媽媽你好好啊
我近少少，不過唔知學校比唔比呢～
我仔學校俾，但老師直接建議在學校訂，但我仔話訂飯的話我選擇唔食了。
今日第一次送出去，因為我只用普通飯盒加保溫袋，我問亞仔溫度ok嗎？佢話ok仲食得好開心
1個讚
我住村要轉兩程車去佢學校，雖然路程有點遠，但見佢食得特別開心，值得嘅
小朋友開心，媽媽就開心
1個讚
原來係咁
又學左野 
與時間競賽！一出爐即入袋，26分出爐，33分我已經在巴士上，只是想少爺食到熱辣辣的焗豬排飯。
是日午餐，鮮茄菠蘿焗豬排飯加灼西蘭花，甘香炒飯底！我自己覺得好好味的。哈哈哈
今朝個半大蕃茄，半條甘筍，半個洋蔥，少許蒜蓉煮個汁，豬排刴鬆再醃至入味，煎金香，每個程序都好用心㗎，少爺食得出嗎？
13個讚
媽媽你好勁，連焗豬扒飯都得，如果我係你個仔要食學校飯都寧願唔食。
遲啲我仔返全日，但我打算俾佢食學校飯一個月，試吓幾難食先珍惜媽媽煮既飯
3個讚
呢招幾好喎，等我偷吓師先，呢個post真係好正，好多嘢學
我仔基本上成個小學階段都係我送飯，係每年上下學期開學果排會食學校的，因為我要做家長義工，全日在學校幫手，頭兩年佢係食1個月，叫苦叫一個月。到大d就唔肯了，寧願我唔得閒佢食三文治就算
我成日覺得未必係我煮得好，必定係學校嘅太難食。我做派飯媽媽見到都無胃口
所以我都同朋友講，可以煮到就煮啦～唔見得學校嘅有幾有益，真係煮唔到就無辦法啦！
果時見有家長有時間㗎，住學校隔離，佢又唔駛返工，真係隔日book去美容，約朋友飲茶吹水，小朋友求佢都唔煮，話出嚟社會都無得你揀。
我話，亞媽你食A餐廳唔好食可以轉B轉C。但學生唔好食都要成個學期食佢喎。而且飯商真係唔可縱容，有d堅處理得好差呢
5個讚
你講得好好，其他地方唔會咁求其去處理小朋友午餐，只有香港先會縱容呢啲飯商
其實我自己要返工，但都諗住俾佢帶飯，始終我想佢吔食得健康啲，我仲特登買咗個有時間制飯煲同收集唔同方便食譜，不過疫情下未實行過
2個讚
是日午餐
香茅豬扒煎燶邊蛋飯，配菜青瓜條加手指茄。
昨日整焗豬扒飯，開咗包栗飼梅頭扒，1包有4片，剛好分2餐，加埋我試食就剛剛好了。
昨日順便醃埋，用自家種的香茅味道清香，又唔知啱唔啱少爺口味呢？
昨日的焗飯，佢話非常好食，仲要辣手㗎！
見到你食得滿足我就滿足了。
9個讚
呢句啱、我自己都想出去飲茶吹水、不過唔想小朋友食飯商、唯有自己早起身煮
早係求其炒個飯都好過飯商….
1個讚
我的小朋友非常揀飲擇食，都唔知可以煮咩，又靚又好味。參考下你d午餐先
多謝分享！你整啲飯盒好靚
請問你個保溫飯盒係咩牌子？我想買個長方形飯盒俾小朋友
唔好意思，我長方型的不是保溫盒，只是普通不銹鋼飯盒，因為我是11點半前送飯俾佢，所以10點半前煮好入保溫袋，佢12點食還夠熱啊！
如果想要長型又保溫真心無點見過，通常3層式或1個成型入面有1個餸兜。
1個讚
我都覺~
無諗過帶到焗飯番學咁勁
想問帶煎三文魚，打開飯盒會唔會好大陣味？我果個都好鐘意
我仔無俾人話過呀！佢帶過好多次了