呢個group好多好書推介，好多有用資料，如果大家有目的搵某啲嘢嘅話（譬如咩年齡睇咩書，邊啲歷史書好睇），可以善用佢哋嘅search function
係，呢度學校都有老師同佢伴讀，會問下佢問題睇下佢明唔明本書講乜，走前我喺旋轉買咗套treehouse比仔睇，佢都幾鐘意睇，夠搞笑
佢肯聽完全ok.
我都有俾小朋友聽audio. 當時係俾佢聽一些對佢來說程度較高的小說. 一邊聽一邊睇.
除左audio book, 你可以搵下YouTube 有啲read aloud, 有啲係美國英國miss讀。我仔細個時好迷paw patrol, 我搵到個YouTube有讀paw patrol 然後留言問下可否讀多啲
個時我會convert 做mp3咁就少啲screen time
呢個谷我都有加入。
我仲有會去網上書店睇下近期有咩書出。
1個讚
呢個我都有做過，我小朋友初初接觸嘅橋樑書都係上網搵
youtube 片，小朋友一邊睇住自己手上本書一邊聽住外國人讀。
我小朋友就咁樣慢慢開始咗佢嘅睇書習慣。
不過小朋友大大吓，唔會聽住嚟睇（可能人地講得太悶太快太慢唔係自己個SPEED啩），可以自己一邊細細聲跟住啲字嚟讀一邊睇。
1個讚
Spotify 好多好多呢啲，我而家係spotify 駁hifi 播，有時播兒歌有時播故事，基本上個hifi 佢喺屋企就長開
如果想聽原版，scholastic 都有個咁嘅scheme，可惜我小朋友未夠歲數所以我冇再研究
正~ 除咗故事，我間唔時會將以前好聽嘅舊歌播俾我小朋友聽，我小朋友勁鍾意 The Carpenters - Top Of The World，無啦啦會聽到佢哼幾句歌詞。
其實以前無咁多資訊，都係聽歌學英文。
1個讚
成功過渡到小說後就唔會再聽audio, 嫌佢慢.
1個讚
關於audio stories 再加多個reply
芥子園嘅中英文雜誌都有audio 版本，中文小小紅蘋果有本書就可以access audio files，英文story box就要加錢訂。
可以試吓去圖書館借小小紅蘋果睇吓聽下覺得點，我家小朋友都係被小小青蘋果（同一出版社的bb 版中文雜誌）啓蒙嚟聽audio stories
諗起之前出過個早教post 都有講呢幾本雜誌，post入面都有啲其他書set 系列嘅資料，同埋上網邊度有小朋友audio stories，雖然有啲其他資料都係screen materials 嚟，不過可以參考下
小學版本，由偉大網友編輯：
我覺得睇書的話真係由興趣入手
鍾意聽歌就學歌詞
鍾意睇電視就睇返相關卡通嘅printed 版本（有時行書店見小朋友扭買卡通電影改編圖書，有啲家長會話「你咪睇過套戲囉揀第二啲啦」（唔係judge， 只係唔明白）
鍾意打機就睇呢個主題嘅攻略（我見minecraft 出好多書）
鍾意non fiction 主題好似踢波fashion 星相命理全部都有好多相關書籍
反而好睇家長覺得嗰啲係咪「好」嘅主題，例如我諗我都會抗拒比小朋友睇言情小說
真係好多方去讓小朋友學中英文。
講真，打機係學嘢之中最快，我小朋友玩pokemon Go，中文字學得多過係學校學嘅量。（當然要理解中文句字就要去番睇書，但只少一望個字知點講大概意思）
另外一個唔知咩鬼單機英文game就成日講啲我完全唔明嘅英文，仲要邊玩邊同我老公講英文。（只有我老公先明）
嗯，有少少偏離咗閱讀。 
不過正如你所講，鍾意個樣嘢，見到相關書籍，小朋友會好想買嚟睇，仲要估佢唔到前所未見嘅強勁記憶力。（如果可以運用番係學業會更完美)
係呀，鍾意一樣野就會想了解多啲，所以係一個好好的閱讀契機… 其實Google 都可以，但又要自己過濾，（所以有而家好hit 個ai？
），我記得自己初中時對兩性好奇，喺google 搵個kiss 字，嚇到即刻熄咗個ie 講返正題，所以書有人編輯校隊過係好好，對家長嚟講唔洗點過濾內容
screen time 真係有好有唔好，好在學某啲嘢係好有效率例如學生字，浸到聽講能力，唔好在例如打機係容易上癮，心癮真心好難戒。識得有個k3 小朋友興趣就係全天候打機，爸媽已經阻止唔到佢。
而家真係避唔到、學校都會有好多網上教學、希望拖慢佢近視速度咋
該主題在最後一個回覆創建後180天后自動關閉。不再允許新的回覆。