宜家既人係咪無咁想要bb?宜家既資訊好似普遍都係令人覺得生小朋友好貴，教育難。
你哋係幾多歲有b，又覺得生b係咪令你生活正面影響多過負面？
係咪有責任感既人對生小朋友好似更抗拒？因為想俾最好既小朋友，擔心自己做唔到。但老一輩好似唔諗咁多，就算無錢都想要孫。
純討論 
無㗎，其實呢樣嘢真係好睇個人本身性格同喜好。有d人鍾意自由d，私人時間多，安靜，事情自己控制多d，咁個類人唔太岩生小朋友。因為生小朋友真係無咩時間剩同無空間。
亦都識人一直生活係大家庭，個個家庭都好多人好熱鬧，咁個d真係會生好多個而覺得開心。
個人性格之外都好睇家庭團隊同另一半，如果太廢就算鍾意小朋友都吃力，環境因素都大影響，好似之前我係香港好怕小朋友嘈到人，郁d就比人影上網。而家我唔係香港，發現本地人非常鍾意小朋友都好禮讓，咁相對我壓力係少好多，自己對小朋友包容都多d。
但係生唔生都係兩公婆自己決定，因為責任最後自己負而唔係所謂嘅網友決定自己人生。
1個讚
但成日會有好多三姑六婆黎講，耳仔軟又會諗。自己容易受人影響。
另一半暫時無想要，但唔知再老啲既時候心態會唔會變。有時見到啲人好想要小朋友/好開心自己有小朋友個陣，我就會諗可能我買個袋仲開心。
其實我都唔知生活意義係咩。平時我都係俾人照顧，唔想照顧人。
有冇媽媽真係可以交哂個小朋友俾其他人照顧？
我自已所見，交得比人照顧（講緊放假先接返屋企，甚至唔接），通常父母自思想都係唔係咁成熟。。。。
怕辛苦，要生完都自由自在
呢類夫妻，如果生活順風順水冇問題，但如果有咩生活問題，例如一方突然失業屋企唔夠洗，就會好快互相指責而唔係解決問題，跟住就關係凍過水。
1個讚
我自己都係呢類性格，生完果幾年因為困身都會唔開心，但又因為又返工又照顧屋企，其實係連「唔開心」的時間都冇。
唔覺唔覺又已經高小，又感覺到自由返咗少少嚟，但生命中多咗個人就係多咗個人，好似佢之前去咗CAMP，我同老公終於可以二人世界出去食飯，但都會心掛掛，臨訓果陣又會張部電話放近床頭，驚有意外自己聽唔到。。。。。
2個讚
其實我都真係怕辛苦啊，我都覺得我地未成熟，都唔明點解長輩想我哋生。
不過我細個個陣都係啊嫲湊，我又唔覺得我父母有問題。個陣佢兩個都要返工，星期六日先接我，好似小學就同返啊爸阿媽住，我自覺都係幸福家庭生長。
我就係見好多人本身都唔鐘意小朋友，但有左心態就改變好似你講個啲心掛掛，同埋見到有啲post好多人都努力想有，加上長輩講既，諗自己係咪異類，將來會唔會後悔。
生唔生好多因素，生完出嚟最大責任喺父母身上，要付出都係父母，其他人根本無權去要求你去生，就為咗想抱孫。
生定唔生喺到都算係月經post，如果你擔心香港環境，就考慮清楚先好生，呢幾年我見到嘅係香港小朋友受影響比以前更加多。最切身問題，你俾唔俾佢打針？呢個年代，千祈唔好只係因為我好鐘意小朋友、生咗個家先完滿呢d 心態去決定。責任真係好大。
3個讚
其實佢地想還想，你唔想生，咪答佢一句係呀我個肚唔爭氣生唔出呀HEA過咪算。
我奶奶都同我講過你又唔洗返工，日日喺屋企冇野做咪生多個出嚟玩下囉。。。
我都係HEA答：睇下啦，得閒諗下 /唔生啦，你個孫咁難搞我唔想嚟多次
其實好多時係啲人冇野搵野講，你未生問你幾時生，生左問你幾時生多個
2個讚
無論邊個選擇都有後悔的機會
我會羨慕人地嘅自由自在
無小朋友又同様體會唔到陪住一個生命生長嘅喜樂
得到一啲自然會失去一啲
就算唔講政治環境唔講錢
生小朋友首先係你會享受你人生會多出呢一個新生命
而唔係人地想你就去生
4個讚
我有講你咁樣我好大壓力，順期自然啦。但每次聽完人講我都好容易記左係心。
係呀，所以我覺得生同唔生都要𠄘受好多壓力/責任。
唔生又要𠄘受流言蜚語。
生又要長長憂99。
三姑六婆唔駛理
最緊要你兩公婆仲響生到嘅時候諗清諗楚
唔好話到40歲先plan話生
因為佢地自己都有仔女丫嘛
生完一樣大把說話聽，餵人奶定奶粉、抱定唔抱、全職定返工、邊間幼稚園、幾多興趣班⋯⋯
3個讚
首先、你咁介意人地講乜
到你生左、又放在長老度湊
一定有人話你點解唔自己湊belibala …
咁你到時點算…
3個讚
因為係長老講呢樣個樣，有諗過唔係極度抗拒就生一個俾佢湊算。咁佢又鐘意湊。
因為我自己都有擔心自己會後悔或者老公心態改變。
其實以前細個係會幻想一家三口，但大個左發現現實世界咁多問題先有宜家唔想生既念頭。
其實咩叫生一個俾佢湊？湊到幾多歲？
如果小朋友到時話想同爸爸媽媽一齊住、咁點算？
小朋友生生性性冇問題
如果佢上到小學科科見紅、咁你自己湊返？定係鬧返小朋友話我細個都唔會好似你咁？
睇你字面、不如你直接同老人家講我check左生唔出啦、叫佢地唔好再問就算
4個讚
對呢句說話好反感，生小朋友唔係為咗滿足長老。佢哋成長需要父母，唔係祖父母。
12個讚