冷靜幾個月，諗清楚係咪真係咁需要對方，我都識朋友係試過分開冷靜幾個月，冷靜期間當然唔好各自搵新另一半，只係反省下，諗清楚段關係，真愛唔會因為果幾個月就冇左。
反正你要拎埋pr，真係要拎，唔好浪費左原本已花嘅時間同金錢，加上唔睇好香港，拎左pr穩陣d。
2個讚
大事上我覺得老婆無問題(咩起頭家、男人一意孤行etc),
但細節/性格, 佢老婆真係幾難頂,
比我感覺係不停打擊樓主自信, 而且可能睇清樓主性格? 覺得佢唔敢走,
唔清楚佢班女人軍師教左老婆幾多野
1個讚
你28歲咋，放生自己啦
真心你想你嘅下一代係你同佢嘅家庭成長嗎？日嘈夜嘈又乜都計住晒
1個讚
仲有個仲係好愛佢嘅老公
哩樣係佢老婆要好好珍惜嘅地方，可惜佢冇，仲一咪傷害佢
最慘佢老婆又未去到好有錢嘅地步，如果離埋婚分分變成冇人要，死守份工，對下屬mean到爆嘅女上司
1個讚
香港男女平等, 如果離婚, 男人一樣可以分女人身家, 佢老婆除左好sure樓主更愛佢唔會走之外, 正常唔敢做到咁絕
一樣感覺，樓主應該都係M底架啦⋯⋯而呢種女人見樓主越聽話，其實越討厭你，覺得你唔man無鬼用
6個讚
以樓主所講佢老婆嘅性格，會唔會已經儲起曬一堆收據，證明買樓啲資產之類都係婚前擁有。
1個讚
BTW, 樓主exam/paper/presentation完晒未? 呢D時候唔好理你老婆先啦, 你話8月先畢業, 即係仲有個summer sem? 專心完成個course先啦, touch wood搞到defer就慘, 到時你返香港佢又多樣野attack你
3個讚
佢地唔係婚後買樓咩?
不過儲起晒支出/供樓證明就真係唔奇, 佢而家去到咁盡
講下笑：樓主你後生又搵到錢又有PR又情深，你出去冇女溝我乜都得，我有個女都想佢嫁比你
我都覺得佢睇死你唔會離開佢咁，反而你試下比以前反常，可能佢先知驚。或者認真反省。
2個人相處唔應該計較邊個付出多d，邊個付出少d，2個都有付出，而且根本冇可能計得清。愛對方，自然會願意付出，而且不求回報，難道生個仔出嚟，由陀住開始就要計付出左幾多比個仔，到佢大個問佢拎返？呢個女人千萬唔好生仔，唔好害左個仔。
你真係仲後生，出面好大片森林，唔係叫你而家離婚，只係都要諗清楚，呢個女人你仲接唔接受到咁樣一世？
5個讚
見婚姻輔導好有用架，如果佢唔肯去，你自己去見左先，起碼有一人願意踏出第一步
你而家28歲，3年前25歲，再4年前21歲。即你老婆想你23歲畢業2年就結婚！？
我唔覺得你有咩錯喎，咁後生結婚咪又俾人鬧無事業/經濟基礎。唔好乜都認錯啦
5個讚
俾個女人日日咁樣言語虐待，都好難脾氣好。你算係咁架啦，俾我實反枱
1個讚
加拿大好多唔同國籍嘅人用盡方法留低, 單係佢班同學應該都唔少呢D人, 樓主讀完書就PR, 成本低成咁, 我係佢老婆會擔心佢被各國佳麗食左就真
2個讚
係囉，除咗太無性格外，其他我都安心俾個女嫁佢，會叫阿女唔好好似佢老婆咁食到上心口
一般香港大學生好少可咁早結婚, 男仔尤甚, 除非想排宿舍 (純粹身邊觀察) 或者搞大左女仔個肚
佢老婆應該想30歲前結婚，點知拖到過咗30先結，完全唔係自己既計劃內，梗係嬲樓主啦
4個讚
樓主算好乖仔, 肯咁早結婚
我老公當年未識我，啲所謂兄弟叫佢返大陸識，過羅湖口岸樣張香港身份證就一定大把女圍，我老公不為所動，佢話淨係鍾意港女