我朋友開刀生完痛到癲，藥效過咗又未夠鐘再食，佢話超痛。
我當年（香港）私家順產，可能我行得比較多，生產好順利，冇用無痛，入產房前嘅陣痛可以接受，用呼吸法已ok，直到5度左右先開始用笑氣，直到生。
詳細少少講，下午6點開始陣痛，我仲可以做埋d野，8點幾收工，食個晚餐，返屋企沖埋涼，12點幾先入院，朝早6點幾開到3度，入產房，8點幾生完。順產，冇剪有爆，有聯針，當晚8點幾落床，唔痛。
1個讚
我同你一樣，開刀唔覺痛 
手術後乖乖地瞓左一日床，第二朝已經自己落床，傷口冇痛
到第三四日行路先慢慢有痛嘅感覺，但都可以接受
出院後頭兩三個星期除非急步行，如果唔係都唔多feel到痛
所以我覺得可以揀的話都係開刀好
1個讚
睇完大家回覆，我諗我都偏向開刀，因為我本身細粒加小做運動，都驚順產唔到要食全餐，唔該晒大家既意見 
1個讚
開刀啦 
我無痛順全餐咗，但真係全程零痛 
真
我都細粒，除咗平時返工放工行路之外，都冇做運動
但我順產，我由見紅到生都冇用過任何止痛藥物，只係用咗電極去止痛，同埋呼吸練習真係好重要同好有用
成個過程我覺得最痛係生完之後縫針
1個讚
發現痛感真係人人唔同
好多人話聯針好痛
我反而聯針真係唔痛
1個讚
聯針唔痛，只係最後果拉緊果下有d感覺，但唔算係痛。
分享下自己英國順產嘅經歷 
英國打無痛係孕婦自己控制劑量，麻醉師幫你插完導管同打完第一劑藥就會走。佢走之前會俾個制你揸住，自己有需要就㩒制加藥，最密15分鐘可以㩒一次，防止過量。我一開始大約45分鐘㩒一次完全唔痛，去到後期就每15分鐘㩒制有少少痛，過程係感受到宮縮嘅。最後大約用咗10分鐘就push左佢出黎。
4個讚
Congrats
係NHS 定係私家醫院？
想知道係咪都係差唔多流程
Thanks 
我係NHS，間醫院另外有private wing。我估生嘅流程應該一樣，private 生完可能有人幫手湊
1個讚
認同，痛li樣嘢好主觀
其實我陣痛個陣都痛㗎，不過我唔用得藥物
但呼吸練習都幫到我紓緩下
每個人承受痛的感覺都不同，我係催生順產都要9個鐘。不過生完，約5-6個鐘就可以下床。係生完後，坐下水泡咁。提外話，生之前都有成日行。
我係無痛生，等生個時無痛過只係
感覺好似急大便咁。
我係天光六點左右急尿去廁所，跟住
抹下面都唔乾發現係穿左水，跟住話
比屋企人知，跟住入院姑娘就氹我用
無痛佢話你而家剛開始早做先有效，
又話個麻醉科醫生係頂級好安全，咁就
聽佢話做。
1個讚
完全同你一樣，我係生完聯針先聞笑氣，痛到上天堂生反而算快，仲要膀胱頂住個胎盤出唔到嚟，放尿放咗勁耐
休息完落床都還可以，仲即刻去沖涼洗頭，不過行動 ok 但係就真係半個月坐唔到，最辛苦搭的士差啲落唔到車
個姑娘啱呀
我嗰陣都係咁，真係完全冇痛過
生得超快
同埋麻醉師都真係好重要
我個醫生係一定要夾嗰個麻醉師，次次都係用佢
1個讚
我兩種都試過，因之前在香港公立醫院，層試無痛分娩，但最終因其他原因做吾到要開刀。我覺得可以的話，會選無痛分娩。開刀係前期吾同，後期止痛藥過傷口痛。而無痛分娩，前期少少辛苦，但有見證生仔過程，但減左痛嘅感覺，你可以想像，但後期復原應該快過開刀。
我覺得開刀痛唔痛係好睇個麻醉師嘅功力、醫生嘅手勢、之後開幾多止痛藥同埋自己有冇準時食藥。我自問好怕痛，但我開刀至復原成個過程都冇痛。
仲有我自己嘅考慮係之前有個親戚嘗試自然生嘅時候失血過多兼暈咗，之後都係要開刀同分迷咗八個鐘。所以覺得唔好搞咁多嘢啦，開刀算。
我連縫針都冇聞笑氣，我由見紅穿水、陣痛、到生、到縫針都冇用任何藥物，所以我覺得縫針痛到癲，縫好多針，覺得個過程好漫長
個下我覺得自己好似古代人，只係執媽變咗助產侍
我生完落產後房，其實縫針傷口已紅冇痛，行路、瞓覺轉身、去廁所都冇痛
反而係放緊第二個月產假時，縫針傷口發痰，醫生話生咗好多肉芽，要塞藥驚d
不過而家已經完全冇事喇
1個讚