真係，其實家長係名校生細路自然大機會入返，條隊唔同。家長應該培養下自己先。
其實好多名校舊生家長做緊的就係栽培小朋友入返名校, 或更top的學校.
人望高處好正常. 人地家庭努力過得好, 其他人又為乜多意見.
1個讚
只想要支持既意見可以去誇誇群。
唔係話你，但部分家長唔理小朋友資質，興趣，意見，只為自己望子成龍，但唔反省自己，我係話個啲家長。
2個讚
其實…你咁同係「想生bb」post踩場有咩分別呢
樓主有心分享，鐘意聽咪聽下，唔鐘意咪pass囉
又，其實問個位媽媽，係老公不停俾youtube而想改變，咁又同「望子成龍」有咩關係？你又知人地平庸？我記得個位媽媽仔仔都好似讀國際學校，而且家境一啲都唔平庸喎。
我自己就覺得，閱讀從來不懷目的嘅，對於我來說，能夠建立小朋友適量嘅閱讀習慣，就等於建立良好嘅飲食及運動習慣一樣。父母的角色從來都是引導而不是放任。你同意與否，唔關我事，但希望你唔好唔清唔楚就亂踩人地個場。
4個讚
半夜瞓唔著，我係anonymous137，入唔返個login。
唔好意思騎劫咗個post，喺度放負搞到大家傷和氣
大家分享有關培養閱讀興趣嘅方法，閱讀嘅意義，我覺得好有益，唔認同嘅人當然都可以發表自己嘅意見，正如我睇完呢度嘅分享，都發現有啲小朋友真係冇書緣，可能我個仔都係⋯
佢細個嘅時候我都同樓主一樣做咗咁上下嘅嘢，我仔從來都唔鍾意閱讀，但佢都有一兩套鍾意聽嘅故仔書，會拉住我叫我講。但係自從爸爸准佢打機之後，佢個心就飛咗去YouTube同打機度，連同爸爸媽媽傾偈都唔想。
所以見到呢個post就有感而發……
我仔就係有小聰明嗰類，佢學習冇問題，但可能我份人比較old school，我始終覺得興趣唔應該偏埋一邊，尤其唔應該係YouTube同打機囉。
我同老公宜家有個共識，每日要求個仔閱讀半小時，當係戒下打機都好。
至於閱讀嘅壞處，係我老公身上好明顯睇到，佢唔鍾意做運動，出街只會去書店或者戲院，冇其他興趣，身形就唔使講啦
我由細到大帶個仔周圍去，所以佢都唔抗拒運動，只係打機太吸引，我唔知係咪呢樣嘢令佢無法專心睇書，但我諗大家都俾咗答案我。
趁而家個仔仲聽我哋話，希望可以幫佢減少screentime平衡返個生活！
多謝你哋睇晒呢個留言，希望大家喺育兒路上可以互相支持，有好嘢就分享！
1個讚
小朋友而家幾大？我仔今年9歲，喺香港時都唔太鍾意睇書，我伴讀就好啲，通常會同佢一齊行書店，總之只要佢想買嘅書我都會買比佢，佢都鐘意打機同睇YouTube, 記性幾好又好緊張自己成積，平時上堂好留心，所以考試前睇一陣都可以考到級5內（大家唔好打我，佢有抽動症唔太受谷同埋壓力，所以我先放手順其自然），而家喺英國一星期有兩份功課，佢會安排好星期一至三拿拿臨做哂佢，佢學校好鼓勵小朋友多多閱讀/家長伴讀，甚至有本Reading record係要家長每日填（仔會每日喺學校借圖書），佢每日做完功課（半個鐘度），我會同佢睇書，佢一開始係為咗fulfil學校要求先hea睇啲書，到而家佢會主動同我講返本書講乜，我都覺得幾大進步（起碼開始佢build up到閱讀嘅興趣），雖然睇完會即刻飄去打機，但我覺得返完學好累都應該要比佢relax吓
1個讚
我覺得學校都幾緊要。雖然我屋企都由細伴讀，幼稚園亦重視閱讀，要寫reading log, 但都只算係埋下睇書既種子。到小學，學校keep 住重視閱讀，繼續寫reading log, 加上中英各有reading 堂，我先終於見到小朋友會自動拎書睇，專心睇。
