出世時，只係改咗中文名。我哋平時都係叫中文名，因為係我哋自己改，有意思啲有感情啲。
幼兒時期諗好英文名，不過冇用來叫佢。
上幼稚園時，開始話俾佢聽佢個英文名，補興趣班報學校有需要時會填寫，但係都未算開始正式用。
到咗K3幼稚園老師要求提供英文名上課。
呢個英文名會繼續用，到第日如果佢想改就改，我唔反對。
我自己都頂唔順阿媽選既英文名，已經太old school，升中一自己改過個嚟識新朋友
當年我媽都無介意
1個讚
係呀，我就係怕阿仔去外國讀書有咁嘅煩惱，所以打算加番英文名
如果我想保留拼音，寫做 “Chan David Tai Man” 可以嗎？
可以呀，我地身邊好多同學都咁擺，多過chan tai man david
亦越來越多只有chan david 咁樣
請問你覺得Chan David是否好過Chan David Tai Man?
我仔應該去外國發展唔返港了，如果同中國人接觸可能當佢ABC。咁係咪Chan David會更合適？謝謝～
坦白講呢樣野似個人原素多於實際用途wo, 但我見abc, cbc 係用chan david 多， 或chan david taiman (大6/台 style)
我識人中文名單字，英文名二字，例子：Jacky Sam Chan
明白，謝謝。
我仔其實好少用自己英文拼音的（讀國際學校），不過老公想留低拼音，我都唔知點好～
等我同老公傾下先
無呀，可能我地嗰代都係自己改英文名（我自己讀書時就每過一個階段就會轉英文名
），所以我地一早嘅打算中文名爸媽改，英文名佢自己改，同埋唔落身份證，等佢18歲覺得需要先加。
暫時小朋友自己選名，不過佢選嘅嚴格嚟講係食物名有朋友提過我咁樣唔似英文名，要改返個真英文名，不過我覺得由佢啦，只係英文堂先會用。
1個讚
未生之前已經諗定，生女叫咩英文名生仔就叫咩名，落埋去出世紙，因為都好有意思的，重要程度不輸中文名。
我自己就係咁
小學中學再加出嚟工作有三個名，小學個名太低能冇人叫，由細玩到大嘅朋友同工作後認識啲朋友會叫唔同名，佢哋話叫慣咗改唔到
所以自己想幫啲小朋友改名上一錘定音
唔好好似我咁
不過呢個post好多回應講到原因都好值得參考，我覺得樓主可以再同老公傾吓
3個讚
我好支持，因為真係比較unique, 提醒佢無論係邊佢都係香港人
1個讚
我都有朋友係chan paul david, 講緊佢真係天主教徒，中間係聖名
1個讚
韓文我唔知，但 Hindi 唔同，佢地用羅馬拼音係可以完全讀得返正確個音出嚟，廣東話大鑊在九個音調，好似我個名有個程字，外國人永遠只會讀 Ching，大佬我唔係“青”呀 
我女叫晨希，我老公好鍾意叫佢生氣
3個讚
以前大學時就鬧出笑話，外藉tutor 點名講極都無人認，因為3個字既名發音都發錯音調，讀成另一個人名。
自此以後，我地都跟tutor 個新名叫同學
係…多謝大家意見~~ 我會返去再同老公傾吓~ 睇佢咩諗法再決定點做
2個讚
係呀我好認同…如果我幫小朋友搵英文名一定會花心思改個有意思的, 唔想佢太細個未識改名時轉黎轉去
不過如果佢大個咗同朋友玩有其他nickname 就另計啦
我都識得有朋友唔鐘意屋企人改好的英文名, 但佢好似係落咗身份證定點所以大咗都無改
如果而家要改都驚將來會唔會變成old school 名 
我兩個仔嘅英文名係上到小學，學校要求時先改
我兩公婆揀咗2-3個名，仔自己揀
大仔上到中學覺得個名好怪，自己改用另一個名
細仔11歲時同意加埋英文名响身份證
朋友同老公香港出世，後來過咗澳洲生活，個女就向澳洲出世
初初阿女都有保留中文名拼音，亦都有改英文名，後來發現唔方便，外國人叫到亂晒籠，最後都係去改名，將拼音改做middle name，日常生活只用英文名為first name+family name