絕對係喔！
其實如果2公婆係夾／溝通到，一早已一齊移民左，呢家係加拿大努力緊啦…
我大學未畢業都有人生美好checklist …而家個checklist 係休息及睡覺、大事化小 小事化無
5個讚
食屎啦佢，好彩搬走左，恭喜你
所以我就係叫你冷靜下，睇吓自己可唔可以接受佢既價值觀，因為兩個人，一定係係有一個係主導個關係多啲。你老婆好明顯係主導個個。
雖然我都唔鐘意冷戰，覺得係難受，但無辦法，如果你哋無好好諗清楚自己想點，當中既愛有冇辦法令你哋繼續行落去，就算今次tum得掂，好快就有下次。
同女人角度，都係覺得佢可能會失去小小(令佢以為), 咁佢先可以知自己有幾需要呢段關係。
再加上唔知long d會唔會令你地有miscommunication同時差都可能令關係無咁好。所以我覺得你冷靜左，人返咗嚟，就會知自己想點。
好多人話叫離婚，雖然我都覺得你老婆幾on x，不過呢啲都係one side of the story，起碼買樓佢都有俾大部分，同埋你有講唔想離婚，我覺得你老婆都係有佢好既地方。
3個讚
到時樓主老婆見到樓主已pr, 可能又會改變主意想生仔，因為到時就可以係佢班朋友面前曬自己係外國住大屋
4個讚
我25歲時都有，同個時男朋友即而家老公都有為呢類似問題嘈過下。傾傾下一人讓一步咁囉，我覺得我有推動到我老公，而我又面對現實咁。
而家移左民，先感覺到一家人開開心心先係最重要！我呢刻嘅checklist係send email俾NHS/ikea/洗阿女2套新校服裙/ 執屋/打俾父母吹下水
8個讚
真係好彩轉唔到名
2個讚
企鵝兄應該講中晒, 要怪係我拍幾年拖都察覺唔到依D野
佢27之前都係一路讀書, 直到拎到專業資格, 身邊無乜朋友冇社交. D FD都係一年見一次
佢有講番個part time既老板建議佢唔好讀master(幾十萬), 不如拎黎買樓
佢有同我提過果陣覺得人地白痴, 拎住個專業資格最緊要
之後買唔到樓, 我一拎黎講就又鬧交, 佢話我拎D佢改變唔到既野黎講, 晒氣, 果陣點會知樓會咁升法
我就覺得如果可以諗多D同闊D, 唔洗下下淨係諗單一目標, 將來實會有幫助.
我想移民, 但離開老婆自己都好辛苦, 我需要佢多過佢需要我, 但見身邊唔少人拎成千萬投資移民,
我自問到40都唔知做唔做到, 宜家過左就唔知有冇機會, 我覺得係為將來鋪緊路, 但佢諗野好似永遠都係單一mode, 我以為只係大家做野既方式唔同, 冇諗過係因為砌積木
專業資格 → 拍拖搵仔 → 買樓 → 結婚 → 生仔
佢focus緊係果樣野既時候真係冇人改變到佢
仲有佢無時無刻都後悔,
後悔晒太多時間讀書, 如果直接讀護士應該搞掂晒
後悔冇聽老板講買樓,
後悔初初買唔成樓冇分手
後悔完都唔會諗下宜家做咩將來唔會後悔,
我覺得下一個後悔就係34歲唔生. 要換埋樓先生…結果可能生唔到
初初識佢覺得佢好好, 識關心人, D時間拎晒黎陪我, 我脾氣唔多好, 都冇乜耐性, 佢都接受到
但一結完婚其實D 關係都已經變變地, 可能係因為拍拖既目的係結婚, 所以對我好, 所以先完成到個task? 結左個task已經完左, 覺得唔洗再忍我?
堆積木好難砌到上去, 下年佢都35…當搞掂左樓, 話生就一定必到個出黎咩.
同埋我都有提起過, 佢咁介意人睇法, 咁要面同鐘意比較, 我老豆可以唔見, 但個仔唔係一定讀到書.
到時成績麻麻地, 遇到家長group人地晒仔, 咁你點處理, 到時我保護唔到你, 我冇得要其他家長收嗲…佢話係咪即係唔生好D?
