樓主你為左自己好,唔好因為個老公同屋企人關係攪到太差,我真係識人為左個男人斷六親,點知個男人對佢愈來愈衰 
1個讚
我無理解錯樓主既意思係無十足證據證明係小朋友整爛既,但我相信都好大機會係小朋友整爛,佢弟弟先會爆粗…
呢d真係要睇小朋友平時係點先判斷到,係唔係佢做 
1個讚
我老公就係呢d 
不過我地住自己樓,有咩衰野都係我頂
所謂一齊住，其實係人哋收留你，明明人哋父母同細佬都講到住唔到，仲要人哋試吓互相遷就
其實搬入去同人哋一齊住，係咪應該自己改變下生活習慣，而唔係要求人哋去就你？
我哋成日都會返娘家渡假或者曾經坐月，但我哋從來無叫我爸媽點樣協調我哋生活，我同我老公要返工都要早啲起身遲啲瞓，但呢啲係應該架喎。
去人哋度住仲有面要求多多，覺得人哋都要協調適應自己，真係好難做得出。
1個讚
呢個係基於我自己嘅生活經驗，因為係家人嘅關係，覺得互相就下冇乜所謂，所以之前家人一家四口黎我家住左一排，我就得到嘅地方都會就下，當然對方都會配合我。不過呢個係建基於大家嘅感情有幾好。樓主一家如果本身關係都唔好嘅就冇得好講。
不過我明白你嘅意思，求人就盡量唔好麻煩人
2個讚
Yes, 好似你咁，你係屋主你主動提出遷就，咁當然好好，
但好似我去人哋度住，就唔應該多多聲氣，因為自己都應該預咗唔好麻煩到人哋。
(即使我坐月有比好多錢我媽，但呢個唔係錢嘅問題，係影響到人哋本身喺自己屋企舒舒服服嘅生活模式，住人哋屋企真係要有覺悟識得自己分莊閒，而唔係所有嘢都諗咗自己先)
3個讚
認同要識得分莊閑。
見樓主父母本身主動叫樓主一家去住，又主動做家務煮早餐畀個孫，應該都係好錫個女。如果當初樓主同老公識做啲，態度好啲、識禮尚往來tum下父母（例如關心多啲、送下禮物），父母開心嘅話好多野可以好好商量的，一家人就唔洗去到咁疆、父母都忍唔住出聲嘅地步……
5個讚
Yes，識做同識感恩真係好重要
去到咁嘅位，唔止買下禮物呢d咁行啦，應該請哂父母細佬去旅行，一年起碼一次
經濟原因先同住點會咁豪氣呢
3個讚
同樓主老公去旅行，未必去得開心喎，根本保持距離最好。
2個讚
我都覺得樓主老公唔好喺度呀吱呀咗
人地已經還神
1個讚
梗係出錢俾父母細佬自己去唔係一齊去啦
同意~
阿媽平日做家務用多d 水已經埋怨老公同自己負擔好多水費
邊有錢請人去旅行?
況且樓主老公如果係咁識做就唔會咩都只識怪責同埋怨
我睇樓主另一個po係話亞媽買餸煮飯要三個鐘，搞到佢哋成9點先有飯開所以分開食⋯⋯咁辛苦煮埋比你全家食仲嫌三嫌四⋯⋯而且樓主又冇返工，又話自己ftm 好多嘢處理咁⋯！你寄居喺亞媽度你都話大部分家務亞媽做哂又煮飯洗衫又煮早餐，咁亞樓主你有咩做？仲話自己細佬大食懶⋯⋯你真係全家快啲搬走咪再搞到你亞媽全家咁委屈啦！
5個讚
樓主已潛水，算啦
俾你講一講即刻去睇…原來上年已呻緊同娘家唔夾，但都仲未肯搬走
最諷刺係話奶奶衰嗰啲嘢
最後咪又係用返差唔多嘅嘢嚟話自己阿媽，所以善良嘅大家唔駛再幫佢講說話，唔係得老公對外母有意見，兩公婆根本一擔擔
樓主眼中夾同唔夾可能無對錯之分，點都好，快啲搬走就可以解決所有問題
6個讚
Ftm就好心出去做野啦，咁咪有能力搬走囉，有冇得ftm係講有幾多經濟實力架
2個讚
樓主兩公婆甚難相處，搬左出去就無得槍口對外，指責長老們的不是
突然醒起媽咪話老公對樓主唔好，可能到時又要開第三集：老公控制欲強，囝囝又唔聽話
1個讚
係喎！佢將奶奶話佢啲說話用返落自己亞媽身上，但而家佢係住緊亞媽間屋做大食懶⋯⋯丫！唔係，係FTM！同埋負擔部分佢覺得好多嘅水費⋯⋯
1個讚