究竟打無痛順產生痛啲定開刀痛啲？會去英國私家生，點揀好？想受小啲苦，感謝大家。
順產無論點無痛都會有感覺，唔係點生到，只係會「冇咁痛」，好怕痛都係唔好抱太大期望，同埋順產都唔係想順就順到，有好多人第一胎都痛1x個鐘最後都要開刀食全餐，所以你好想好想試嘅話記得要做下產婦瑜伽同埋睇下啲呼吸練習點做，順產最大吸引力係對產婦同bb都有好處，傷口一般冇開刀咁大，我自己就大約7日已經冇咁痛，不過岩岩生完去廁所都好麻煩要洗下傷口，終於個道易感染啲
一早決定開刀就可以唔駛陣痛，日子時間大都自己揀到，有心理準備，傷口復原較長時間
英國醫生就分享唔到喇
祝你順順利利生個健康精靈寶寶
醫生講過開刀對BB安全d。
咁其實睇黎都係開刀啱我啲，見好多人都話陣痛十幾個鐘。同我係英國開刀預啲時間可以好啲。但啲老一輩多數都支持順產。
點揀都係順產好 復原得快好多
我喺香港私院生，用左無痛，由痛到想死變到上天堂咁，仲可以覆到msg 
不過就變到唔太識用力生，最後助產士係咁推我個肚先順利生到
1個讚
但我諗你係好彩個啲？我見有啲順產好難生，好大傷口，宜家打字諗起都驚驚地。
係開咗幾多度先可以無痛？
唔明點解樓主覺得開刀會痛？開完刀之後醫生會開超強力必理痛，只要準時食就－啲痛楚都冇。
4個讚
咁落床嗰下係堅痛的，就算用左瑪啡都唔太止到
不過開刀的痛，會耐少少，但無陣痛咁煎熬
我第一胎全餐，第二胎直接開刀
可能我天生異品，第一次落床只有腳軟，一啲痛都冇。傷口從冇痛過
因為我都係上網睇啲人話落床，排肚入面既氣同頭幾日行會痛。如果有超強止痛就好。
你係腹膜內剖腹定腹膜外？腹膜內好似係傳統切埋腹膜。
我未用過無痛，又未開過刀，無得比較
我順產生左三個，可以話你知，順產都係之前痛，過左海就神仙
生完舒服晒。雖然生完傷口郁果時會有少少痛，但遠遠未到要食止痛藥個level.
當然，以上各種方法都係要基於「生產順利」，無突發情況，先有得比較。
我有朋友要食全餐，有朋友要用產鉗幫手搞到傷口大，有朋友開完刀傷口痕足8年慘過風濕。呢啲屬於例外。
4個讚
醫生冇講喎。應該係腹膜外剖腹產啩。手術後沒有腸脹氣的問題，也無需禁食，出手術室後可立即開餐(醫院啲嘢食超級好食，樂而忘返，好過叫food panda)
兩胎開刀生
第一胎因為bb頭太大，扯佢出嚟嘅時候扯爆咗啲肌腱，所以生完之後郁動都幾痛，食止痛藥同塞藥咗至少兩個星期先冇咁痛可以停藥
第二胎就順利好多，第二日落床都唔算好痛，唔洗塞藥，淨係食咗幾日止痛藥
順產其實係最自然嘅生產方法，對身體嘅破壞會冇咁大，回復都會回復得比開刀快
開刀我聽過過左一年都仲有啲啲痛，唔知係心理作用定點，但傷口一定係回復左，如果開刀我覺得你搵醫生要搵啲經驗老到啲嘅，因為手勢（開刀同縫口等等）都對你身體回復非常重要
不過兩者對餵人奶黎講兩者都ok的，我覺得睇返媽媽自己嘅接受程度，唔好聽其他人講，老公都應該尊重你
2個讚
冇記錯好似3度，不過如果真係決定用無痛，生之前提早同醫生講定。好似我當日太痛先臨時決定用，等麻醉師都等到開開左6-7度，醫生都問我係咪真係仲要無痛，其實都就生得
其實睇你自己在意啲咩啦
例如我比較在意唔想用太多麻醉藥
同如非必要都唔想開刀
就㨂順產
但當然要有心理準備係都會痛
同仍然有全餐風險
我一心想順產
就會注意唔好比BB太大隻、做助順產嘅運動咁
我都係咁啊
本身超驚，最初一諗就驚到喊，最後都決定試吓自己生唔生到先，因為真係就算自己準備得好充足都未必可以順產，過大過細醫生都有機會建議開刀，bb嘅生長、胎位都係重要因素，bb自己都可能揀（催生都開唔到度數，出唔到最後都係要開刀）
不過我覺得如果自己心目中有意向早啲決定係好好，一有bb已經好緊張，樓主仲係外地生
點生都好，最緊要佢健健康康就好喇
我第一胎係順產加無痛加催生
你同個醫生同麻醉師講，想完全feel唔到痛
佢哋喺你穿水入院冇耐就會打
我係完全冇痛過，同埋復原得勁快
不過當然支針係有時限，同係逐枝計錢