咁其實無人會想生吧？
我又覺得呢啲太極端。對住工人陪月都唔到管？叫下佢做嘢姐。
其實唔算煩，我都係見到身邊人既事，然後年紀到，討論下。
點會呢，我身邊就有位媽媽心甘情願咁湊小朋友，爸爸就用把口湊仔囉
佢好比心機親力親為，所有時間都比晒佢地
佢地返左學/ 訓左覺，媽媽先有me time
辛苦係辛苦但佢無點怨架，因為佢真係鐘意同埋回報就係好好既親子關係囉
我就自問唔想犧牲自己現有生活，一分耕耘一分收獲
所以我暫時都唔會考慮
簡單d 直接揾代母，包生湊教一條龍，要玩先過代母道玩。
2個讚
仲有唔想去陪玩時，請保姆湊去迪士尼陪玩，再加請攝影師入院影相。事後淨睇相得啦
去旅行就緊係要請埋工人保姆啦，唔係嘅話，玩嘅途中大小二便收捨扭計邊個理
諗下都開心，有錢生仔幾easy
仔女讀書讀成點都無關係，第時入6299公司做，身份係孫仔就夠啦
1個讚
首先你家族應該都唔係算窮
至少物質唔缺
但現實唔係個個長輩有咁嘅體力，視野(現代好重要)去湊同教養小朋友
我媽嗰時都話幫我湊
但晚晚見佢要貼止痛貼
忍唔忍心得過呢？
你用左量化去計算生養小朋友，恕我直言，諗得太簡單
哦
1+1+1=3
事實係咪咁呢？
但教養係計質唔係計量
每個小朋友都係獨一無二
同一套公式唔一定套用到你小朋友/其他小朋友度
又例如，如果check 到小朋友有SEN問題(都唔好話身體缺陷嗰啲)
唔係放工同佢玩下就算，要搵訓練要盛
你會點?
樓主應該屋由細屋企都保護得幾好
無乜煩惱(至少錢解決到嘅問題唔係問題)，所以想法比較單純
都係好事
所以我諗到呢啲都覺得唔想經歷，標題都有講諗得越多越有責任既人越唔會想生，唔明點解其他人會得出有錢生仔好easy既結論。
事實真係容易D
因為有錢人真係可以用錢解決好多問題，相對窮人有條件生小朋友
備孕：買好多SUPPLEMENT或者補身野，
有錢可選擇去私家直接開刀唔洗公院可能要全餐
產後有錢去月子中心或請陪月工人
例如小朋友係SEN
有錢家庭可父母隨時轉FTM,FTD全心教養小朋友
唔影響生活
亦個個月萬萬聲比治療師去訓練小朋友
你叫一個月入幾萬首普通家庭，做得到嗎？
又例如陳豪一家
驚中COVID都有個露台佢暫住
普通人家做到嗎？
又當然，其實唔少有錢人選擇不婚同養貓貓狗狗
3個讚
其實我覺得唔係所有野都關錢事，講真都唔係小朋友想玩就一定要陪，咁都好縱個小朋友啦。唔係應該同個小朋友平起平坐，有時佢想玩就陪，我唔想玩都要休息架。
最多搵其他人既小朋友陪佢玩。
當然我未生，可以係我諗得簡單。
身邊多人生b? 首先我覺得唔多但係有，有d就好似我咁真係好鐘意bb囉，有d又好似你咁覺得大家都生咪照生。前者係痛苦並快樂著，即係我咁
後者就痛苦同後悔後悔好後悔。
我自己2尾生左2個，而家3尾了。我同老公經濟算唔錯，感情好好，2個一向都係超鐘意bb。呢10年生b總括黎講都係開心多d既，但必需講有時都會諗其實唔生會輕鬆少壓力好多。連我地咁鐘意bb都有咁諗過下wo，如果係為左唔聽閑言閑語而生，我覺得9成係會後悔囉。
身邊有朋友問過我小朋友到幾大可以輕鬆d, 我只能話每個階段都會有佢既煩惱。
New born-頭幾年最煩既係唔洗訓，第2日朝早又要番工早起身，想死。
跟住煩揾幼稚園小學，我只係俗人一個，隨波逐流都會想揾一間好既，唔得一回事，都係會想報下先試左先。
跟住小學陪讀，都唔洗再講d乜，大家都明
2個讚
係。
不過，有一定經濟基礎都要解決：
婆媳問題，教品德，教自理，防疫要求，親子時間…
只可以講，有錢買到多啲啲空間，機會同和好似關係間多啲啲潤滑劑。
生唔生真係要兩公婆坐低慢慢傾同計
1個讚
咁呢個世界當然有錢可以解決多啲問題，但聽到又sen又抑鬱都唔會覺得係好easy
1個讚
點解講到咁係縱個小朋友？當小朋友對佢愛同依懶嘅人有需求、而你回應返佢、咁係建立緊小朋友對個世界的安全感、為人父母嘅份內事喎。
7個讚
不過眼見都係好多女人苦口婆心叫唔好生(其實我明), 但咩老一輩/老公個啲就會想生。
所以我先覺得佢哋如果真係想要，佢哋要做多啲。佢哋應該要有多啲責任
對
例如呢本書好多父母都推薦
0~3歲給對愛就不怕寵壞：兒童權威心理醫師的心靈育兒法，化情緒難處為正面力量，陪伴孩子安心探索成長之路
仲有本3-6歲
1個讚
耐唔耐去下迪士尼（1個月1-2次咁合理）但日日都要玩咁唔得啦。
同日日放左工有咩咁多野玩。最多都係傾下計係屋企玩下玩具姐。
好明顯係反話啦，你句「生一個俾佢湊算」都好經典啦吓嘛
3個讚