咁經濟基本上一定差過香港時好多
即使唔使用 saving, 月光族長遠心情都差
乜都可以嘈，學車揸車都可以嘈一餐。如果係香港學車，應該唔會嘈呢啲野掛
咁都嘈，長遠會唔會唔順超
2個讚
我由個仔一歲開始差不多每月出差兩次，有時再密啲。細時真係ok, 每乜問題，食瞓玩，老公加工人完全handle 到，即使病要入院，有老公攪掂我唔擔心，反而我係度佢地會撒嬌。
但大仔入青春期又係另一時期，明顯父子之間多衝突，可能因為兩個性格都強勢，拗撬開始多。老公有時亦唔理解阿仔已經大，唔可以用以前嗰套，下下硬橋硬馬。
呢兩年全家一齊走，新環境適應過程我好慶幸老公係身邊，即使呢個地方我過左出差十幾年，好熟悉環境，但定居又有定居要處理既問題。
因為相處時間多左，我亦可以多左同阿仔傾計，兩個少左好多衝突，關係好左。
當然我case 係麻煩啲因為係亞氏仔
3個讚
個人經驗分享，我移居有工作，但老公放底左盤生意，即使家庭經濟無問題，男人心理上唔多舒服。
其實我同樓主差不多，老公近退休年齡，而且covid 環境下，生意暫停下其實有利。
不過一個工作開既男人，突然停下，有心理關口要過。近期佢開始飛返香港處理返盤生意，明顯開朗啲，可能精神上有寄托。
家務由有工人到無工人，當然會有小拗撬，不過呢啲簡單，一人讓一步就解決。
2個讚
如果當事人唔願意，其實已經有方向。
大家都係會進入一個新嘅生活模式，都有不安和焦慮。
如果錢財方便係夠駛，只是想充裕啲，不妨開個家庭會議，大家傾下心中疑慮，搵下大家都可接受嘅方案。
如果唔係syd 係Wollongong ，對財務方面又會唔會舒服左？
其實我都係一向喜歡工作的人， 我都擔心去到另一個地方找不到工作，沒有精神寄託， 心理上亦有呢一個關口。 畢竟到第二個地方生活，很多未知之數， 若能有工作，就算人工少了一大截， 勉強夠日常生活開支我都願意， 但暫時完全未知道找工作的情況，以我這個年紀，到時想再回來找相關工作，完全不可行， 所以這一步的決定很重要。
多謝你的提議。
Visa有限制，暫時要地點要在Sydney non regional地區, 沒可選擇其他。
這個情況我也有想過， 兩頭家費用+飛機票的費用都不少， 所以若果在澳洲找到工作的話，就算人工唔高可能都有著數， 最驚係在那邊找不到工作， 始終人未到嗰邊揾工，都唔知實際情況係點。
反過來會唔會早啲走，年輕少少易揾工啲？有無被動收入或者轉做online 工作？
唔清楚你背景，但我有朋友做老師，轉做online 全職補習，加部分當地補習，生活費不成問題。
同性別，母女 / 父子，去到反叛期，就算一個弱一個強，相處都係有問題。
一齊走同分開都對夫妻都係一個好大考驗
如果目標係唔好離婚，一齊一定係最安全
其實如果去到呢個年紀，俾我會驚之後搵唔到工無錢，多過會離婚。
最多你同佢地去settle down先，之後再返香港做野，一有假期，大家可以飛去探大家。
不過要俾大家一個時限，要講好可能最多做1年或2年野，跟住就過去澳洲一齊住。
呢2年身邊都有唔少大空人朋友，不過佢地都係諗住搵多1，2年錢就一家團聚。
以前97年，我見有D真係長時間個老公係香港，講緊做成8，9年太空人，跟本無諗住去外國
1個讚
其實妳心裡已經有答案， 妳係怕無工無收入那種不安全感。 既然係咁就同老公和仔仔傾返。
但你個仔已經明言唔想做太空人，你又話經濟不錯，你都咁堅持？
1個讚
離婚對子女都有影響、果陣我朋友就係見父母因為移民離婚、知媽咪留低為照顧佢唔開心
但我唔明
樓主話個仔同老公都唔想佢留
而又經濟ok 但又驚唔夠錢/過到去搵唔到嘢做會抑鬱？
咁其實本身你自己想定唔想走先？老公又係咪好想走？
定係只想為下一代，咁不如唔好理T唔TR ，啊仔自己去讀書？如果中二你覺得佢太細咁再遲幾年先囉
啊仔又想唔想走？
3個讚
我又明樓主，一方面想走同時無人知有幾長命，有無病，帶去既錢呢刻夠，但有事起上嚟又無能力揾，所以心大心細。
不過我都認同，如果只為下一代，送佢去謮書係最簡單直接，經濟上唔擔心，亦唔擔心退休後生活。
3個讚
其實你同先生都算係可以準備退休既人… (你寫你自己係話 “仲可以做多2年”
錢方面, 應該點都有D 儲備.
選擇得移民, 點都會一齊走…
如果長期生活…錢係問題咁我反而會考慮只送個仔去讀書就算…
反正你地2個都5X…
想同樓主分享吓自身經驗。
就係因為要搵埋最後嚿錢所以獨自留係度4 個月。4 個月就快過去歸期又在望，但和先生關係變得好差。我個小朋友得幾歲，但先生又唔係冇人幫手湊細路，但係就成日暗地埋怨我自己一個人好爽。其實我係香港也不斷幫他處理私人嘢，唔係零付出㗎。
所以最好一齊去啦如果可以。
1個讚
我都覺得係咪應該小朋友自己去外國讀書先，一黎訓練佢獨立能力，二黎兩公婆可以搵多啲錢俾小朋友讀好啲既學校，自己負擔又無咁大。
我同老公都係自己一個外國讀書，同身邊好多親戚都係外國讀書，覺得係人生最開心既時間。
1個讚
我反而聽到有D自己出去讀書，話大個咗同父母關係比較疏離，因為青春期，有咩問題都要自己解決。
所以我覺得如果一家人移民同留學比較，我會揀移民。