你指我阿婆定我阿媽？
我阿媽係家姐，咁阿公返工，剩返咪阿婆煮飯 （當時佢係做緊阿媽嘅角色）
但問題係…
樓主只想生個小朋友黎塞住長老個口，自已只會陪下玩咁。
當然，而家好多野可以外判比人做，但而家講嘅係責任與愛。
我見唔少，媽媽出去返工，回到家就咩都唔做。係…小朋友的資源可能比較多，但心理卻有缺失。一係發脾氣打阿媽、打爆電視、滿口大話、幾歲人仔無理財觀念，身有錢就去買零食，就算d錢係交通費；一係沉迷電子產品（個阿媽一回到家就睇手機、睇電視。小朋友溫書唔好，阿媽無耐性就像發癲咁鬧個小朋友）。
我意思係宜家既媽媽唔一定要好似以前咁做煮飯角色啊
可能考試季節又到…咁似初小考議論文題目嘅
其實生唔生好睇自己和另一半的情況：
財力、心態、價值觀和肯取捨什麼。
誠如你所講，無一定答案。
至於長輩同社會係點，影響唔大。
好似N、D或S接受唔到漁村人太靈活變通而且非圈養，同自己價值觀唔似，咁就搬去C國。
1個讚
咁除非生左荷爾蒙轉變(帶頭盔), 我本身唔係啲會鬧人/成日發脾氣既。
我就係覺得好似一直諗，一直覺得會好大責任，就唔會想生。
我返工個度有幾個媽媽。
有一個睇得出好鐘意小朋友所以生左兩個，佢都有俾老人家湊既。成日講小朋友既野。
另一個宜家去左生仔，我問佢點解生，佢就話本身佢都唔想要，老公想要就俾佢。
再另一個，宜家為咗小朋友讀幼稚園成日請假去見幼稚園，佢勸我唔好生，玩夠先，我見佢有工人都話會好忙。
我都係觀察左咁多，係度自己諗緊。
本身我係一個閒人黎，返工屋企都唔忙既。
哈哈，唔係考緊大家。
其實移民我都有諗過，本身有居住權，但係搵錢真係香港會好啲，去到唔知可以做咩。對小朋友，我為到佢既就係俾外國國籍同俾佢外國讀書。
1個讚
又其實咁講，我唔係話要為左其他人生，我哋兩公婆一定係最大話事權。
但我係到諗，我自己都唔肯定將來既自己會點諗，我唔係唔鐘意小朋友，只不過我不嬲唔係照顧人既type。姐係應該所有人拍拖都會幻想過自己同另一半如果有小朋友會點？咁我就當然幻想會好開心咁啦，但我都知現實生活係點，所以宜家就平常無咩特別想要既心態。
其實有冇個win win situation 大家(長輩，媽媽，小朋友)都happy。
你好難去控制荷爾蒙，就如我自已，產後抑鬱要去睇精神科。但在小朋友面前要好盡力去嘗試去好好控制自已情緒。
你說到你有同事的小朋友是比長老湊，長老幫下手同主力去湊會好大分別。
閒人唔代表有時間和能力去湊小朋友。我之前講性格有缺失那兩位小朋友的媽媽，就是喜歡休閒的人。照顧小朋友有辛苦時，就掉給另一半、長老、姐姐去解決，自已就去玩手機。
所以我就話，生小朋友，自已的私人時間就要預無左好多。
2個讚
Winwin?
對我黎講，長老閒時玩下孫就好開心。
小朋友有爸媽愛同陪伴就好開心。
媽媽你想開心？唯有這個想法「我小朋友開心我就開心。」
3個讚
生仔真係對女人好大影響。其實我都唔知點先算主力湊，我返工九至六，我唔想做ftm。其實放左工最多都係同細路傾下玩下？我知可能有功課，但都會係早啲去補習？
所以我就係諗係咪女人俾自己既枷鎖，點解其他人就可以玩下，得媽媽要受哂？
長老玩下就唔會心理有缺失，媽媽玩下就會，邊個喂食飯之類真係重要嗎？
可能有d人會諗生完比長老湊，但其實佢地都老會辛苦，我家姐小朋友比阿媽湊，另一個朋友就自己湊，係有分別，教育上或者接觸既野有唔同，例如家姐小朋友多數去樓下公園，朋友小朋友就去迪士尼，唔關錢事，係思維唔一樣，如果條件許可我會係想自己湊
我明白香港好多雙職家庭。就以你所說例子：
你朝9晚6,放工回到家當最早7點。你之後會點呢？會好累想有私人時間睇電視？玩手機？但小朋友會需要你同佢玩，玩也是一種學問；小朋友再大d,你要同佢溫書…
星期六、日要比多數時間小朋友，同佢地去公園、博物館…
生左小朋友，就唔可以好似做女咁，想點就點，想去睇戲就即刻去，想去旅行就即刻去。因為你唔再係你一個。
2個讚
會。
例子：小朋友食量好少，長老成日驚小朋友唔飯，無營養，所以好多野都整碎比小朋友同餵食。結果小朋友而家口肌有問題，要睇言語治療。
這就是責任了。
生小朋友不是買棵菜。
小朋友是你生的，你就有責任去照顧佢。你最多請姐姐、長老、補集幫手家務、照顧、學習。但佢地唔會有你同你小朋友嘅bonding,因為你係佢媽媽，你帶佢黎依個世界。
所以我真係諗唔明長老，咁辛苦捱大左宜家又話想湊孫，仲同我講趁佢哋仲有體力就生。
接觸唔同我都有諗過，咁星期六日個啲我都可以帶佢哋去好既地方。
我唔想自己湊係因為我覺得辛苦自己，到時唔開心，只會怪小朋友，我都係顧掂自己再顧其他人。再加上我自己都係俾人湊，我覺得我媽媽係一個好媽媽。
不過其實我宜家諗法都一樣順期自然，太多野要諗了。
好恐怖既感覺 
你應該係6299有錢，又想同阿媽去4次旅行個位
既然6299有錢，你想點就點啦，生完好似啲闊太咁掉俾人教俾人湊都大把資源，放養完仔女中文差咪讀國際學校囉。親子關係？有錢隨時唔做野買到時間咪到時補求囉
所以你鐘意啦
咁真係好麻煩，但係咪長老既問題？點解佢哋湊得大我哋但湊孫又唔掂咁。
同外國人都係由得啲細路仔自由發展。俾我就會心大啲，當佢鬼仔咁湊算。
長老當然會咁講，佢地只會想玩孫，見過長老湊孫，唔係傷晒就係無得去旅行，同朋友飲茶。
而且你覺得你媽媽好，無湊你一樣好。唔代表你小朋友會咁諗。就好似我以前有得食麥當當已係好開心嘅一件事，而家小朋友？有麥當當食都開心，但唔同我以前細個果種興奮能比。