我舊年疫情最嚴重個期下體驗左原始生仔法
雖然本身都係打算會順產+唔用無痛
但無諗過最後係笑氣 陪產 音樂 香薰 止痛機都無
不過好彩係陣痛個陣最痛
我要用吸盆所以剪左 可能醫生手勢好
生完之後麻醉藥過左傷口都唔痛
行得走得了 水泡都唔使坐
係生完之後恥骨勁痛 完全影響生活
我在美國生，第一胎唔識用無痛分娩，但都係痛咗1.5鐘。二年半後生第二胎用無痛分娩，無痛過，只係用力時唔知點用力，試咗幾次就生到，醫生叫我用柯
既力去柯出黎，就生到了！ 所以我兩個都順產，覆原快，1個半月個仔已經搭機返香港探親了。祝一切順利，母子平安！
即係醫護人員喺你剪個陣幫你落咗麻醉藥？
你好呀，我第一胎時有打無痛，分享下自己經驗先。網上好多分享無痛好嘅經驗，而我自己係一個唔太好嘅經驗。
我係41週都完全冇產兆，被安排入院催生，早一晚先放一個balloon去放鬆子宮頸，之後去到零晨六點幾開始打催生藥，過程雖然好痛但不詳述。開到5度就可以打無痛，打完真係由地獄上天堂，但原來係另一個痛苦嘅開始。
因為打完無痛之後度數一直冇開過，什至換第二隻催生藥都無效。之後先知道呢樣係無痛嘅其中一個副作用。你當催生藥係揸車踩油，令架車加速，而無痛就係踩brake，一正一負令架車唔再行…
更唔好彩係我開始低燒，呢樣係無痛另一樣副作用，低燒會令母體同BB都處於一個危險環境。產程太慢令我由早上6點去到晚上6點先開到7度，終於可以試人工穿水，穿水後終於令產程加快。到大約晩上十點開到十度，keep住push了2個半小時bb先出嚟。差一點就食全餐了。
可幸BB就算身處低燒環境咁耐都完全健康，當時covid老公冇得陪產，我仲自己幫bb剪臍帶。似乎一切都好好，但我之後開始呼吸困難失去意識，迷糊中身邊儀器開始不斷響，原來因為產程過長令我子宮自己唔識收縮，令我大量失血，成1400ml⋯⋯而呢樣都係無痛嘅副作用之一。產後因失血過多，雖然係順產，我住咗一個星期醫院，之後醫生其實唔比我出院，因為仲有嚴重貧血，但因為covid冇老公支援，情緒上我已經承受不了，最後醫生比我出院但要bed rest一星期。然後冇血就自然冇人奶…又冇力幫手湊b，好彩我老公係一個神隊友
咁我當初係咪應該揀開刀？但原來開刀令產後大出血個風險會更高，因為開刀都係一個介入嘅醫療行為，子宮一樣未必識自己收縮。而開刀亦會令你生下一胎時擁有更高風險。
咁大篇文，重點係，不要只考慮痛或不痛，每一個醫療行為都伴隨風險，作為過來人我後悔自己當初自己只考慮「痛」而忽略當中風險。好好評估所有風險再去做決定吧
加油呀！
ps要預埋就算做左決定，好多野都未必如理想，可能胎盤前置/胎位不正等等都要開刀。隨遇而安，好好享受生bb呢個過程，每一個生產真係一個miracle黎
6個讚
開完刀醫生會幫你打oxytocin 幫子宮收縮。
Sorry for your experience 聽落好辛苦
政府醫院？
係呀，無錯呀，oxytocin催產素係可以幫助子宮收縮架，亦都係我催生時第一種打嘅催生藥，但打左都未必一定work的。我就係一個不幸嘅例子啦
當然都有好多成功例子的。
我住係日本，係日本私家醫院黎
日本崇尚自然生產
所以當時我係一個健康孕婦
係冇得揀開刀
生完之後我一直好後悔冇返香港開刀生
但慢慢睇多咗相關知識，理解多咗
先知道其實開刀都唔係冇風險
反而係有更加高嘅風險
又咁講冇嘢係零風險嘅。自己應該去評估兩個選項嘅風險
即係如果你叫我喺大綠開刀我－定唔制。要查吓個醫生有冇發生過醫療事故，有幾多成功例子等等
個陣政府要打兩針過14日先可以陪產
有冇打針都唔可以入病房探
我個陣陣痛只係可以喺病房門口同我老公坐喺張凳度見面
我個陣都由登記入院到生完都係得自己一個，要出院先有得見老公，好彩我b冇乜特別，住三日就出得院
我覺得冇老公陪或者探，其實對孕婦嚟講都唔係咁好
1個讚
你好勇敢
我以前有個外國讀書嘅同學佢本身係豪門，佢又健康又後生
嫁咗去日本生第三胎，過幾日感染過咗身
喺Facebook見到屋企人宣布呢個消息好驚訝，嗰陣都諗唔明點解已經喺日本咁先進都會咁
其實呢件事都好影響到我，亦都係因為咁我揀醫院醫生麻醉師嗰啲全部都好小心，好大陰影
而家你share返，我先知道日本嗰邊孕婦分娩都好多限制，辛苦你
係呀，要自己一個生真係好大勇氣
我都唔敢想像，如果我自己一個會唔會有咁大嘅勇氣去做呢件事
當li件事冇得改期，一定要進行，到時都係局住頂硬上
我都冇諗過喺屋企見紅搭車入院生仔都係得自己一個
1個讚
唔怪得我都好奇你push 左兩個鐘都仲要你繼續順
我個陣就係瑪嘉烈生
同你一樣，都push 左一陣，跟住姑娘見我都開始血壓有異樣，都係產程過長
所以姑娘即刻決定要用吸盆
但最後都失左一包檸檬茶血
輸左兩包鹽水
係呀 剪同聯都有落少少
不過其實當下做乜都無哂感覺了
咁好嘅
我生個陣助產侍唔知有冇落呢，但我估冇，因為縫針痛到癲咗
可能因為係醫生關係？
因為我一路血壓都冇問題先有得繼續push，係BB心跳比正常快少少，佢哋一路都係擔心BB多啲，都有同我講只可以限我push到幾點，我最尾係個限期前一分鐘push+吸出黎，我生完仲有精神可以親手幫BB剪臍帶，同老公facetime，係之後先突然血崩
佢哋未至於咁痴線見到我有問題都要我push嘅，反而係當時傻更更嘅自己不斷表達唔想食全餐，想試到最後一刻
都係迫住勇敢
其實任何先進國家都總有不幸嘅例子，所以我覺得每一個媽媽能夠平安咁生產，母子平安都係一個miracle黎
而家我有咗二胎呀，好似你講咁，親身或者身邊有唔好嘅經驗真係好大陰影，有咗開頭日日瞓唔到，擔心又會大出血，甚至冇咗條命照顧唔到大B。諗諗諗好多今次應該點去準備啦，去邊度生，搵咩醫生。
點知，今次原來打孖上
而家唔使諗啦，大出血經歷加孖胎令我自動升grade做high risk孕婦，bbs自己幫我決定咗去邊生
。亦都感恩上次順產到，令今胎陀孖嘅生產風險降低左少少咁多
5個讚
Congrats
加油呀
你係咪都會返香港生？可以照搵個私家醫生跟進
All the best
其實我都陀緊第二胎，但今次風險大啲，因為唔喺香港生
都係因為陰影，所以搵咗私家
希望嚟緊順利
希望大家一齊有Good News
2個讚