你想copy返你嘅人生去下一代
你點對佢佢將來就會成為一個點樣嘅人
或者你覺得你媽算係一個好媽媽
不過你個小朋友未必會係同一想法
父母照顧原是基本，佢可能會覺得有缺失
會影響佢將來嘅價值觀和同理心
亦未必會同你咁close
2個讚
如果佢瘦到跌出生長線你又由得佢唔食？
半夜唔舒服？你又判比邊個同佢去醫院？叫醒長老？
最重要嘅你、你呢刻唔想要小朋友、只係驚將來後悔、我係你就唔會生。
生完你後悔都冇得返轉頭
1個讚
我都唔會迫自己生既，我覺得都係見步行步。睇下到時既諗法係點。但你哋又覺得如果到時老公好想要，咁又會點做？有幾多人係另一半想要小朋友呢？
咁同埋要去醫院個啲咁當然會去啦，俾長老湊又唔係交去保良局。唔係咁極端真係生完唔理，只係其他人可以做既都俾其他人做，好似好多野其實爸爸都可以做，唔一定係媽媽責任。爸爸都可以喂小朋友。可以陪伴小朋友。
我睇完覺得樓主對養bb既睇法有d唔實際，幻想個b係天使bb易湊，老公會幫手分擔到好多，工人生性，長老湊法一致唔洗勞氣等，但其實幻想一回事，現實好骨感。
而且關於小朋友讀書個part，好多呀媽一開始話冇所謂，但都係會俾周圍既模式改變左自己。放左工番屋企陪溫書就好似放工番part time 咁，而家大部分小學都每星期中英默書，1個月幾次小測，1年4考。點解d呀媽咁珍惜me time, 因為真係冇自己時間呀，終於可以玩下電話。
我見樓主提左幾次唔會做ftm，但事實係放左工趕番屋企，又要成日請假，事業家庭2邊都做到得心應手唔係易事，其實大部分在職媽媽都攰到嘔。除非你真係做到如你所講既小朋友天性發展你都好接受到喇，不過我覺得9成呀媽到最後都係堅持唔到，唔好幻想自己係例外住先會好d。
12個讚
因為好多人都怕比人judge
同人講生左開心既人 總會多過同你講 生左好後悔呀 早知唔生既人
如果你有睇reddit / 連登 就會見到好多人講生左小朋友都後悔同埋同另一半感情唔同晒
生左後悔 個小朋友收唔返 無生到後悔 起碼你無害到人
2個讚
做過雙職媽媽、不能認同更多
成日話爸爸會做 事實上無幾多個男人係會好上心
我身邊既男士 無論同我熟定係朋友既老公
幾好既男人都好 個小朋友都係痴媽咪
唔舒服媽咪 食野媽咪 要咩都係媽咪
無論做到幾高級都好 到考試時期 每日請半日假陪小朋友溫書既 都係媽咪
樓主想自己係例外真係祝佢好運
生得我就要預係自己做 做唔黎到時有人幫就係additional
未生已經想搵人幫係不負責任
3個讚
你活在當下、唔好諗咁多啦
1個讚
agree
老公想要 老婆唔想要 大家都要互相配合
生唔係問題 而係樓主都仲未了解到點解要生小朋友
生小朋友係真係無私奉獻十幾年比小朋友
食野、去街、生活等等全部都要圍繞住佢
覺得唔生後悔，咁犧牲自己生活、時間、財務自由又會唔會後悔呢？
做足心理準備既，無話唔得，而係樓主天真諗得太容易
真的。不過無經歷過，可能好難想像無哂私人時間係點。
係喎，未生前成日心入面笑個啲緊張家長考個試都請假，心諗我細個天生天養，不如幾好仲練到獨立啲。我老細講左句：「你到時就唔會咁諗架啦」
OK, 6年後我錯啦！我為左個測驗請左3日pm, 黎緊考試請左5日pm. 點解我會咁大改變？我都唔知唔明解釋唔到
5個讚
所以我就係度諗，生仔令媽媽咁辛苦，點解咁多人會生，除咗荷爾蒙令女人想生，好似無咩理由要攞苦嚟辛。我見好多人生左好似好開心咁，有啲中同，同咩何雁詩，grace之類，生完又生。我係咪缺少左啲荷爾蒙。
都係個句，有錢根本煩少好多野
大家講嘅問題，樓主根本有彈藥解決到，佢邊洗煩～～
3個讚
係因為佢地好有錢 
我係想有一種觀念令其他人都覺得佢哋係要做，我覺得普世價值都覺得媽媽要點點點，連女人自己都覺得女人要做。
我覺得咁多野令女人唔想生，遲早唔會有人生仔，但如果其他人 eg 爸爸肯做，咁情況可能就會有改善。仔女都可以痴爸爸嫁。係大家慣咗仔女就要痴媽媽。
我見有啲中同唔係好有錢架。佢哋係中學個陣就想有家庭小朋友。
所以咪話佢地鐘意小朋友好想要既
就算唔有錢 香港前景問題唔理 都會justify到自己生
咁你自己係咪好鐘意好想要呀？
New Born - 24小時陪月 + 姐姐, 餵奶抱佢換片etc
Toddler - 請保母教佢講野行路食飯
幼稚園 - 請家教教佢識字，讀書，保母/姐姐帶佢返學
小學 - 請家教補習，溫書，請保母check書包…
媽媽就淨係同小朋友玩，唔想玩就掉返比以上既人
無錢都得既，樣樣都求其做囉…做到就做做唔到就算
如果咁都會想生既我都無咩好講 
佢最大煩腦就係煩生唔生好
有錢都要管陪月同工人，有本事請工人司機都要有人管
除非長老幫佢教埋，或者樓主有能力請管家