我係一早諗好英文名，中文名搵師傅改。中英文名都有落出世紙。
原本偏向唔改就咁用譯音嘅，但我小朋友個譯音本身都係英文詞有英文另一個意思，所以我都係改左個英文名比佢。
有改英文名落出生紙
都唔係，依家都有好多都係亂拼/錯音/亂用字…
第一種：拼到唔想讀佢個名/一望到個名就覺得係個阿爸阿媽懶醒懶特別，例如叫 Quillus、Kayven、Sumbe (個小朋友名最後一個字 Sum+bb 個 B，仲有 Yanbe、Yube)
第二種：擺明係阿爸阿媽讀書唔夠多又懶西化，但懵然不知一直都係讀錯，例如 Jose (外國人一望就知係 “Ho-say”，但佢哋以為係女仔名讀 “Joe-see”)、Juan 讀 Jo-Anne、Colette 讀 Collect-tee、Noel 讀 No-L 或者 No-uh。
第三種：又係啲尷尬日常生字當人名：Holiday、Alkali、Congee、Wind…
4個讚
英文名有落出世紙
出世紙反而無中文拼音, 我地覺得中就中,英就英,唔想fusion. 個人選擇.
我反而特登保留中文拼音，因為除左香港都世間少有
而且好似chan 同chen 咁，已可分出香港定大陸人
5個讚
如果你有心水咪改埋去囉，你老公咁講即係冇意見，趁小朋友細個名接觸得多先會有認同感，大個嘅話佢就真係會自己改嚟改去，貪得意用下呢個用下嗰個㗎喇
我直情有 BB 前已經乜都唸定，個女出世即刻搞埋出世紙，點知奶奶喺外國搵咗祭司改教名，咁我又覺得幾好聽喎，最後要改出世紙囉，加埋落去做 middle name
我小朋友個名冇用英文拼音，直接用姓氏+英文名
因為我覺得英文名同中文名一樣重要，將來讀書/做嘢都會用，都會有人叫，唔想佢自己是但改個唔知咩名
然後覺得華人嘅英文名用拼音係因為舊時方便啲外國人讀中文名，但係而家時代唔同，華人都會幫自己改英文名，咁嘅然有英文名，仲用拼音又覺得冇需要，所以就直接用姓氏+英文名
1個讚
唔明點解 creamy可以係名，一見個名淨係覺得油膩
2個讚
改完中文名無耐就改埋英文名，不過如果佢大個想轉英文名我係ok嘅。
True, 除咗香港外全世界應該冇廣東話拼音？
同埋我自己目前遇到嘅外國人都叫得個廣東話名好準音
題外話，我而家身在加拿大讀書
國際學生中除咗華人會自己改英文名之外，其他國家尤其係韓國、印度都會用返自己個名
所以一開始我都唔識點介紹自己個英文名，人哋會confuse點解顯示我嘅"官方名"同自我介紹嘅名唔同
後來先學識"preferred name"呢個term
1個讚
聽佢地講廣東話咩咩地但又聽得明係幾搞笑
係呀正如kim, pok 開頭個d就估到9成係韓國人咁，某程度上都係一種identity 黎
1個讚
如果你老公喺外國生活過,咁就好易明
因為喺外國,大部份外地人都會用自己嘅譯音作為英文名,有特色亦都唔易撞名
感覺係型嘅
反而見你中國樣用英文名會有啲怪
3個讚
我好感恩自己有機會改自己英文名，因為中文名已經冇得say 
exactly
見過人叫yummy
幼稚園生涯無幫小朋友改英文名嘅家長
一班可能有 1-2 個，用中文名併音。
我爸，我自己同老公都係係外國生活過，分別英國澳洲。我見係大陸人先會用譯音做英文名，香港人都會有英文名，多數係樓上講既preferred name。
Cousin 美國出世美國住都有英文名。
咁佢哋都有英文名只不過個名6+1左小小。
我覺得你好好呀，會同先生一齊商量，佢應該覺得你都重視佢
不如你將你同我哋講嘅呢番說話再同佢傾一傾，然後問吓佢點睇？例如講返如果係中文拼音，可能外籍老師會覺得好難叫？
同埋聽多啲點解佢唔想而家改先，係因為咁多個名唔知道點揀？定係有其他諗法例如佢想小朋友大個自己改自己話事？又或者佢真係好鍾意佢個中文名，所以想叫返中文拼音？
搞清楚原因先，先搵到方法同佢再傾落去。
我自己就同老公一齊改BB英文名，first name middle name last name 落埋所有文件，因為預咗會移民。