未必係幫著佢，不過可能就慣佢。樓主要唔好俾咁多選擇老公，而家父母開聲要你哋搬，你哋就要搬，你老公無得嫌煩，無人問佢感受，無得俾佢揀。
小朋友嫌返學煩，都係要返學架啦，無得揀。
2個讚
講係咁講，但字裏行間都見到晒立場
如果係覺得爸媽無錯，呢兩篇唔會咁寫
寫嘅話就會係，老公同我一家三口寄人籬下，但老公無體諒父母，
例如我爸媽咁多年都習慣用廁所洗嘢，但老公就嫌佢哋慢
例如我爸媽好錫我仔，但老公就話佢哋…
想請教各位，我點去令老公明白要忍耐？
所以佢係話老公咁講，但係佢其實都覺得老公無錯。
15個讚
樓主似冇乜主見乜都睇老公頭果啲
佢老公就係公子病未期
呢種組合
如果長老有能力買樓比佢地住又唔點比家用咪好地地
一有咩困難就互相怪責對方等出事
1個讚
其實煩咩丫
唔捨得租就係唔捨得
或者兩公婆都周身咭數
個個月還完錢得返少少
本身投靠緊娘家住
但又嫌三嫌四
好難講，個老公惡到莊閒都唔識分，睇怕唔會為個無say嘅老婆同阿媽分開
1個讚
樓主講唔出口就俾個po老公睇啦
做男人做到咁小家，搬又話麻煩，同住又嬲嬲
你記住個啲係你屋企人黎，就算再唔鍾意，兜口兜面對住扮都要扮啦，同樣地女人都應該尊重另一半家人，呢啲叫尊重
即係佢唔尊重你家人
你呀媽某程度上講得啱，只係你聽唔明
唯一我覺得佢堅持教自己小朋友係可理解
咁為小朋友嘅話就更加有骨氣啲搬出黎
仲有千祈唔好再俾老人家幫手照顧，工人都未必岩佢
因為做極都唔會完全岩佢心意
但工人有一點岩佢，任佢換到滿意為止
7個讚
間屋人哋嘅，邊個有資格話人好定唔好？
屋主鐘意幾時沖就沖，沖幾耐都得，關佢兩公婆咩事？
有咩咁煩？成家之後本身就應該唔再打搞長老啦，煩又結婚又生仔？
2個讚
唔知樓主有冇交租俾阿爸阿媽，有冇都好，你父母都係好心叫你返去住，你同你都老公又嫌三嫌四，唔好忘記你識左你阿媽幾廿年，唔係day 1先知佢生活習慣，你應該叫你老公唔好出聲，你地都係寄人籬下，難聽講句，根本冇資格出聲囉。住得咁唔開心，自己又唔搬，仲一味投訴屋主，你地有冇反省過架?
3個讚
我都好想了解下
本身搬番去係咪已經唔使俾租?
同埋樓主一家三口未搬番去果陣
外家水費係邊個負責? 兩老定樓主老公口中係「大食懶」既細佬?
之前真係見過有個女仔大學未畢業就同條仔出去租樓同居
兩個使錢都好揮霍, 結果幾年後想結婚先發現一直儲唔到錢, 就話娘家歡迎佢地一齊搬番去住。(本身係父母同佢細妹住, 五百幾呎居屋)
到搬左番去, 又係聲稱佢阿妹唔鍾意佢男友搬黎住, 對佢男友西口西面。但實情係佢地搬番黎d 雜物都一直無拆箱擺走廊, 根本佢地都有阻住家中公用空間。
最後阿妹頂唔順, 加上佢多年黎有好好儲錢, 又計劃結婚, 想自己買樓出去住, 阿妹於是搬走左。
感覺同樓主老公思維好似, 又係鵲巢鳩占, 趕走細佬阿媽自己又唔使再搬就最理想。自己理財不善(所謂無能力搬出去)就想搵人幫佢埋單?
3個讚
如果樓主儲蓄夠兩按一上加搬屋費用，我估你直接租好搬走，你老公一定會死跟。
我自己都係不能同兩邊長老居住，一樣會惡頂同埋一齊住，溫馴綿羊都會燥到變柴狼，即使平時唔表露出嚟都只係死忍。
搬出嚟一定係遲早需要的辦法，否則你夾喺中間，你都會遲早爆炸，婚姻出現危機。
如果暫時要啲時間去儲錢就好女兩邊暪，有乜最難既野你做曬，希望大家關係唔好惡化。一夠錢就找地方搬。
1個讚
如果俾得起租一早搬出嚟啦，仲要痴住4老
2個讚
我新婚都同長老（老爺奶奶）住過2、3年，生活習慣唔同真心難頂，所以我都明白樓主心情。最後我哋同奶奶吵架（主要因為已嫁姑仔搞是非），佢出聲要我哋搬
搬出嚟先發現之前真係好委屈，現時心態上舒服好多。樓主，不如認真考慮吓搬出嚟一家一主，個感覺會好唔同
1個讚
明明好簡單，自己一家搬走就解決到。但樓主老公（或樓主同老公）千方百計諗藉口唔搬走都要留響父母屋企住，然後仲嫌三嫌四…
真係佔完人便宜仲要講到被迫接受咁，都唔驚教壞細路
真心，冇錢獨立成家嘅真係唔好高估自己能力結婚生仔住，最後只會導致兩個家族三個家庭受害。
14個讚
明白你夾喺中間一定係辛苦，但言語間感覺你體諒你老公多過你父母。你覺唔覺得你老公挑剔太多？
如果唔搬，我覺得唯一可以好聲好氣請父母調整嘅係協調用廁所嘅時間，例如老公夜收工好攰可唔可以用先，同埋教仔是可唔可以企埋一邊唔好加把口（但兩老平時點錫孫冇得阻止），但另一方面你都應該要老公妥協，例如細佬嘅事，上次懷疑呀仔整爛野，你老公係咪第一時間衝出黎幫住自己個仔先？細佬可能失去左啲好重要嘅野，係咪都可以先安慰下佢然後再承諾好好問下呀仔，等大家條氣都順啲，而唔會令細佬覺得老公偏幫呀仔？
2個讚
如果唔搬，可唔可以唔好再搞兩老要佢地協調，
佢哋已經唔明點解喺自己屋企要睇面色，什至要出街避開個放假得喺自己屋企黑面嘅女婿
亦都開到聲講到明同女婿住唔到，而家仲要求佢哋去協調，佢哋前世做錯咩？
9個讚
咁即刻搬啦!
你個case同我fd一樣,我fd好d無小朋友,佢老公又係又要住又要嫌3嫌4,而家都搬走啦
1個讚
弟弟都無錯啦,無啦啦要同小朋友住,個小朋友仲要唔鬧得
3個讚
最錯就係嬲起上黎用左粗口鬧小朋友
然後樓主老公又有位入話佢恰細路
但小朋友係樓主老公都有份
點解自己小朋友整爛人地既野
唔教小朋友道歉反而仲好意思鬧番人?
2個讚
唔係因為兩老做錯咩，而係一齊住有啲野可以互相商量互相遷就到嘅都可以試下嘅，用廁所時間如果呀媽唔洗番工，睇下可唔可以將就下囉，當然女婿要好聲好氣希望外母可以幫手，而唔係老奉。我有太多同人一齊住嘅日子，冇話要邊個100%就晒對方，關係先會長久。
不過到而家咁，如果想繼續住，我覺得樓主兩公婆要先好好耍冧先，否則都好難住落去，莫講話好好商量
2個讚