唔洗咁激動喎，都講係討論下，無啱定錯。
我係唔明點解會無親子關係。我同屋企都好close啊。點解一定要chur爆媽媽先有資格講係好媽媽。
如果係自己想生的話，幾辛苦都會覺得值得
如果唔係自己想，只係為外來因素的話，少少野都會覺得厭惡覺得煩。
在職媽媽都好多俾人湊，但佢地背後比好多心力：安排小朋友活動興趣班，見面時無論幾攰都付出心機比quality time
大家咁激動係見你擺明唔想，但又為咗第三方生，諗到好簡單俾人湊就算。真心，唔好害咗一個生命，尤其你生活係發達國家，小朋友唔係淨係生存，亦都要生活，身心靈都要得到發展。唔係話要具備呢啲條件先可以做媽媽，但你都要想做先會自己搵方法。
呢度都感慨華人長老唔該老咗之後搵多啲自己生活重心，唔好逼仔女結婚生仔比自己湊孫，唔好逼人哋去達到自己嘅幸福，好自私。
10個讚
你可能將你小朋友當外國小朋友咁湊，大前題係你要搬去外國。外國d屋大，出西就有個花園比小朋友跑黎跑去，你屋企有無花園？
長老湊得大你，因為以前生活簡單，同埋而家一代遲生。你長老照顧你時可能五十幾歲，但你父母在你生時，可能已六十幾歲。以前小朋友邊有咁多興趣班？就算有都可能只係樓下社區中心果d,而家要誇區。學咩？英文、普通話、數、跳舞、樂器……
2個讚
個topic拉左好多討論點出黎。
我集中講食飯。假設小朋友一歲。
- 餵粥仔，唔比小朋友掂。15分鐘一餐。
- BLW，要小朋友自主食。食物磨蓉，再猜成球型，連清潔搞成粒幾鐘。
樓主會點揀?
其實我係驚自己到生唔到先想生就大獲，未諗到自己想點。
我都同意唔鐘意傳統思想。
答番你先
我好早認定另一半，又確定大家價值觀一致
同時，肯定自己有財力足夠俾到小朋友一定生活質素。
所以，我有生小朋友。
當中長輩有壓力，對某啲制度有失望
但我有作出取捨，而錢真係可解決好多問題
（至少空間多啲，學校選擇多啲，長輩磨擦少啲）
1個讚
我會叫其他人做2 
我知又有人準備話我咩都唔做 但我真係咁諗。
不過我以前細個都好麻煩，唔想食飯，每餐飯都喊住食兩粒鐘。不過係人地喂我。我媽都想殺左我。
因為老一輩通常諗幫輕下你，退左休又無野做湊孫都叫有寄託，我媽係傳統女性，係辛苦大半輩子唔識享福，有時諗唔通佢既人生就係為左老公仔女同湊孫…但我另一半阿媽就相反，講明唔會幫手湊，會去旅行會收禮物
1個讚
咁係香港都可以車佢去花園跑，我當外國小朋友咁湊係講食嘢，讀書方面，香港要去大花園都好易。
見到咁多興趣班，我自己都唔想讀，其實係咪一定要迫佢哋學咁多？當然小朋友有興趣另計啦。我細個學琴都喊哂唔想練琴，啊媽都無迫我。
人地餵都唔算一個大問題，但小朋友食足兩個鐘就係問題。個問題係你會點去應對依個問題。
當你比姐姐餵，你會容許小朋友食兩個鐘？定會慢慢去train小朋友？train要時間、心機、耐性。你個責任就係就算你唔餵，但都要去教個小朋友。
1個讚
Exactly 頂唔順好多傳統華人思想。
雖然我記憶模糊，但我媽個陣真係俾工人喂我兩個鐘，佢聲稱。但我大左就自然鐘意食嘢。
俾我就覺得你唔食咪唔食，肚餓就自然會食。我係覺得小朋友咁細個佢跟本唔明，正如我自己都唔明我細個喊咩，點解唔想食。
個問題就係你要去車去同佢玩，同佢玩，唔係做文青女攞住本書和咖哩打下卡咁。你要耐力同體力。
好多外國小朋友揀飲擇食、二年班串happy做happi老師都唔會話，晌香港可以？默書寫錯一個字母就扣你三分啦。
個人覺得興趣班唔駛多，但都唔好一個都無。你入小、入中，唔少學校都會睇你有咩識啦。
但你要make sure長老同你有同一理念，唔好你由得小朋友食唔食，長老就迫小朋友食咁。
1個讚
細個無辦法要係香港讀i guess, 但成績差大個都可以去外國讀既。姐係我諗worst case成績差啦。
不過睇嚟係環境令到小朋友辛苦。又開始唔明點解啲教學模式要咁，係咪都有啲happy school?
幼稚園都有happy,但去到小學，就算話係happy都唔會太happy。我指功課上。
而且如你將小朋友比人湊，你可以就要接受一d同你理念不同的事。
例如：長老可能日日帶小朋友上酒樓（味精、三高）
長老可能吸煙（二手煙）
長老覺得凍（20度以下已要小朋友著羊毛底衫。）
長老愛錫bb（日日嘴對嘴錫你bb,所以當你錫bb時，就間接同老爺奶奶交換口水）
長老哎喲喲（小朋友發脾氣打人，長老笑笑口說哎喲喲or打到個小朋友癡肺）
1個讚
我都知啊，但其實我唔會想做ftm, 我都控制唔到，好在既係佢哋都算正常唔食煙，唔鐘意酒樓。但覺得凍個個一定會
嘴錫bb真係接受唔到，估佢哋應該唔會掛。我啊嫲湊我，都唔會做呢啲，我老公啊婆湊都無咁。
不過宜家所有野都言之尚早。
將來嘅嘢冇得擔心
你後悔自己唔生同後悔自己生嘅百分比幾本係一樣，而且兩樣野都係不可逆轉
咁不如用自己嘅right here right now 嚟決定
不過如果佢打人，我打返佢老母484 哈哈，接受唔到打小朋友。不過文明人應該唔會既。