想請問黎緊天氣越來越凍，你會照整冷便當比小朋友嗎？佢會唔會投訴天氣凍仲食凍野？
話說我學校無得送飯，小朋友太細怕熱壺太論盡多野拎，冷便當就輕巧d而且可放入書包，但諗緊天氣凍仲食冷飯好似唔係太好
天冷除了壽司同紫菜包飯外應該唔會整凍飯盒了，因為我想佢暖d。
不過遲d我可以送飯呀！應該唔用保溫盒只用保溫袋佢食時都暖暖地嘅
1個讚
輕咖哩蕃茄肉碎
請問點煮？
問少爺想食熱飯定凍飯，先話熱後話凍。
再問冷便當定壽司紫菜飯包？
壽司！
好的
都係果堆食材，決定了再看怎樣處理就可以。
雞扒、玉子燒、三文魚碎沙律、青瓜絲、炒甘筍絲加蟹柳。
是日午餐-雜錦壽司
4個讚
材料
細洋蔥 半個
細型蕃茄 2個 bb拳頭大少少
蒜頭 1瓣
免治豬肉 約250克
咖哩粉或油喱 2至3茶匙
蕃茄汁 1湯匙
水適量，蓋過肉碎就可以
鹽糖 適量
爆香洋蔥粒同少少蒜蓉，加入肉碎炒至肉身有微微焦香，再加入蕃茄粒，下調味，可以用油咖哩或咖哩粉，睇自己食幾辣幾香決定落多少，兜勻再加少少蕃茄醬，落鹽糖俾水，滾起收細火煮至收汁即可。
亞仔話好送飯，但有少少辣，我用油喱。
5個讚
好唔好意思呀，要你咁詳細覆我。可唔可以問多句邊隻咖喱汁好食呀？
我用開冠益華記咖哩膏（油喱）呢隻其實都辣的，但又幾香。記得要炒下先落水，咁個香味會出d
3個讚
是日午餐
暖飯盒好難有靚擺盤，唯有用顏色搭夠
鮮茄梅頭豬排
蛋花雞丁四季豆
拎飯盡量少油膩，因為永遠唔夠熱後味道就好易大走樣。
9個讚
你整嘅餸真係好吸引 
想請教一下你啲茄子係點整架？煮完都可以keep到咁紫色
好好心機呀！小朋友好幸福
我通常切開茄子後先浸淡鹽水，之後就拉油，即刻放入油炸一炸，我多數用個細煲仔，油嘅份量蓋過茄子就可以，因為茄子先浸過鹽水，炸的時候不會索很多油的，這樣茄子的皮就會紫不變色
7個讚
11個讚
請問鰹魚湯係用粉開?
支裝液態同粉狀都得，我今日用粉的。
要正式d可以用鰹魚煮湯汁
1個讚
呢個post好治癒呢…
已click追蹤
我覺得最厲害係
樓主嘅配搭好好
唔係好複雜嘅野
俾到靈感我
我好奇問
你係會買定一家人份量嘅材料但先整阿仔部份對嗎？
其他可能切好放雪櫃嗎？
1個讚
我晚餐煮果d同亞仔中午食唔同㗎，部份食材唔駛切開就留第日用，切開果d就盡快用埋。但通常會用嚟煮其他餸的。
3個讚
停工多年的送飯媽媽，今日開工lu。
少爺話，媽咪你依家有時間喇，一星期送2，3次俾我啦！唔駛送足一星期㗎
其他日子我自己拎返學就可以了。
是日午餐
蒜蓉雙花
香煎鵪鶉蛋
煎百花釀雞翼
今朝打蝦膠，再雞翼拆骨，真係4點半無可能煮囉
5個讚
想問下屋企去學校駛唔駛搭車啊？
要，
我送飯出去要40分鐘
2個讚
嘩！！同我一樣呀！！
但我學校唔比送，所以暫時無呢個煩惱
你個仔咁講係咪算貼心？