d 食物顏色襯得好靚~
唔只係款菜式係日式
連你個presentation 都好日式 
1個讚
屈機到呢
1個讚
呢個超正啊喂！！！
是日便當
孜然西班牙栗飼梅頭肉粒
椒鹽茄子，翠玉瓜，鵪鶉蛋
肉粒一路焗，老公一路話好香呀！sorry你無得食
試下咁樣炸完嘅蔬菜到佢中午食係咩情況
3個讚
努力煮好每一餐！食咗幾日冷便當，今日整個熱俾佢。
蒜蓉西蘭花日本帶子，撈飯首選香菇鹵肉碎。
亞仔要同同學分享，所以整多少少鹵肉佢地撈飯應該易食d。
今個星期完工喇，少爺聽日去旅行我應該唔駛煮了。
*今朝少爺又彈咗d說話俾我聽，佢話，媽咪你知唔知飯商幾過份，派咗下個月餐紙，佢果度竟然寫鼓勵同學訂飯，因為帶飯唔健康，會生癌症
咒我地呀！
我同鏗講，有d家庭真係無辦法早上重新預備飯餸，所以只好晚餐留起，第二朝叮熱再入盒，咁樣真係唔太理想，但總比你地唔食好一點。
但其實飯商都係早好多做起，之後入雪櫃，當日重新蒸熱再派俾學生，其實有乜健康可言
7個讚
又星期一！晨早起床，攪掂飯盒又爬上床小眠片刻。
今日食壽司，有和牛同juicy 玉子。仲有吉列雞胸。
少爺你媽待你不薄㗎我好眼瞓我好眼瞓我好眼瞓，重要事要講3次！好喇～俾心機跑，俾心機返學校喇！無乜事亞媽退朝了。
7個讚
想請教呢隻梅頭肉粒，會唔會好Un
可否介紹邊度買
你開YouTube Channel，肯定會爆紅
2個讚
我在primefood訂，但惠康，一田，Aeon,都有的
1個讚
媽媽你好勁!!!
你開youtube/ post教整幾個冷/ 熱飯盒，已經可以做福好多家長/ 學生。
1個讚
可摸意直送飯盒去學校？小朋友要轉全日返學啦…
講笑，講繼續update, 我係度偷師
2個讚
我都想幫到大家，見到學校飯咁唔ok,真係好肉赤班小朋友。
我仔話最好唔炸了，因為時間太長始終無咁好食，煎就ok
4個讚
阿仔好幸福呀！我女都中學，佢31號開始返全日，佢喺學校食咗兩袋撈麵咋 佢話唔記得買吓魚蛋燒賣果啲… 
想問下雞扒這類凍食唔會好油咩？
可能我氣炸或用易潔鑊無乜落油去煎，逼出雞皮油份，亞仔話唔油仲好好食。
反而上次煮糖醋骨同台式鹵肉放熱飯壺，我都盡量少油去煮，但佢反映比凍飯盒仲油脂
我仔小息都仲要去買㗎，成日話唔夠零用，學校有三文治，漢堡包，最近好似有埋撈麵 佢話除了學校午餐盒難食，其他都ok的
1個讚
早晨呀～攪咗成晚無得瞓，終於出聲5點20分前減到3號，轉頭仲會取消埋，人地亞媽好起身煮飯喇！
美極雞扒，泰式雞醬蓮藕餅，翠玉瓜加茄子，剩餘肉餡加多塊心型肉餅。唉～一陣又唔知會唔會有風雨，拎少d一盒算喇！
5個讚
今日食hea餐
芝麻醬撈烏冬，今日用乾身果隻烏冬麵去煮，試過唔錯，唔知少爺滿唔滿意。再加幾粒日本蜜瓜啫喱，好似返去小學時間咁
孩子悄悄長大了，唔知幾時會嫌棄我呢個媽咪為佢準備的午餐呢？
7個讚
