咁大個讀書學深入d同細時閱讀都冇衝突ga? 難道細時就唔好享受唔好學習?
點解有d人講到細時閱讀冇用, 大個未必睇, 學習可以用其他方法, 將來大個都會學, 要平衡發展唔好只睇書?
其實覺得閱讀作用不大咪繼續用你自己方法. 這個post主要討論伴讀及培養閱讀興趣.
4個讚
唔係呀，我晚晚去接佢放工。佢屋企向來食飯都各自修行，唔交流的，所以佢覺得無問題。佢話個仔悶，所以比手機佢。
我要返工的，仲要做家務，又要陪玩。佢唔陪就我陪個仔玩
我諗佢大個都會記得呢段回憶，靜靜地一齊喺車度睇書
1個讚
我都十分懷念同仔仔伴讀的時光. 將佢d書轉贈俾人時, 拿起每本都係滿滿的幸福回憶
2個讚
爸爸呢家迫我執書櫃，佢成日覺得繪本可以比人。我唔捨得呀，本本都係寶呀，死命攬住ing. 
1個讚
執走d書時個心真係酸ga. 一個階段的逝去
1個讚
唉，唔想面對。雖然湊小朋友好辛酸，又成日講講下故事自己斷電訓左，但每一頁揭過既痕跡都係珍貴的回憶。
2個讚
估唔到有人覺得睇書唔重要，人腦吸收知識同創新係靠讀同寫，我冇興趣拗，真係有好多研究證實人腦係咁樣運作。睇電視電腦嗰啲叫做吸收資訊，同知識係兩回事。我細路完全唔肯自己睇書，細個我仲可以同佢一齊睇，大個啲都係唔肯睇，難搞。細個肯自動睇書嘅寫作點都有返咁上下，大咗讀書做嘢一定有優勢。
4個讚
喜歡閱讀真係對讀書學習好大幫助, 可以幫助理解, 分析, 組織, 表達. 將眼看的文字轉化成概念/圖像並理解係一個腦部訓練.
我小朋友四歲起已熟練自行閱讀, 佢五六歲做學校功課同埋數學文字題已不太需要我讀題解題.
亦由於佢除左小說故事, 亦睇不少知識同歷史課題的書, 佢上年(八歲)interview幾間外國學校表現都好好. Head of school同佢討論war, freedom, safety, hunger, climate change等主題.
這些係可以喺YouTube同電視上學到. 不過我小朋友都有從書本上學習咁解.
我覺得小朋友主要有想學野嘅動機心就好好，書本，youtube, 電視節目都係途徑。
我覺得如果係創作力，睇繪本係好好，因為繪本有圖畫，可以由小朋友自己去創作都可以。同埋因為書係用書面語，對中文寫作好有幫助，呢個真係香港獨有文化，因為講同寫係好唔同。
如果邏輯類，就可以睇偵探，解謎嗰類書。
但有啲操作性知識，我係覺得睇片會好啲，例如學煮野，學做實驗。
同埋學外語，真係睇片差好遠，我小朋友啲外國文化、用字全部youtube 學。
不過點都好，閱讀係有佢獨有好處
這個程度的英語喺香港生活夠用. 如果喺外國要更上一層樓一定要靠閱讀.
更上一層樓係指咩？
因為我小朋友只係睇youtube,可以寫押韻英文poem或者作文，又睇得明英文科學書或者歷史書，又可以用英文搞gag，跟外國人學野或者chitchat都無問題
入名校, 或AL讀英文/多文學元素/多寫文的科目.
1個讚
繪本絕對唔建議掉或捐，好嘢嚟
點解？我賣走/捐走唔少
我個人覺得好靚，唔捨得我一定會後悔所以唔掉
咁其實同我所講一樣，關於文字嘅科目閱讀係有幫助，但世界咁大，大部份科目或者職業反而同呢類無關係
同埋當初閱讀只係想佢擴闊視野，點解最後目標又變左考名校
4個讚
冇人會知小朋友將來做什麼職業, 都係幫佢準備. 培育閱讀興趣習慣不等如不發展其他方面. 讀名校可以獲得更好資源, 亦可以建立network, 係擴闊視野其中一個方法.
Anyway, 講得太遠.
我剩係知d繪本去到英國有價有市
但呢個多左fb書店送英國，應該好d吧
1個讚