小學的最後兩年同中學的第一年,因疫情問題變成在家上網課或返半日學,我呢個午餐媽媽已經被停工3年了。
上星期,亞仔好開心話,終於有機會俾你煮午餐盒俾我食喇!喂~先生!聞說之前講咗中學要留校食就食飯商,要外出食就外出喎,我幾時話煮俾你㗎,依家仲要我晨早爬起身煮飯,我好掛住張床呀!你要練跑我4:30就要起身煮,平時遲極都要6點呢!
不過呢幾日,晚晚都見你清哂飯盒仲呻唔夠飽,辛苦都值得嘅!
day1 壽喜燒和牛飯糰加煎雞釀雞翼
day2香煎三文魚,芝士玉子燒
day3瑤柱蠔皇去骨三黃雞脾,芝士鵪鶉蛋焗大啡菇
day4蟹肉扒西蘭花,鹵水牛臉肉