雖然佢既睇書種子發得比較慢，但我慶幸佢一發都發得幾全面。例如睇書睇得好快（以為佢揭得快只係睇圖，原來已經睇埋字，成個故仔可以講返出黎），出街會揀書帶出去，為左買一本想睇既書會努力等等。
better late than never. 每人既睇書種子幾時發芽都唔知，可能一世唔發，咁至少努力既過程中都會有得著。
2個讚
就係有圖，成本書黑白都唔得。
呢家睇緊彩圖文字版，不過鍾意睇又要彩色嘅chapter book真係唔多。
好彩小朋友最近開始都接受到睇老鼠記者（仲要係女版），之前介紹佢睇當透明話唔鍾意隻老鼠。
trust the process
種子發得幾快同幾高係不可控制，on the right track 已經好ok
佢都係9歲
同意學校好緊要，佢宜家讀ESF，無功課，學校圖書館有好多新書同埋正嘢（例如我一定唔會買的遊戲攻略），佢會reserve借返屋企睇。之前嗰間學校嘅同學會開whatsapp group約埋打機，宜家轉左校雖然仍然有打，但已無再入whatsapp group，叫做少咗引誘，但新校嘅同學一樣打機，只係有screen limit
佢老師話佢理解力幾好，係咪屋企睇好多書？我估理解力係來自睇netflix劇集同電影，書嘅話佢每日睇10分鐘都無，weekend我哋仲准佢全日打機，咁當然係0…
我都同意放學應該relax一下，但relax完就應該分配時間做下其他嘢，人生唔應該只得打機和youtube
宜家先來限時其實好難執行，但都努力一下啦
我見有啲人係可以manage到打機同睇書都有興趣，但我諗我仔唔得，咁要落limit都好合理
我仔好鐘意講返故事比人聽的，佢係會偷偷喺網上睇咗套netflix劇嘅結局先，一家人一齊睇嘅時候，佢會不斷劇透。我有時真係想叫佢收聲 
噢！唔得咁架wo!!
我明有幾想打佢，因為我老公好叻估劇情，佢成日係關鍵位爆響口又中，我就好想中佢！
要苦口婆心同呀仔講，佢咁樣，大個追唔到女仔架
呢家我轉左方向，想佢地中英兼備，唔好偏科，即2粒種子一齊種。希望都種得出啦。
1個讚
你講嘅同我小朋友有少少似，多數發生係圖書館睇書，是旦拎本書睇得好快咁就一頁，真係懷疑過係咪真係有睇。
如果鐘意睇，會睇得慢少少，然後會借返屋企慢慢刨。
我講下鍾意睇書心得：
世界大咗
世界有趣咗
想像力豐富咗
文字表達好咗
寫文章時，結構嚴謹咗
2個讚
我地都成日去圖書館。我observe 到小朋友識分咩書係貪得意拎來睇，邊d係心心眼要拎返去刨。佢地當場睇書感覺係好求其，好似feel下本書值唔值得拎返屋企咁掃2眼，但又真係有睇字。
我諗我地仲停留係繪本階段，所以可以睇得快。
樓主點睇audio book 呢？我做唔到伴讀、英文唔夠好費時讀錯
傻la, 都係討論下. 大家跟返主題就ok.
我都覺得傳統睇書係最訓練到一個人的冷靜和耐性. 而且要學得深入始終要靠讀書, Youtube同電視節目只可以導入同輔助.
我小朋友喜歡閱讀, 唔打擾佢隨時睇兩三小時, 最高紀錄一日六小時(病左冇出街). 但佢一樣鍾意去遊樂場, 踩單車, 打波, 游水, 溜冰, 彈琴等. 視乎家長有冇俾佢自小接觸嘗試, 又能否持之以恆keep住學咁多年, 約play date玩.
國際學校同外國學校非常鼓勵閱讀, 但唔會要求你寫book report, 記錄睇左邊本書就ok, 純培養閱讀習慣同興趣.
有過渡期ga. 你可以買d黑白書同佢睇開的書放埋一齊, 佢或者會間中拎黎望下. 假以時日嗰d書放喺屋企眼熟左, 佢可能會真正開始睇.
我小朋友有d比佢當時程度高的書, 擺左兩三年先開始睇. 一睇就好喜歡.
樓下提醒左用audio. 我以前有俾佢聽一些程度較高的小說. 一邊聽一邊睇.