有知音 
同埋其實老公同屋企人有時都會嘈，始終佢哋一齊見得多實會嘈，但我同我屋企人係唔會嘈交。
其實好正常
有時都係自己經營
啱啱又和好返，所以無咁苦惱啦。
3個讚
搵啲劇一齊煲下
睇下真人show又可以傾下計
有共同話題
1個讚
係呀
大家生活習慣唔同，要唔少時間去磨合
1個讚
樓主勁似我同學既 background
佢又係嫁咗俾有錢老爺99既仔
又係一齊住，住樓上樓下，有工人，一齊食晚飯
不過佢仲勁，佢簡直響埋老爺公司做嘢（冇錯，朝早一家人一架車咁去公司返工
不過佢同佢老公係拍咗好耐拖先結婚，都係冇小朋友既
初時都有聽佢呻，都同你差不多啦，同老爺99住係學問，慢慢會慣
1個讚
我都有FF過如果我要一齊做嘢會點，結論係我一定唔制 
我以前好天真咩都無諗過，我以為人人屋企啲爸媽大致上都同我屋企一樣。(因為可能本身圈子啲人差唔多)我結左婚先知原來其他人屋企係咁 eg 老爺奶奶都唔識英文但我爸媽都識，老爺奶奶唔係成日去旅行但我屋企成日去)
老爺奶奶係有錢但佢哋好慳錢。但洗係某啲嘢又會好疏爽，姐係都係價值觀唔一樣。
同埋我覺得我都係呻下，我覺得煩惱既野唔係話咩有錢無錢，同住定唔同住(當然呢啲都係會煩)。
但最主要都係結咗婚做咩都要諗另一半，姐係以前去唔去旅行，自己住定點，想食咩唔食咩，都係我一個人話事，宜家做咩都顧另一半(甚至佢屋企人)感受，唔啱心水又會嘈交。煩死了。顧左人哋感受，自己感受又差了。
不過我都明既，有得就有失，都係呻下。
樓主係唔係好後生？
感覺上係人生閱歷比較少，所以婚前無做足心理準備。
4個讚
我反而覺得樓主有d 一時衝動結左婚
但婚後發現自己係嚮往做女時自由自在既生活
唔鍾意老公管太多 (eg 著裙要打底)
加上無諗過老公屋企人連打風收工都要"行動一致"
所以同婚前好大對比
2個讚
後生而且沖動
我自己19歲就結婚
所以我明
知佢想呻，但或者都諗下會唔會試下用他人角度出發
2個讚
我終於醒起啦
婚姻唔係1+1=2
係0.5+0.5=1
大家都放低左啲自己
再去融合成為一家人
5個讚
呢點係最重要㗎。雖然聽落覺得你好幼稚好唔成熟，但我覺得你係明白要改變，你只係要時間，希望你可以愈變愈好，同老公慢慢磨合開心過日子
2個讚
是，憧憬太多童話世界
又唔諗下靠自己，一家一住(煮)
我唔算後生，但我媽爸都無嘈交既，所以係我世界結婚好似就係happily ever after， 加上個陣有啲係年紀到就會想結婚，同之前都無人管我，老公係第一個男朋友會管。
1個讚
其實我都係同老公妥協所以先一齊住，佢覺得搬出黎開支會大同加上我之前講個啲車啊個啲原因，所以想儲多啲先再搬。我再適應下見步行步啦 
我雖然未結婚但同居，或多或少明你諗法。我諗都唔係要埋怨啲咩嘅，只係發覺同住冇以前咁爽，但又唔係啲大不了嘅不滿，未至於要投訴，只係好想抒發下。
我自己同居後，好似大家咁講，真係要捨棄左部分嘅自己，生活方式冇得完全跟自己果套，另一半都係（但我覺得我就佢多啲囉
），亦都少左好多以前耐唔耐拍拖約會見面果種心動浪漫，但我自己比較住家，有時可以一齊去揀下家品覺得好似一齊計劃一啲野嘅感覺都係另一種開心。
2個讚
係呀就係呢種捨棄部分自己既感覺。同老公唔明我。但有時一齊訓唔會孤獨既感覺都開心嘅。
1個讚
係啊！有時臨瞓攬下都會覺得好warm，所以只可以放大啲開心嘅時刻，勞氣果啲盡量隻眼開隻眼閉
2個讚