我睇重嘅係夫妻二人相處嘅時間，所以抗拒同住，覺得唔方便。
咁即係你介意冇玩嘅時間，如果你係有嗰句講嗰句嘅人，咁講你個感受比佢聽就得，一星期同佢屋企人食一次飯，平時晚晚去唔同地方食同玩，要盡興。其實最緊要知道自己想要乜。
2個讚
我理想當然係想咁，但講真又點會有咁多錢可以晚晚去唔同地方食同玩。我宜家同老公講左，食完飯去返散步，可能會無咁悶。
其實我將來都係會想搬出去，但我想搬去啲想住既區同可以租車位買車，所以要儲多啲，唔係即刻搬出去。
咁即係錢嘅問題⋯老公冇你想像中咁有錢，所以覺得悶同失落。
或者我唔係太理解到你個感受⋯我只要個老公健健康康、響自己身邊陪住自己就已經好感恩同滿足。
我係你，新婚，我會嗲下老公話今日涼左好多，我可能著唔夠衫好凍，而家好頭暈
好想返屋企沖個熱水涼
老公你可唔可以送我返去啊我唔知點算好
其實有冇令到對方有被需要嘅感覺係好重要
製造一啲機會，同埋多啲讚賞對方，都係可以改善關係嘅第一步
睇你講嘅背景，所謂擔心錢呀儲錢嗰啲其實都係藉口
因為佢都唔介意你搵份平啲嘅工，亦都唔介意你擺入去儲錢係少啲，甚至乎佢都好錫你，佢知道你阿媽想去就放低晒佢啲所謂嘅原則
佢咁照顧你阿媽威受，一定好愛你
反而佢係介意你有幾需要佢，或者你有幾想同佢建立未來嘅屋企
你未來嘅計劃會唔會有佢
佢可能係覺得你自己去旅行，都可以好開心
好似做好多嘢冇咗佢都得咁
3個讚
唔係話老公無我想像中咁有錢，係有好多濕濕碎碎既問題令我苦惱。
咁當然有錢可以解決好多問題啦。
你都講得啱，其實平時我都有嗲佢，但有時情緒上黎，我都會有唔好既心態(覺得我自己搞得掂，佢哋好煩)。
係有時我都覺得自己未做到愛屋及烏，但我又唔想改變自己。我真係未好適應到個轉變。本身我都好自我。
自己去旅行個度，其實都有啲俾佢哋搞成咁。我好鐘意去旅行，但老公要返工，我唔想好似怨婦咁只係等老公幾時得閒我先去得。我都有同老公講，我最想同佢去旅行嫁，但佢去唔到我先搵啊媽。
真係要好高eq先可以嬲緊都仲嗲 
會努力
坦白講：同老爺奶奶住，冇自由，生活質素唔會太高
我鍾意自己建立一頭家
5個讚
有對比之下你已經好好，想像下當你地2個搬左出去住，支出多左，家務總要有人做，你老公咁忙，咁咪變左你做，生活一樣咁苦悶，你仲要做多左野，除非請工人
1個讚
我講既生活質素係生理層面，姐係好似同啊媽住既生理層面質素係高(因為啊媽會打點屋企)，但心理層面就會低左(被管住)。不過人人唔同，呢個都係我主觀覺得。
呢個係我暫時既諗法啦，我都會搬出去，但我唔想手頭緊咁都要搬出去。
我本身有地方係屯元天，如果搬出去我返工要一個半鐘？我未試過，但我老公到時都會嘈。
佢仲有其他地方，但係佢哋買個陣都係諗住放租。單位都係細。
所以我哋有共識之後要搬，但宜家真係唔知搬去邊。又租一個地方就又好貴。我覺得都係另一樣之後會煩既野。
係，我就係都有諗過呢啲，所以先覺得儲多啲錢諗清楚啲。
要搬走，簽個租約就走得，到時就返唔到轉頭。
同埋有錢既可能係老爺奶奶….
我覺得樓主太不切實際、一直生活得太幸福有啲公主病、就咁聽夫家唔算差、有錢又唔駛你做家務、一係就自己搬出去又接受唔到生活質素下降
婚後生活都係咁上下、以前你阿爸做、而家夫家做、將來搬出去都要自己做、點會成日風花雪月、老公想儲錢獨立其實係好事
6個讚
咁你真係要改變，你住喺人哋間屋度都冇辦法
我係你我真係會有骨氣啲，寧願生活質素差咗，起碼係同自己老公一齊去經歷嘗試建立一個家庭，嘗試面對生活唔同嘅新挑戰，然後大家一齊捱一齊成長
但你又要喺佢屋企同佢屋企人住，又要好自我
咁真係唔work
5個讚
冇嘢係你蠃晒，只有compromise. 趁年輕多儲錢，反正現在生活環境方便舒適，老爺奶奶又冇難為你。 無法改變別人只有改變自己。好多時年輕人都將老人家的關懷當成管束，多體諒，向好方面想就好。想食自己鍾意嘅嘢，要不就出街食，或煮埋俾一家人一齊食，咁一起生活才大家開心。老人家以自己公司為第二個家，歸屬感不能跟你相比，如果本身佢哋都well off, 而佢哋仍繼續努力工作除了已成習慣也是為下一代累積財富，要學懂感恩！
8個讚
但係呢個都係老公咁諗，佢都係想儲多啲先搬出去，如果我堅決話宜家搬，佢都會嘈。到時又嘈多一樣。
而且老公講就話去旅行個度叫我自己搞掂，但宜家我心入面又覺得好難做，驚我去咗到時佢又唔開心，有種想去玩但好似做錯事既心態，但我媽又好想去。。。
係呀，有錢既係老爺奶奶，我同老公都無錢，我叫做有層樓但我都要供樓。我宜家都同意左儲多錢，所以先一直講宜家儲多啲，之後搬出去。
你講得好有道理但我心態轉變唔到，成日都會覺得煩，但又知佢哋都係好人。相處真係一門學問。
講笑咁講，我真係一個壞左既人。。。
又要馬兒好, 又要馬兒不吃草…
個個都想吃喝玩樂唔駛煩其他嘢
命水好好就可以靠人攪掂
但尼個世界大部分人都係靠自己
冇條件就要自己創造
2個讚
好好，呻下感覺良好啲。同埋我本身無呢啲要煩，結左婚一下子成日有呢啲小問題，心情搞唔掂。
黎緊咁多旅行去仲呻生活苦悶
你冇野做就plan下旅行啦
平淡是福呀
3個讚
勁似我，我屋企係咁，佢屋企人又係勁close，勁大壓力