好明白呀…我當時都係咁
冇得陪都算啦，連探都冇得探
其實對爸爸都好唔公平
恭喜你呀！！
希望大家都順順利利！
我會係返日本生呀，始終有大b要照顧，冇可能放低佢自己返香港啦。同埋孖B好多時都早產，自己一個面對呢啲又係艱難，係呢邊有老公同大B情緒support會好好多！而且今次開咗關，屋企人全部可以黎幫手
今次被轉介到最高規格大醫院，完全冇得自己揀
話係全日本最多多胞胎出世嘅醫院，應該冇問題啦掛
我會加油
人在外地係艱難啲，你都要加油呀！！母子平安
5個讚
多謝你呀，原來你嗰陣咁辛苦都係要自己一個面對，老公冇得陪，你真係超超超勇敢
當時我第一胎，我揀嗰間醫院如果揀私家房，老公就可以陪產同埋BB就可以同我哋一齊stay喺我哋間房幾日
所以當時感覺好好，同埋真係覺得老公之後係多啲attachment，好多嘢都好主動幫手
而家開晒關，希望到時你老公都可以陪產見證住孖 B出世，到時屋企人過到嚟一定好熱鬧
2個讚
請問有冇人知喺英國公立有冇得揀開刀？我介紹吓先，我自己之前喺香港都係私家醫院同一位醫生接生，試過出血都嚴重，但最終都能順產。 由於考慮到家庭因素，我想考慮今胎開刀，各位有冇經驗請問NHS可選擇開刀嗎？ 大家又覺得開刀還是順產會點揀呢？ 謝謝，順祝各位媽媽懷孕生產順利
路過…其實係咪剩係香港先可以隨意揀順產同開刀？？
1個讚
好似台灣都得
但其他地方就唔知了
如果之前出血嚴重到有postpartum haemorrhage，NHS應該會計做high-risk pregnancy，可以揀開刀，見midwife既時候帶埋以前嘅醫生報告討論下。希望幫到你 
請問你成個孕期見過幾次midwife/醫生？ 你有冇另外睇私家？如果唔介紹請PM回覆。不想騎劫呢個主題，謝謝
NHS Website有介紹每次midwife appointment做咩，第一胎會見多2-3次。我好彩Bb好健康冇見過醫生，但因為我以前背脊做過手術所以要見麻醉師同照MRI，評估打無痛既位置（全NHS)
因為同打無痛有啲關係，所以分享多少少。可以另外PM呀 