我都想知呢個係咪真係會咁…有冇多d 過來人分享下？
咩年紀送小朋友去讀書係最好？
我覺得疏離同獨立都係睇你點睇，同埋我buy大個左就係獨立個體，有私人空間，唔buy個啲愛回家大家庭vibe。樓主都可以考慮下自己屋企人係邊種。
我個陣中五去外國，我老公中三。香港好多人去外國讀書都係呢啲時間。我身邊去外國既同覺又唔覺得佢哋同屋企疏離，屋企有愛同識對屋企人好就自然會close（我意思係唔會以愛之名迫屋企人做某啲嘢，情緒勒索個種）
我同屋企人係friend個種關係，我屋企人好開明係可以好似朋友咁傾計講心事，我唔鍾意管住哂個種呀媽。同我都唔鐘意老公會係媽寶type。
老公自己生活識做家務，煮飯，又獨立，我覺得好好。我啊爸都係自己外國讀書。一樣會做家務煮飯，唔大男人，very good。
不過係前提樓主想搵錢，所以我咁suggest。無錢既問題一齊移都無問題，但去到無做嘢好容易將注意力去晒個小朋友度，我覺得大家留小小空間有自己想做既野會好啲。
不如你地認真計下退休要有幾多錢先夠？
你先生差不多退休，你仲有幾年退休
但你地都仲係需要工作
去澳洲可能唔係你地既最佳選擇？
Sydney好正。
其實如果一家人分開，個心係唔會定落來。身邊有人一個人來留學，會掛住屋企人，好想返去見屋企人，與其成日等假期、等返去、等人來，不如實實在在一家人生活啦，根本完全唔同感覺。一家人一齊係一種用錢都買唔到嘅實在感覺、係一種會settle落來嘅感覺。
我覺得父母可能會多啲呢啲好想返去見屋企人既感覺，中學生到大學生多數想自己一個或者同朋友一齊。我自己同大部分同學都無homesick，不過有一兩個人總係特別誇張。
但都要問返樓主其實你係想移民定只係為咗小朋友讀書？如果只係讀書真係95%自己一個去讀(非正式統計)，我覺得呢個係其中一個去外國讀書既意義，去獨立去體驗，好小見人會去陪讀。
係近年多咗移民先會有咁既情況。成家順便移民。
幾多例子不及個人性格
移民同留學係兩回事，留學始終有一日要返香港。移民係連根拔起，仔女大左、老左都唔需要飛返香港探父母，唔會有條尾跟住、唔需要掛住。
睇樓主點睇香港啦，各人目標、需要同考慮都唔同。
我既年代打長途電話費貴，每次只報導發生大事，小事免提更何況心事。而且機票超貴，一年都未必有機會返屋企一次，關係自然疏離。
但今時今日，隨時 whatsapp 又得，video call 又得，而且不少人一放break 就飛返屋企，關係要維持唔難。
我自己覺得十六七歲去留學差不多。
老公同仔講到明唔想，我唔會揀自己留低揾＄。移民去第二度好多事煩，要獨自面對set up真係好難。
樓主有冇睇過其他人過到去嘅揾工情況？肯做會唔會都易揾到？
1個讚
我以為澳洲藍領好易搵工架？唔係長期人手短缺咩？
如果澳洲唔易搵工，樓主可以試下分開半年試下。半年後，大家應該比較清楚洗費、困難、就業市場。如果半年後大家頂唔順，你再辭職去澳洲。
澳洲藍領工作要有相關Tafe 認可資格，就算香港做開都要考過晒啲試，又要洗多一筆錢。
我係講緊再低層嘅藍領，例如侍應，送貨，清潔