依堆積木其實有冇可能唔砌都繼續到? 講真都冇信心改變到D乜. 可能我就係塊搖搖下既積木,
動搖左個根基
2個讚
e… james 兄，你訓唔著啊？定係晨型人？
長文未read, 我一陣先睇，純粹say hi
1個讚
次次鬧交同冷戰就係咁…訓3個鐘多D就醒
未睇晒，只想講生咗仔仲多磨擦，諗清楚好。
勁慘啊。。。
睇完你長文啦，有幾個pt你講得好好，就係佢視野。上面都睇得出佢諗野比較liner, 一直線，睇唔到左右其他野，再遠d都睇唔到，似係隻前面掛住carrot 既donkey 咁。當佢realise 呢個世界已變，其他人已發達，佢就嬲自己點解仲係隻donkey(當然嬲埋你啦施主).
另一個位，係佢係一個living in the past 既人lor. 你會move on, 會諗之後（移民），但佢係一味回顧過去，一味後悔，一味嫌3嫌4既人。唉，你要做既，就係可否令佢返黎呢家，活在當下，唔好坐講舊屎，唔好再後悔。
其實可以試下同佢分析，佢要有A, 就一定無B, 人生唔可以再黎過，人生亦係由一連串選擇而成。佢一咪呻佢既選擇，試問當日揀B, 又會唔會真係好過呢家？例如買樓，都可以買到升唔起／升得慢既樓，咁點呢？遇上租霸，仲煩，咁點呢？
我覺得，佢要面對自己既choices, 面對佢自己先。。。否則呢，當你地真係離婚，又加多左件後悔事係佢身上，佢更覺得自己過得miserable…
文字間只見到你講既一面，我地睇唔到全況。但如果你能令佢返黎呢家，唔好再後悔自己選擇，你都功德無量啦… 如果佢過到呢關，之後行落去希望順d…
4個讚
依樣又係麻煩野. 幾年前佢提過如果生仔想私家開刀, 因為怕痛
我就話聽左一個媽咪講, 佢開刀之後痛到第4日都未落到床, 我照dump番比老婆聽
之後個話題就完左
最近先提番起話我唔肯比錢去私院, 佢好驚痛,
我真係唔知乜料… 我咁樣答係解釋緊順產開刀都係痛,
之後佢就話驚食全餐…我話其實D野可唔可以講清楚D講白D
你想去私院, 因為驚食全餐要開刀, 就咁一句痛, 咁兩樣都係痛男人點知應該點
問佢可唔可以唔好再暗示/轉彎抹角, 佢就話覺得講出口搞到佢好似貪慕虛榮
我覺得, 首先你要冷靜下, 我不會叫人離婚但係適當既時間要比大家空間唸下研究自己想要乜 人生點走下去。愛要對等先幸福 你愛佢 被佢牽著鼻子走 佢其實只會更加睇你唔起 （除非你突然發達 比到dream life 佢 不過佢愛的便會是錢而不是你）。及你應對佢冷淡一下 看看佢反應
1個讚
我覺得大家都叫冷靜. 已經唔係好似以前咁發火同嘈
我其實想要既只係一段穩定同對等既關係.
我覺得要求對方做既野自己都應該做到,
唔係要人做依樣果樣, 輪到自己就唔做, 喊住話原來個心情係咁
仔女可有可無, 樓冇乜所謂, 唔好賭身家ALL IN借上借就OK
試過冷戰成個禮拜, 受罪既一定係我, 無論點鬧都好佢都可以訓得好好
簡單嚟講樓主老婆成日後悔，成日比較，永遠唔知足亦唔珍惜現在及身邊人，總之人有我有
呢啲人冇得改，亦好難得到快樂。我有朋友都係咁，羨慕人哋但自己有嘅幸福又唔珍惜，人生過得好差
人生唔係方程式，PR我會覺得對香港人而家比任何嘢都重要（假設係黃）
我唔會叫你離婚，但當你為將來係放眼喺世界＆PR，你老婆仲玩緊買樓生仔遊戲，vision完全唔同，人生觀都唔同
千祈唔好生仔，生咗你跟佢玩，你一世就冇
價錢觀一齊先好走落去，PR重要過一切
任何人都唔應該係成全其他人生命嘅工具，你哋冇仔女已經煩少好多，樓主，清醒啲，唔好比你老婆舞
12個讚
層樓跌價仲可以買到10M樓？
1200樓下改左可做8成
你呢個topic令我聯想到港大張褀忠個單殺妻案
但對方唔係咁唸 所以你對象錯了 向錯的人要對的東西係唔work 的。我都有類似你太太的朋友 佢條件比你太太差 只是普通中五畢業文員仔 只想做full time mum 而一樣要求地鐵上3 房2 廳 所以又係一值話老公無用 話男人養妻活兒天經地義等一大堆廢話…
其實你繼續去滿足佢就佢的話 佢只會一直差落去…
10個讚