係白俾你，你一樣買唔到層1000萬樓
我老公性格上好似你，都係一冷戰就訓唔著既人，同樣地，一開始都係佢愛我多過我愛佢，所以冷戰時我次次都訓得著
樓上已經有人咁建議，我覺得做法可取——就係先離開你老婆一陣，等佢考慮清楚佢需唔需要你，珍唔珍惜呢段關係
我既經驗證明呢個方法係成功，結婚初期，我老公俾我逼到情緒爆煲，失聯左一段時間，我開始反思自己係咪需要佢，係咪真係想同佢行落去。結果，我放低固有既執著，著眼點變成點樣維繫婚姻。
呢個方法真係work，你試下啦。睇下佢係咪真係會放棄你？如果佢揀放棄你，你就無謂堅持！
6個讚
Sorry 我覺婚姻關係無對等，但同時付出亦不計較收獲。
我同我丈夫如果要計條件，可以話好大差距，年龄我細十年，我係專業人士，佢中五未畢業，我過百萬年薪，佢做生意，曾經好好同時可以零收入。
移民後我亦擔起頭家既支出，佢做後援support 我。
兩公婆唔係老闆同下屬，人工學歷條件唔重要，但價值觀，願境是否相同好重要。
兩個人相處是否自在？
人有順境逆境，計得幾多？
3個讚
樓主老婆係咪覺得樓主點都唔會離婚所以咁？
佢不斷拎番啲改變唔到既野黎講其實冇意思，姊弟戀由一開始已經知，怪得邊個？老婆係咪好唔甘心揀左個細幾年既老公，冷靜地認認真真問佢想要段咩婚姻關係…
咁樣大家都唔開心，佢成世都比呢啲諗法綁住，有大屋佢住都唔會開心。
莫講話生小朋友，一定會拎自己細路同人比，個細路好無辜亦唔方會開心
我記得由我老公同我呀爸媽講我地想結婚嗰陣開始，佢地已經提我地兩公婆最緊要有商有量（因為我爸媽知我硬頸又要面
）
講真 到呢家都好努力學習中，我都會提醒自己呢樣野。只要真係愛對方想段關係好，真係要互相尊重，有商有量
依家你都喺異地
返到香港，兩個人，唔好有第三者
大家食個靚飯，relax下先找一日好好了解下大家對段婚姻發展係點，傾好就一步步嚟，因為錢有限，無得急。
買完樓都要有錢裝修
你又先開口講好事業起步，未能一步登天，認低威先。
我諗我講既對等唔係5050
係大家有冇意願滿足期望同妥協，想繼續段關係
例如佢即刻要樓，但唔夠首期同人工過壓測
買唔到樓 → 老公幫唔到手 → 解決個老公
我可以1年左右應該fulfill到，已經講左會做
我既期望係唔好嘈，1年後先
買唔到樓 → 搵工 → 過壓測
佢有野達成唔到就入我數，
我就只可以上黎講，
同佢傾唔岩聽就冷戰我
1個讚