家庭背景: 3人家庭，有澳洲TR visa, 先生差不多是退休年齡，自己5x歲， 工作收入穩定， 還可多做數年，兒子讀中二，計劃下年到澳洲升學，家庭經濟基礎尚算穩健。現在考慮究竟全家一齊移居澳洲， 陪伴孩子升學， 還是老公帶仔過去讀書，我留在香港工作多幾年， 假期往澳洲探望他們。我也明白全家人齊齊整整最好， 但另一方面擔心，家庭沒有穩定收入， 亦不肯定自己到澳洲後能否找到工作，心大心細中…。
睇吓你想去做啲乜嘢工作，沒有當地工作經驗較難做返老本行。而且聽說不是公民、不是PR好難有人會請。
零售、飲食、服務業除外。
如果積蓄夠，夠基本生活費，就一齊去，去新地方新生活一家人會有個照應，有相量，工可以慢慢搵
1個讚
但TR點變PR? 唔係要50歲以下咩？
求賜教
這個亦是我考慮因素之一, 先生一個人過到去人生路不熟, 也是面對好大壓力, 兩個人面對畢竟比一個人面對好, 唯獨是擔心經濟壓力, 若果能在那邊找到工作 ，就算人工不高我也希望一家人齊齊整整。
不同visa有不同情況, 這個最好問返持牌移民agent， 我驚講錯。
1個讚
如果我係僱主都喜歡請citizen同PR, 不過我個TR visa係可以工作, 所以有一點希望可以找到工作, 不一定要做老本行, 現在的老本行也是太辛苦了， 只是希望有一點收入，唔想坐食山崩而已。
如果生活到只係搵唔到咁多錢、我會揀家庭、以前睇太多太空人case, 我而家都係要食積蓄同窮左
但無後悔
7個讚
如果又夠錢生活，個簽證又可以俾你有渠道做到PR/Citizen 咁梗係一家人一齊去啦。
小弟只係同屋企人分開咗四個月咋，關係已經變得好疏離
2個讚
個仔讀書是否免費定要俾學費？
TR 幾耐才可以係PR?
介唔介意做餐館樓面？
如果個仔讀書要俾錢，介意做不是文職嘅工，我會係香港做多幾年才一家團聚。當然如果你夠錢生活退休，只想去到搵份過日神嘅工(即係唔等錢洗), 咁就一齊去。
仲有，你去邊個省？Sydney 搵工最易，相對西澳難啲.
有冇朋友親戚係果邊？有的話, 比較放心老公帶仔去。
全家走. 幾年可以有好大轉變
如果老公願意一個人帶仔過去 + 自己份工多假嘅。我會揀留港做多幾年
一年有三四十日假，可以好多時間過去。佢地聖誕暑假又返來兩個月。都算成日見
識人之前都係咁，唔使浪費左份好工同冇左長糧
1個讚
我都係好似你咁諗， 我放假時過去， 佢哋放假返嚟， 技術上可以，只是實際運作起上嚟唔知係點!
easter, cny, 請十日都去到大半個月了。
跟住重有廿日，又可以連其他假過去。幾年好快過
可能我同老公後生時成日各自出差，都成十幾廿年，所以慣左。
最初成日間中見唔到，好唔慣。
年紀大咗，更加冇諗太多見唔到臉，對方會做咩嘢呢類諗法
1個讚
或者咁講，你攞假同佢地一齊過去一至兩個月settle down, 然後返港繼續工作。當然最好先前做多啲research 以減低佢哋嘅唔適應。
我有朋友，都係女人做太空人，男人同仔女去英國先，兩年後再同佢哋會合，當然途中有假就過去探佢哋同佢哋會返港探女人。
但你老公要識同肯煮飯、做家務、同駕車先可以行呢個plan.
1個讚
我有啲朋友都係咁講，你之前也是同我差不多情況？
我份工唔容易請假， 不過一年都有幾個比較長嘅假期， 就是呢幾十年日日都見住， 某程度上也依賴大家， 所以會好唔慣， 也擔心咁做真係唔適應，而個仔亦吾想這樣， 所以有多重考慮因素。
聽下小朋友心同老公心聲，到底佢哋有幾想你留響身邊？有d人可以好獨立、一個人都冇所謂，有錢先有安全感，有d就會想一家人齊齊整整，寧願慳d洗。
我自己會一家人同進退，而且分開會影響夫婦感情，我唔會搏。
7個讚
兩公婆唔好分隔異地
幾年之後一齊生活發返，可能好多嘢都已經唔同步。
2個讚