其實本身未嫁個陣，我爸係負責買餸煮飯同洗衫煮飯，宜家結婚後老公都有做家務既，所以唔係只係家務問題。係感覺唔同左(有可能係呢排嘈得多)
1個讚
但我哋買左樓，我老公睇錢好緊張。我之前就係覺得大家旅行去玩多啲開心啲，但我老公係想儲多啲錢。仲搵緊個balance, 想又儲錢又開心。
其實我諗返，之前我哋一食完晚飯就落街行，有傾有講係幾開心，但之前我懶，唔落街就變咗我煲劇佢打機，可能都真係落返去散下步會感情好啲。
2個讚
傻啦~
我講野仲長氣過你 
我覺得係老公嬲你無帶埋佢一齊搭的士走
哈~~~搞到佢又甩唔到身
又見少你一兩個鐘咁
1個讚
我都唔知佢嬲咩 
佢又無講，我又唔想問完又嘈。多數隔一陣間就無野。
但我唔開心係因為我覺得我無做錯 
但佢嬲我搞到好似我做錯咁
係 我都聽過好多kol youtuber咁講，宜家自己身歷其境。
我諗最大變化，不是結婚…
而是你離開了自己屋企，同時要同佢家人同住。
另外，你做緊一啲平日你拍拖唔會做的事。
以自己意思，在未有溝通下，為老公應對佢阿爸
就昨天的事，無絕對的誰對誰錯。
只可以講大家有大家的生活節奏和價值觀。互相改不了大家。
更何況，打工心態同自己生意心態，大大不同。
不過，角色唔同左。大家都要時間適應。
結婚不只是兩個人的事。如果第二時有小朋友，更更更更更多事要磨合。
加油。
3個讚
係呀，我覺得我未適應。佢屋企人唔係對我差既，但佢哋成日講啲為人好但人哋唔想要既，我又做唔到左耳入右耳出。
姐係我唔想多左個呀爸呀媽啊，唔想要人理我。
我同老公都唔想生住，但佢爸媽想抱孫，呢個都係我之前煩過既野(我老公同佢地講有分數，呢排佢爸媽無講), 佢哋仲要係個啲覺得我哋都唔想生小朋友，點解要結婚既思想。
我都知，但唔知點解呢排會有啲苦悶既情緒。
Um…
我覺得有時候太多用自己角度出發未必係好事
老人家又覺得你唔識尊重
我自己都係衰呢樣，所以嘈左好多年最後搬左出黎
2公婆一齊住係一門學問
同長輩一齊住又係另一門學問
仲要係睇返本身你老公既性格係點
1個讚
其實我都明啊，但我都等左兩粒鐘，我唔想尊重人而委屈自己。我覺得我遲啲都會搬走，只不過宜家想儲多啲等之後既生活質素都可以keep返。
本身我老公性格唔係愚孝，佢都會發阿爸阿媽脾氣，我都知佢係仔唔同既，但我真係寧願做衰人我都唔會委屈自己。(雖然就呢件事黎講唔算委屈，但唔想底線被挑戰)。
我都明大家角度唔同，所以佢想返工咪返工，但我想放工又老點我返公司，所以我先忍唔住。佢哋就係成日都覺得佢哋個套係啱。
理解，所以你開頭應該一下就自己返去先，一係就講句唔好意思有啲唔舒服比個著等大家都聽得舒服啲
同長輩相處係好煩，要好圓滑架
1個讚
我下次會自己返去
我走個陣都已經話我要返屋企去廁所所以走。不過可能我有表現唔耐煩，同我老公發脾氣，所以都可能估到。
同我都覺得有時啲嘢係積埋積埋，佢哋成日都要車黎車去，我覺得好煩。奶奶去咗商場行，明明老爺返工，我同老公拍拖，佢都會係group講有冇人車佢返去，搭的士只係15分鐘max。好彩呢啲時候多數老爺車佢。
可能我本身屋企人好獨立，各顧各，佢哋做咩都一齊，不過都有可能我係外人，完全無想融入佢哋。純呻。
同佢屋企人住好影響夫妻感情。平時有冇機會：
1.後面攬住佢睇住佢洗碗？
2.一齊沖涼？
3.假期唔出街攤響梳化煲下劇？
4.有嗰句講嗰句唔洗就住就住怕比其他人聽到？
5.一齊煮飯？
6.唔洗限住開飯時間出現，自由出入？
你覺得而家個生活質素好高？好想維持Lee個質素？我就覺得好差同冇自由，根本冇婚姻生活。
1個讚
如果買咗樓，現時環境，儲個錢真係好緊要
1.一星期洗一次碗到，佢洗碗我就會抹碗，洗碗個陣唔會攬，但平時有屋企人，我哋都會拖/攬/錫。唔會話有其他人就唔咁做。每朝都抱同錫。
2.我唔鐘意一齊沖涼，以前試過一齊沖，唔可以同時俾水淋住好凍，但我哋廁所係套廁黎既。除咗我同老公，唔會有人入房同廁所。
3.假期我哋一定出街，老公得一日放假佢唔想癡家
4. 我性格就係有個句講個句
5.有試過一齊煮，但講真返完工都唔想煮飯，星期六日我都想出街唔想煮飯。
6.開飯時間就一定要出現既，但有時都會返娘家食同拍拖出街食（1星期1至2次）
我其實真係細心諗過宜家生活質素真係高啲既，因為最主要唔洗家務，地方大同有車。現時靠我哋自己只可以住啲無咁好離公司好遠既區同無車。
生活質素我自己主觀咁睇我唔覺得差，但無咁自由(eg想食既野)係真。但我計過，如果我搬出去，又要洗錢，又住細左，返工又遠，仲做多左家務。
雖然我哋一齊住，但係屋係上下層，我平時都只係同佢屋企人係食飯/車/公司見面。
我想要既婚姻生活係一齊去玩。所以我想有多啲時間出去，未必係話成日係屋企煮飯洗碗之類
係呀，宜家都打算儲多啲錢，之前大洗。
改變下心態可能會好D, 現實同幻想永遠都有落差，現實無得改就改期望
1個讚
係，我之前ff得太美好。純呻
每人都會有，呢個係正常嘅，學比加超講 the worst is behind us
哈哈，佢哋講啲嘢要調返轉聽。