我愛老公，相信老公都係愛我既，
但係結婚之後既生活好似唔係我想要咁既
無咩大事發生，但有啲小磨擦(就算拍拖都會有)
我都知大部分人都係返工，返屋企食飯，然後hea下訓覺，但我開始覺得好苦悶。
有冇人明白
(no fb no ig thanks)
4個讚
但係上次旅行件事最後點?
結婚生活就係咁，只係叫多咗個人係你日常生活入面
2個讚
就好似琴日打風咁，本身我有風假覺得好開心，以前未結婚可能會去下打牌搵啲嘢做開心下。但老公唔係即刻放得工，後尾返屋企都係on99食飯各自係度hea, 覺得無聊。
我同老爺奶奶住，佢哋兩個都好似無哂生活熱情，只係返工放工(老爺愛返工到一至日都返工)，無其他生活，我老公同佢哋一齊做嘢既，搞到佢都無埋生活(我老公叫好啲，星期日放假)。
再好味的六星米芝蓮餐廳
日日食，都會唔再驚艷
你原來憧憬的婚姻生活是如何的？
2個讚
我本身諗住唔去，但有一日老公同我媽食飯，老公聽到我媽其實幾想去，佢就話叫我自己諗掂佢啦(意思無強硬唔俾去), 同老公家姐都有呢個免費機票，所以我可能都照去。但未book（睇定啲我老公/媽想點先)
我憧憬既係起碼好似拍拖個時咁，有啲熱情，唔會成日為啲小事嘈。
1個讚
拍左拖幾耐呀?
我同我老公結左婚十年都仲會有啲小事而嘈下
嘈完最緊要快下火，唔好堆堆埋埋啲情緒
2個讚
記得你話係你想結婚多過佢
不如講下你對婚姻本身有咩期望?
兩個人一齊生活一定有好多習慣要再適應再磨合
你期望有乜野係結婚後先會有
而拍拖時係無既?
1個讚
拍左拖一年幾，我算善忘既，嘈完我就會唔記得都訓得好好，但嘈交個陣我就會不斷諗住，同埋宜家有時都懶得嘈但心情唔好。
未結婚前，一定會FF婚後生活如何精彩，但現實係唔會，無論有錢定無錢，感情會由拍拖feel變成家庭feel, 最大原因係日見夜見，之前可能間中先見，所以會珍惜，結婚後，見得多咗，習以為常，加上香港生活迫人，只可以FF下就算
3個讚
可惜…
現實是多了頭家，除了燈油火蠟同媒氣…
仲有日日洗衫摺衫同換廁紙
呢啲係你阿媽同佢阿媽要做開的生活日常。
4個讚
咁屋企都可以有d 小情趣
打風都可以買d 簡單野番屋企煮下大家一齊食
或者搵d 平時唔會煮又搞好耐既野整下
eg 整麵包、整蛋糕咁
佢就算番屋企繼續做野
聞到香味應該都會八卦下你整咩食啩?
2個讚
同住就係咁，慢慢適應唔會日日有驚喜，細水長流先至係婚姻，有時驚喜吓，有時悶下，所以有人喜歡拍拖唔結婚就係咁
1個讚
其實結婚同拍拖真係2回事黎
我同我老公都用左好幾年黎磨合
呢個係一個過程
大至買傢俬
細至換廁紙都可嘈交
仲可以嘈到勁大鑊
見到呢個post,令我諗起
不過，提提你，有得一定有失。
你賺左更多相處時間
賺多左製造驚喜的空間
結左婚都要留啲空間俾大家
我覺得宜家最令我唔慣既係同佢屋企人同住而佢屋企人好悶同好老一輩思想。即係個啲對你好叫你食多啲，著多啲。
佢屋企係大既同埋一齊住我唔洗煮飯做家務，同埋可以有車用。
我有計過如果我哋搬出嚟就唔會有宜家既生活質素，但我哋就可以有自己屋企。但同時如果手頭緊左，我又覺得會有第二種煩惱，所以一諗到呢啲，我就覺得煩惱。
琴日發生左件事，打風我有得早放，我講左話如果我老公屋企唔早放(佢哋一家一齊打工)，我就自己返屋企啦(平時會車埋我返屋企)。但佢爸就叫我去佢哋公司先。咁我諗住佢哋都差唔多走，我就去一齊走。點知去到佢公司，等左兩個鐘都唔放工，我就自己搭的士走，我覺得好唔尊重我時間，如果我咁中意ot 我就自己係公司ot啦。
但我自己走咗之後，我老公仲好似嬲左我咁，其實佢自己都想走(佢有發脾氣)，係佢爸有野做要留低。我明明做咗佢唔夠膽做既野但仲好似嬲返我轉頭，我覺得我無做錯，最多都係唔俾面佢啊爸唔等埋佢。
(太長sorry)
1個讚
正常人既生活就係咁啦…
應該係話, 人類既生活咪就係咁囉
我睇到其他人生活都係咁，我都明，但自己親身體驗個陣就覺得苦惱。正宗有老公又煩，無老公又煩。