上篇講既意見我都睇左，其實我係寫返家人同老公同我講既野，我有叫老公搬出去，但佢又覺得好煩，佢話搬左黎幾個月又搬又唔想去租，又話我根本一早就唔應該過娘家住。
佢話我細佬大食懶係最近我父母去旅行，細佬同我地食又咩都唔肯做，食完沖涼就入房，加上最近發生左件事，懷疑我小朋友整爛佢啲野，細佬一口咬定係我小朋友做，係我老公面前爆粗鬧小朋友，細佬性格衝動，老公聽到就同細佬吵架，話佢無證據而且爆粗，細佬話我老公係度住仲要惡過人。
父母成日話我老公育兒方式錯，老公又覺得佢地干涉太多同唔聽佢地果套，我叫左父母唔好干涉又唔得，佢地話大聲喝同罵無用，加上老人家鐘意俾零食小朋友食，叫極唔聽。
老人家做家務方式同我老公又唔同，老公係咩家務都會做，但做左我媽又話咁唔好，老公做野又有要求，父母用廁所頻率又高又慢，我媽又鐘意係里面洗野，排隊沖涼都去到淩晨，有時老公ot返黎等廁所仲要等成一兩個鐘先有得沖又好忟，有次小朋友起身返學，我媽起身先，整野俾佢食，老公唔洗佢，叫我去整，我媽又想幫手，老公就覺得我地做到俾我地做返。
父母同細佬都同我講同老公住唔到，睇得出我老公唔鐘意佢地，老公又成日同我講佢地，我係中間好辛苦，叫父母唔好理，佢地話同住就好難唔理，因為同住，連教小朋友都有影響，叫老公忍下，又好難。
1個讚
點解唔搬走？你老公係「唔想煩」定「無能力」？一係搬番你奶奶度
12個讚
一個講晒，你老公先係最煩個個。
行左錯，咪快啲改正返，行返啱囉，無咩「一早就唔應該…」姓賴咩
24個讚
你父母同細佬都講到咁啦 你地一家都唔搬走 面皮真係幾尺厚
22個讚
其實你奶奶屋企係咪得老爺奶奶2個？係嘅話，而你2個又無能力自己租地方（擺明無能力，唔洗唔認勒）不如搬番奶奶度，你忍。
因為娘家除咗父母外，你仲影響多個人，嗰個係你細佬。
唔想搬就叫佢收斂下
你老公都好難相處
唔想惡化到日後不能相見，快手搵屋搬
3個讚
一係搬，一係叫你老公收聲，寄人籬下係咁架喇，邊有咁多嗲。
14個讚
其實退一步諗，如果你老公唔好當嗰度係「屋企」，而係一個暫時住嘅地方，盡量都唔好理、懶懶閒去面對，咁會唔會好啲？
個人冇咁繃緊，對大家都好
2個讚
唔想搬咪一人讓一步,
有時候講野婉轉啲,
例如：小朋友返學果啲你媽整左早餐,
你老公又叫你整,
你咪同媽講：女婿都唔想你禁辛苦整早餐比我仔,
你好好地休息，我哋啲後生做得架啦。
1個讚
老人家係長氣啲，諗野傳統啲.
有時候都係錫啲孫姐,
如果佢唔錫啲孫都唔會出聲.
佢老公真係睇字都覺得佢煩 又要無本事 又要嫌三嫌四
26個讚
你老公唔鍾意人哋干涉自己教仔，自己就唔好干涉你父母點教你細佬啦。咁多聲氣嘅男人真係好少見，快啲計吓數一家三口搬出去算，唔好再互相折磨喇
21個讚
咁點解一開始唔搬出去？當下應承得去外父外母度住，而家就唔好拎返出黎講，如果真係有能力，但怕煩，去做酒店嗰類管理式住宅，有晒傢俬
一字記之曰： 搬
2個讚
我覺得你唔太感受到你屋企人俾你老公影響到
其實你唔尊重自己屋企人，你老公更加唔會尊重你屋企人包括你
好慘呀，成個瘟神咁入左黎唔肯走，你老公係咪想逼走細佬
8個讚
其實結婚就係組織一個家庭，根本就要搬出去自己一家人住，一山不能藏二虎。
4大長老幫忙係人情，唔幫亦不無道理，佢地都辛苦左大半世人，唔好話老人家，我而家湊仔要陪佢跑跑跳跳都覺得吃力，都會覺得攰，更何況老人家。佢地可以玩下孫，寵下孫，但唔係老奉日日去幫你湊。
而家仲要比埋你地入住，仲要咁多聲氣，咪搬囉，有本事嘅就搬，冇本事就收聲。就係要忍要收口，仲邊有得要求多多，煮埋比你都咁多說話。
2個都冇用。
說話係難聽架喇，但希望你可以反省，唔好再影響家人（無論係自己原生家庭定係6299果邊）。
10個讚
睇完只覺得佢好L 廢
3個讚
大家唔好再俾呢個意見，何苦折磨奶奶呢？
2個讚
其實佢大食懶同有人整爛左佢嘅野唔可以拉埋一齊講
同埋就算真係大食懶，呀細佬係喺屋企由細生活到大，佢放鬆係好正常，細佬係你父母教，你老公要教就教返自己嘅仔女，但好老實，住係人哋屋企，要靠人哋幫手睇小朋友，要求唔可能太高，尤其係對老人家
講真你老公管你媽又管你細佬，其實佢真係管太多，我係你我真係會鬧返佢轉頭，唔滿意又怪你搬返娘家其實某程度上我覺得佢係暗示點解唔一路係佢呀媽屋企住
同埋樓主都係冇講99屋企有咩問題
你屋企人都講到好白，如果老公唔想忍就再搬，必須同實際解決問題嘅方法就係錢
5個讚
講黎講去其實人都係要自立先可以講嘢大聲啲
無可能要屋主就住客、細佬點大食懶都唔關姐夫事、除非要姐夫養啫、樓主老公唔鍾意人干涉育兒就唔好理外父外母點養仔了
3個讚