分享我培養仔仔閱讀興趣的方法

自由講場
1

仔仔喜歡看書, 但我覺得這不是他與生俱來的興趣. 我是在他四個月大時開始下功夫, 到現在八歲多還沒有停止.

仔仔四個月大, 每餐喝完奶後我會放他在一個軟布椅上, 對他讀一個短故事, 大約一兩分鐘. 這樣每天一直做就訓練了他坐定定和耐性, 也引進了書本到他的世界.

仔仔一兩歲時, 變成每餐飯後繼續坐在highchair上看一兩三本書. 書的內容和程度隨著年齡有所改變.
另外, 我每晚會把幾本書放在床頭他伸手拿到的位置, 待他第二天醒來就先自行看一些書, 養成早上閱讀的習慣.

家中的書本和玩具從來放在同一處. 讓他覺得書本和玩具屬同一性質, 一樣有趣, 閒時就拿來看.

仔仔自一歲多起到餐廳吃飯, 我都會帶一兩本書給他. 我會小聲讀給他聽, 而且會表達得比在家伴讀時更輕鬆有趣, 令他覺得閱讀比平時更吸引. 建立起這個習慣後, 他到現在在餐廳或坐車都多數會閱讀.

仔仔五歲起, 我們經常到書店. 小朋友自然會想選擇搞笑漫畫來看. 我跟他約定每次到書店除了看漫畫, 也找數本小說或知識類的閱讀一兩個chapters, 看看有沒有興趣. 我也會推薦他看比他現在程度高一點的小說. 這樣威逼利誘下擴闊他所接觸的書籍, 他通常都會有一些新發現, 打開了一道新系列, 或更高層次的大門.

17個讚
2

自覺這些方法的成果比我預期更好. 仔仔三歲懂拼讀, 所以可以自行閱讀. 五歲開始看chapter books.
八歲時, Roald Dahl和David Walliams這兩位有名作家的兒童故事書, 他大部份看過好幾遍.
Harry Potter他也看完整套. 第1-3集還看過兩三次.
一些經典例如Alice’s Adventures in Wonderland, Peter Pan, The Wizard of Oz, The Chronicles of Narnia等都看過.
他也有在看A Series of Unfortunate Events和Warriors這類系列和一些獨立小說, 例如Charlotte’s Web, When You Trap a Tiger, The Tale of Despereaux.

3個讚
4

非常同意，伴讀絕對係培養閱讀習慣的關鍵。我都係由阿仔好細個開始伴讀。

而家佢5歲，每晚都會同我一齊睇2、3本書，小朋友唔討厭書就已經係成功嘅一步。

2個讚
5

自少陪小朋友閱讀真係一個美好嘅親子時光，小朋友開始大，現在輪到佢讀俾我聽:smiling_face_with_three_hearts:

3個讚
6

天份+培養，一定係最好嘅

我有兩個仔
大嘅一歲半自通phonics，兩歲前開始認字 (包括聽歌睇歌詞學字)
我有做早教，蒙特梭利approach
升K1識升小一嘅野，高小考試前係睇金庸，唔係溫書！升中一已經識AL數學過半嘅課程，中三考哂IAL 4科

但細嗰個好明顯對數字/圖案興趣不大
佢閱讀能力應該above average，但無事做唔會攞起本書
書緣真係無阿哥咁強

我嘅結論係：相同環境出唔同嘅結果，最大原因係: "先天"因素

7個讚
7

我覺得自己小朋友屬於正常, 唔係天才. 所以好似佢咁的一般人透過後天栽培好大機會可以達到中上的成果.

