如果佢兩個唔肯，就算你易請假，都唔得
只要唔封關，技術上是可行。我識個對 couple 係97咁做，成功拎到 passport 又退左休，食左好多年長俸了
如果佢哋唔想，答案已經有。
老實講，如果你三十幾四十歲，我唔鼓勵你一個人留港，引誘大。不過你話你五十幾歲，婚姻應該穩定下來，大家應該一條心對家吧。
1個讚
我是去Sydney, 老公識煮飯和揸車，反之我吾識，若只從功能上看，老公碰巧是退休年齢， 佢帶個仔去讀書係最好，而我就負責家庭經濟， 理性上可以這樣安排， 但係個仔同老公唔想。
2個讚
Boarding school 仔一個去如何？
老公做到但唔願意做冇得迫，等陣佢係個邊 depression 又係問題
有朋友都是這樣說，功能上是可以，但實際上未必可行， 冇人知分隔兩地感情會否冇問題，但另一方面又要考慮經濟情況， 因為真係唔知將來都唔夠錢洗。
由於我哋是TR, 老公也要過去 滿速成為PR的居住要求，所以只是仔讀Boarding school 的做法不行。
出賣年紀、97時見唔少、爸爸留低搵錢、但最後婚姻破裂、大人細路都唔開心、我覺得女人輸哂
之前諗過台灣近咁多得唔得、但又疫情同始終有介心
2個讚
既然樓主話先生唔願意一家分開，就一齊過去啦
4個讚
老公同仔想一齊去的話就一家人去，得你老公在陌生地方照顧個仔同生活唔係容易事，而且世事難料，可以一齊就一齊啦。
1個讚
我意思係改用其他方法，如果主要為細路讀書就細路一個去。幾年後退休兩公婆再決定去唔去點去
雖然有好多太空人婚姻破裂 cases，但而家都有好多兩公婆係到唔好受嘅 cases, 唔多唔少同經濟有關。
自己衡量
不過如果積蓄夠使又唔怕一齊去
1個讚
可惜係個visa唔等腎會過期， 再過多幾年，我哋嘅年紀又再大啲，莫講話PR, 連TR都不合符資格了, 為了幫個仔諗， 時間上冇得再推遲了。
亦有朋友都這樣提醒我! 所以真係兩難!
好多離異posts
十幾歲係最需要關懷與認同嘅時候
係好係壞就睇佢身邊有邊個
媽媽嘅角色仍然重要
錢係搵唔晒㗎喎？為咗啲錢輸咗頭家有咩為呢
其實係咪你趁未係好大年紀係果邊搵份工， 如果兩邊都要住同各種生活開支， 加埋兩邊飛既費用， 其實係澳洲慳慳地， 到時妳有工做而就算人工少都可能條數差不多
如果金錢上鬆動，只係想做多幾年儲多個錢，我會揀全家一齊走。
初初去到settled own 頭一年最大挑戰，真係需要伴侶支持。
而且十三四歲男仔青春期同爸爸之間溝通未必容易，有媽媽中間協調會好好多。
可能我屋企兩件男性都火爆，我以前出差幾日，爸爸隔空投訴我已經覺得好難頂。，所以想像唔到分開幾年會點。
2個讚
所有嘢都諗最壞打算先
冇咗段婚姻難啲，定係到時唔夠洗，搵方法再搵錢難啲
1個讚
我出差，老公好 free。佢基本上淨係同細路玩，完全冇冲突
我老公出差，我又覺得好正。因為啲細路聽話啲
不過一齊湊時，又唔算好多拗撬
係經濟差左好多？我聽係家務爭執為主