老公去男家
老婆留女家
我真係見過架
但冇仔女、唔知有子女點安排好
2個讚
我以前試過住娘家，發現搞到細佬生活，我老公就話，唉，搬啦，唔好搞到佢。
-
根本無可能要求老人家點樣教細路，老人家肯定唔會聽，唯一嘅方法就係唔住老人屋企。住得人哋度就要用人哋方法。無得又要人哋屋，又要人哋跟你
-
你老公竟然夠膽管你父母管教方法，真係離曬大譜！！！你老公真係好可惡！！！我自問都已經好不孝，都唔會咁做
-
你同奶奶相處唔到時，你老公都搞唔掂你哋。咁而家只不過係角色調轉。
-
你父母對你哋關係評頭品足就預咗，因為你住佢度。唔想聽就要搬。
-
Solution: 唔好理你老公意願，為你父母著想，直接搬走。如果無錢，就趕你老公一個返奶奶屋企，你哋兩個分居啦
12個讚
子女跟一邊，或者輪流兩家去。
做法當然唔理想，儘可能搬出去。但如果真係窮到無辨法，分開住都好過而家
都好少聽女婿咁惡
恕我直言寄人籬下真係要識做呢
6個讚
其實大家都有各自麻煩
冇話邊個岩邊個錯
既然你都睇曬上post既留言，應該知道點做啦？
- 你忍，你去返奶奶到住
- 你哋搬走
冇3
唔好再留係娘家喇，好明顯你老公唔忍
既然佢唔忍，就你忍
3個讚
覺得樓主父母好慘，人生都走緊後半段仲要俾人侵佔屋企多多聲氣頂心頂肺。
唔淨係講樓主，人到中年好心唔好做巨嬰仲痴住父母住喇，寄人離下要有自知之明，樓主老公簡直妹仔大過主人婆。
都唔講買樓，租樓都租唔起仲講咩生bb? 如果租得起又為左慳錢，係咪揾緊父母笨？要父母臨老受呢d 閑氣，我就一定唔會囉。
9個讚
其實你哋係寄人籬下囉，仲學人咁多要求又講到咁委屈冇得沖涼好忟，客家佔地主咁.煮埋早餐比你個細路食又話唔洗佢！咁樣好傷人囉，同埋你字裏行間都係幫住你老公！又話你亞媽洗嘢搞到你哋負擔好多水費.水費用得幾多錢呀？人哋比地方你住仲咁計較，快啲搬走等你娘家解脫啦
10個讚
如果樓主搞搬屋嘅事，老公只須要入住又搞唔搞得掂？
宜家租平左，搵搬屋公司搬。
一間房嘅嘢，應該有限，一個人都搞得掂？
其實搬屋好易，而家娘家d傢俬都唔係佢2公婆架啦，1租樓，2買傢俬電器，3而家d衣服玩具call架van仔自己搬啦。完成。
4個讚
不過最尾都係錢，有冇錢搬，2公婆係咪全職返工？平時邊個湊？2公婆返工，當做譚仔，2個加埋搵3萬，都唔會租唔到樓，仲可以搵埋保母湊小朋友，唔洗煩到4大長老。
1個讚
好話唔好聽、細單位公屋10000樓下都可能揾到、當樓主家庭收入揾兩萬、一齊慳啲駛冇話唔得。
咁都揾唔到就算啦
直接同你老公講而家我爸媽細佬都話住唔到，要搬，佢應該唔會賴死唔走咁核突？
我唔明點解你做女都可以下下偏幫老公，明明自己屋企人比人恰到上心口。
你哋兩條友真係好恐怖，你媽好心收留你地，你到而家仲嫌呢樣嗰樣話佢地唔啱，恩將仇報，要搬又唔捨得有間屋，到底係咪迫佢哋搬你哋一家三口住，先乎合你兩公婆心意？
我信你小朋友第時會學足你點對自己父母，難聽講句真話，他朝君體也相同。
14個讚
呢個又係搞笑
唔通樓主呀媽第一日手洗衫咩，而家黎計水費
講到好似之前就唔用手洗衫，佢哋搬返娘家先用手洗衫
一早已知嘅其實有乜好拗，改到一早改左
又唔叫老公自己試吓改變自己先？
話人做得慢，又係一早知嘅，呢啲根本冇得改變，何必要令自己媽媽難堪
同埋夜晚洗衫咁佢日頭要照顧啲細路丫嘛，咪夜晚先洗，用廁所幾個鐘係唔好，但佢都已經留到晏啲先洗，樓主老公一定要飯後沖涼？定工作需要一定要個個時間沖呀？住幾個月都唔識自己走位
講到幫佢做，其實如果咁有心唔會東拉西扯，連水費都拎出黎講
5個讚
係囉，點解好意思話個媽阻住您老公沖涼，又話兩老用廁所耐，佢地都因為個女一家搬返嚟而影響咗生活質素㗎
又唔係兩老求您地搬返嚟住
1個讚
我幫樓主講句說話：佢話老公咁講，但無話同意老公嘅講法
不過老公做成咁，樓主都控制唔到，都係要趕老公走架啦
老公話咩搬屋煩喎，點都好過煩著屋企人啦。話知佢煩唔煩，而家無得俾佢揀
2個讚
樓主話係父母叫佢地一家三口返去住㗎 
原本間屋得一個洗手間，由三個人變六個人住（仲要有個細路仔）、根本大家都會受影響
就其係原本住喺度嘅人更加會覺得唔自在
1個讚
題外話、有啲男人、真係生完仔先見到「真面目」
樓主應該係愛個老公、所以先幫住佢
1個讚
咁真係女生外向…依家都好少有
關咩事有啲人本身係PK，就愛唔愛佢老公都係PK(唔係話樓主)
又有啲PK，先會夾到PK，(唔係話樓主)
6個讚