8

我都覺得要睇書緣。又係2個小朋友同一環境同一伴讀模式，細個個對中文既興趣明顯比大個個大好多，比佢地同一篇文，識字同理解都細比大既好。

所以我已放開了，只要佢地中英文都balance，無偏科，2種語言都喜歡又學好就夠。呢家我不斷落藥點解要佢地掌握2文3語，希望佢地都可以成功駕馭到中英語言。

3個讚
9

我好認同，有時覺得其實都係整定，徒勞無功，但又覺得做父母就係俾心機比多啲後天因素佢發揮最大潛能
好似身高係基因決定比較多咁，但都好想十管齊下幫佢盡谷

講返睇書，覺得父母都要enjoy 呢個活動都好緊要，小朋友feel 到呢個活動係開心會自願同冇咁抗拒。同埋對未培養讀書習慣嘅小朋友要求唔好太高，之前喺中心有個小二三小朋友嚟親都睇電子奶嘴，有一次拎起本書摸下撳下，睇咗幾頁，好分心又冇咩興趣，但個個職員同其他家長都讚佢主動接觸書好乖好好，從此以後佢就嚟親都開始睇書，由一開始分心踢晒腳去到見到佢眼神好集中。
同埋有個小眾意見，我覺得讀書報告對於培養閱讀興趣冇乜益，搞到睇書冇咩樂趣，同埋覺得judgement 同comparison 真係所有talent/興趣嘅頭號敵人。

最後多謝樓主出post 分享，推動小朋友睇書之餘大人都睇書

9個讚
10

好開心見到大家分享，學到好多嘢，我仔仔兩歲，都會主動拎書比我，要我講比佢聽，有時自己都好功利咁希望借閱讀時間讓佢識多啲字，會刻意問相關問題，但睇咗台灣某個兒科醫生嘅分享，似乎會影響小朋友對閱讀嘅興趣。依家都會提醒自己好好享受伴讀親子時光就算！

11

我係enjoy 為主，認字次之。例如一本好熟既書讀讀停低指住請佢讀，讀到就大讚，就大家都開心

1個讚
12

我勁鍾意睇書，以前中學睇書睇到唔做功課 唔溫習搞到考試唔合格:joy::joy::joy:
呢家大個咗都成日睇，試過到由夜晚十一點睇到淩晨四點先瞓，亦有係小朋友面前睇 希望佢鍾意睇書

⋯⋯⋯⋯但小朋友對睇書完全無興趣:smiling_face_with_tear::smiling_face_with_tear:

13

之前喺twitter 睇過有個家長問點樣幫沉迷打機嘅仔戒打機
啲人留言話要整個scheme 出嚟，每日都有唔同目標要達成，仲要同其他人比較，而且定期檢討。諗起都好唔fun :joy::joy::joy:

14

冇錯. 我從來冇教佢認字, 但會指/掃過d字自然語速咁讀. 漸漸佢自然學識拼讀同認字.

15

Same​:raised_hands:t2::raised_hands:t2:
會考時人地溫書，我煲書煲個不亦樂乎
大女唔鍾意睇書，叫佢讀本書仲慘過擔泥，仲成日阻住我睇書
依家期望細女會鍾意睇啦

16

inmersion一向都最又用，加埋家長耐性，讚

17

同意啊，如果為咗小朋友格硬做太辛苦。我中學個陣都鐘意睇書既，但大個就無左呢個興趣。

不過都多謝樓主分享。

18

贊成都是看書緣。不過就盡做了伴讀，啟發的時候。那時都好驚訝有啲小朋友好有天份k3就看得明Harry Potter. 小朋友沒有如此書緣，只能龜速地循序漸進。小一才逐漸脫離文盲:joy::joy:當脫離文盲後，就漸漸會enjoy 某啲書。題外話，多得嗰本Dragon Master,我小朋友才開始叫做主動睇吓書。仲有少年衛斯理，閱讀123，亦開始了中文書主動閱讀。

19

可能我本身好喜歡書, 中學時從早到晚書不離手, 所以好自然咁樣培育小朋友, 唔辛苦仲好有動力.
反而要我玩玩具玩遊戲我玩唔到太耐, 會覺得悶, 不如我地睇返書:laughing:

20

很好,從小培養睇書樂趣係好重要,升學路途上唔會令小朋友討厭書本,基本上都解決了好多學習上問題.

21

我想問你哋係咪唔俾小朋友睇youtube打機的？
我都有用同樣方法，但老公四歲開始比佢睇youtube打機，之後我做咩都無用，仲要比仔黑面。
我老公自己係書蟲，但佢准個仔睇youtube打機。我應該點做？